Prudential 450×100

ບັນດາຜູ້ນໍາອາຊີ-ເອີຣົບ ເນັ້ນອະນາຄົດ ຜ່ານການເຊື່ອມຕໍ່

ແບ່ງປັນ:

ບັນດາຜູ້ນໍາ 50 ກວ່າປະເທດຈາກພາກພື້ນອາຊີ ແລະ ເອີຣົບໄດ້ປຶກສາຫາລື, ທົບທວນຄືນ ແລະ ຮັບຮອງເອົາບັນຫາສໍາຄັນຕ່າງໆໂດຍສະເພາະໄດ້ເນັ້ນໜັກເຖິງການສົ່ງເສີມການເຊື່ອມຕໍ່ ແລະ ການຮ່ວມມືເພີ່ມຂຶ້ນກວ່າເກົ່າ ລະຫວ່າງພາກພື້ນອາຊີ-ເອີຣົບ, ສົ່ງເສີມບົນພື້ນຖານການເປັນຄູ່ຮ່ວມເທົ່າທຽມກັນ ແລະ ເຄົາລົບເຊິ່ງກັນ ແລະ ກັນ. ກອງປະຊຸມອາເຊັມຄັ້ງທີ 11 ພາຍໃຕ້ຫົວຂໍ້ ” 20 ປີຂອງອາເຊັມ ASEM: ຮ່ວມມືສໍາລັບອະນາຄົດໂດຍຜ່ານການເຊື່ອມຕໍ່” ໄດ້ຈັດຂຶ້ນລະຫວ່າງວັນທີ 15-16 ກໍລະກົດ 2016 ທີ່ນະຄອນຫຼວງອູລານບາຕໍ ປະເທດມົງໂກລີ.

ໃນກອງປະຊຸມອາເຊັມຄັ້ງນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວໄດ້ກ່າວວ່າ: ຜົນສໍາເລັດຂອງການຮ່ວມມືອາເຊັມໃນ 2 ທົດສະວັດຜ່ານມາໄດ້ຮັບໃຊ້ເປັນເວທີສໍາລັບການສົ່ງເສີມການປຶກສາຫາລືທາງດ້ານການເມືອງ, ຄວາມເຂົ້າໃຈ ເຊິ່ງກັນ ແລະ ກັນ ແລະ ຊຸກຍູ້ການຮ່ວມມືດ້ານເສດຖະກິດ, ການແລກປ່ຽນວັດທະນະທໍາ ແລະ ຮ່ວມກັນແກ້ໄຂບັນຫາສິ່ງທ້າທາຍໃນທົ່ວໂລກ .

ທ່ານ ນາຍົກລັດຖະມົນຕີ ກໍໄດ້ເນັ້ນຫນັກຄວາມສໍາຄັນ ຂອງການເຊື່ອມຕໍ່ ແລະ ປັບປຸງພາລະບົດບາດຂອງອາເຊັມ ໃນເວລາທີ່ໄດ້ລົມກັນກ່ຽວກັບການຮ່ວມມື ໃນອະນາຄົດພາຍໃນອາເຊັມ ພ້ອມໃຫ້ຖືເອົາການຈັດເປັນປົກກະຕິ ຂອງກອງປະຊຸມລັດຖະມົນຕີເສດຖະກິດອາເຊັມ ເປັນຊ່ອງທາງໃນການສົ່ງເສີມການ ຮ່ວມມືທາງເສດຖະກິດ ແລະ ການໃຫ້ຄວາມສໍາຄັນຫລາຍ ກວ່າເກົ່າ ເພື່ອ ຮັດແໜ້ນການຮ່ວມມືພາຍໃນອາເຊັມ.

ທ່ານ ນາຍົກຍັງກ່າວຕື່ມອີກວ່າ: ສປປລາວໄດ້ມຸ້ງຫມັ້ນທີ່ຈະເຂົ້າຮ່ວມກິດຈະກໍາເອີຣົບ ແລະ ສ້າງຄວາມເຂັ້ມແຂງການຮ່ວມມືພາຍໃນອາເຊັມເພື່ອເຮັດໃຫ້ຜົນປະໂຫຍດຂອງປະຊາຊົນຂອງສອງທະວີບໄດ້ຮັບການພັດທະນາ ແລະ ເກີດດອກອອກຜົນຢ່າງບໍ່ຢຸດຢັ້ງ.

ພ້ອມດຽວກັນນັ້ນ, ທ່ານ Tsakhiagiin Elbegdorj ປະທານາທິບໍດີແຫ່ງ ມົງໂກລີ ໄດ້ກ່າວເຖິງຜົນສໍາເລັດຂອງອາເຊັມໃນໄລຍະ 20 ປີຜ່ານມາ ແລະ ປະກາດທີ່ຈະເສີມຂະຫຍາຍການຮ່ວມມືແລະ ການເຊື່ອມຕໍ່ລະຫວ່າງອາຊີແລະເອີຣົບ. ປະເທດມົງໂກລີ ຕັ້ງຢູ່ໃນ ຈຸດເຊື່ອມຕໍ່ລະຫວ່າງອາຊີ ແລະ ເອີຣົບ ພ້ອມທີ່ຈະສ້າງຄວາມສະດວກສະບາຍ, ການແລກປ່ຽນຄວາມຮູ້ປະສົບການ ແລະ ການເຊື່ອມຕໍ່ລະຫວ່າງສອງທະວີບ.”ປະທານປະເທດມົງໂກລີຍັງຕື່ມອີກວ່າ: ອາຊີ ແລະ ເອີຣົບ ເປັນສ່ວນແບ່ງໃນຂອບເຂດກ້ວາງຂວາງກ່ຽວກັບຜົນປະໂຫຍດ ແລະ ສິ່ງທ້າທາຍ ສະນັ້ນທັງສອງຝ່າຍຄວນຈະດໍາເນີນການຮ່ວມກັນເພື່ອຜົນປະໂຫຍດເຊິ່ງກັນ ແລະ ກັນ.

ກອງປະຊຸມອາເຊັມຄັ້ງນີ້ໄດ້ທົບທວນຄືນ ແລະ ປຶກສາຫາລືຫລາຍບັນຫາດັ່ງນີ້: ສະຫລຸບຕີລາຄາກ່ຽວກັບການປຶກສາຫາລືຂອງບັນດາຜູ້ນໍາ ແລະ ສະແດງເຖິງຄວາມມຸ້ງຫມັ້ນຂອງສະມາຊິກອາເຊັມໃນການສົ່ງເສີມການຮ່ວມມືລະຫວ່າງອາຊີ ແລະ ເອີຣົບໃນ ດ້ານຕ່າງໆເຊັ່ນ: ບັນຫາທີ1: ການພັດທະນາແບບຍືນຍົງ, ການປ່ຽນແປງສະພາບອາກາດ, ສົ່ງເສີມການເຊື່ອມຕໍ່, ຄວາມຫມັ້ນຄົງທາງທະເລ ແລະ ອື່ນໆ; ບັນຫາທີ 2: ຖະແຫລງການອູລານມາຕໍ ເຊິ່ງຈັດຂຶ້ນເປັນຄັ້ງພິເສດໃນໂອກາດຄົບຮອບ 20 ປີຂອງ ການສ້າງຕັ້ງ ອາເຊັມໂດຍເນັ້ນເຖິງຄວາມສໍາເລັດຜ່ານມາ ລວມທັງວິໃສທັດໃນຕໍ່ຫນ້າເສີມສ້າງຄວາມເຂັມແຂງໃຫ້ແກ່ການເປັນຄູ່ຮ່ວມເຊິ່ງກັນ ແລະ ກັນ, ສົ່ງເສີມຄວາມມືໃຫ້ເກີດປະໂຫຍດທີ່ເປັນຮູບປະທໍາ, ສົ່ງເສີມການເຊື່ອມຕໍ່ ແລະ ປັບປຸງຂັ້ນຕອນ ເຮັດວຽກ ຂອງອາເຊັມ ລວມທັງຈະກໍານົດໃຫ້ວັນທີ 1 ມີນາ ຂອງທຸກໆປີເປັນວັນອາເຊັມ.

ຂໍ້ມູນຈາກ: ຂປລ.

ເລື່ອງທີ່ກ່ຽວຂ້ອງ

ປາກິສຖານ ມອບຄອມພີວເຕີໃຫ້ສະຖານທູດລາວ... ວັນທີ 4 ກໍລະກົດ ນີ້, ຢູ່ສະຖານເອກອັກຄະລັດຖະທູດ ແຫ່ງ ສປປ ລາວ ປ...
ຄວາມຄືບໜ້າ 8 ແຜນວຽກບູລິມະສິດຂອງລາວ... ສປປ ລາວ ໄດ້ຮັບກຽດເປັນເຈົ້າພາບ ຈັດກອງປະຊຸມເຈົ້າໜ້າທີ່ອາວຸໂສເສ...
ລາວ-ກຳປູເຈຍ ຕີລາຄາສູງການພົວພັນຮ່ວມມືສອງຝ່າຍ... ໂດຍຕອບສະໜອງ ຕາມການເຊື້ອເຊີນ ຂອງສົມເດັດ ອັກຄະມະຫາເສນາບໍດີ ເຕໂ...
ເຈົ້າໜ້າທີ່ ອາວຸໂສອາຊຽນ ສືບຕໍ່ປຶກສາຫາລື... ໃນວັນທີ 11 ສິງຫາ ນີ້ ທີ່ນະຄອນຫລວງວຽງຈັນ, ໄດ້ຈັດກອງປະຊຸມ ເຈົ້...
ກອງປະຊຸມສຸດຍອດອາຊຽນສໍາເລັດຜົນຢ່າງສະຫງ່າງາມ... ກອງປະຊຸມສຸດຍອດອາຊຽນຄັ້ງທີ 28,29 ແລະ ກອງປະຊຸມສຸດຍອດທີ່ກ່ຽວຂ້ອ...
ປະທານ ສຸພານຸວົງ ກັບພາລະກິດການປະຕິວັດປົດປ່ອຍຊາດ... 13 ກໍລະກົດ 2016 ວັນຄ້າຍວັນເກີດ ຂອງປະທານ ສຸພານຸວົງ ຄົບຮອບ 107...
ຮອງປະທານປະເທດ ຢ້ຽມຂໍ່ານັບປະທານປະເທດຫວຽດນາມ.... ວັນທີ 12 ກໍລະກົດ 2016, ຄະນະຜູ້ແທນຂັ້ນສູງຂອງພັກ, ລັດລາວ ນຳໂດຍ...
ກອງປະຊຸມສຸດຍອດອາຊຽນ ຄັ້ງທີ 28 ແລະ 29 ໄຂຂຶ້ນ ຢ່າງເປ... ກອງປະຊຸມສຸດຍອດອາຊຽນ ຄັ້ງທີ 28 ແລະ 29 ໄຂຂຶ້ນ ຢ່າງເປັນທາງການ ພ...

Comments

comments

Ooh Laos 600×100
Main menu