HP EliteBook Folio G1 ທີ່ສຸດຂອງ Notebook Business

    ໄດ້ໂອກາດປ່ອຍຂອງໃໝ່ຄື ຜະລິດຕະພັນ HP ລຸ້ນຫຼ້າສຸດໃນຕະຫຼາດ EliteBook ຢ່າງ HP EliteBook 840 G3 ແລະ HP EliteBook 1040 G3 ເຊິ່ງນັ້ນໝາຍລວມໄປເຖິງ EliteBook Folio G1 ໂນດບຸກສຸດແສນເບົາບາງທີ່ເໜືອກວ່າ Apple MacBook ລຸ້ນໃໝ່ ໂດຍມາພ້ອມກັບຄວາມບາງ, ເບົາ ແລະ ຂໍ້ມູນພາຍໃນທີ່ເໜືອຊັ້ນກວ່າຢ່າງໜ້າຈໍ Ultra HD 4K ແລະ ຊ່ອງສຽບ USB 3.1 Type-C ທີ່ໃຫ້ມາເຖິງ 2 ຊ່ອງດ້ວຍກັນ.

ຂໍ້ມູນພາຍໃນຂອງຕົວ HP EliteBook Folio G1 ຈະຄ້າຍກັບກຸ່ມ Ultrabook ກັບຂະໜາດໜ້າ 12.5 ນິ້ວທີ່ເໝາະສົມກັບການພົກພາ ແຕ່ເໜືອກວ່າດ້ວຍຄວາມລະອຽດລະດັບ Ultra HD 4K ທີ່ 3840 x 2160 ພິກເຊວ ກັບອັດຕາສ່ວນ 16:10 ເໝືອນກັບ MacBook ລຸ້ນອື່ນໆ ສ່ວນ IPS ຄຸນນະພາບສູງເຊິ່ງໃຫ້ສີສັນທີ່ສວຍງາມສົມຈິງ ແລະ ມຸມມອງທີ່ກວ້າງຂວາງ.

ດ້ານ chip ປະມວນຜົນເປັນ Intel Core m ທີ່ເຮົາເລືອກໄດ້້ທັງ m3, m5 ແລະ m7 ໂດຍເປັນຊິບປະຢັດພະລັງງານພິເສດລຸ້ນຫຼ້າສຸດ ທີ່ບໍ່ຈໍາເປັນຕ້ອງໃຊ້ພັດລົມລະບາຍຄວາມຮ້ອນ ໂດຍເປັນສະຖາປັດຕະຍະກໍາ Intel Core i Gen 6 ສ່ວນ RAM ກໍຕິດຕັ້ງມາໃຫ້ຂະໜາດ 4GB ຫຼື 8GB DDRL3 ( ຕາມແຕ່ເລືອກ ) ເຊິ່ງພຽງພໍກັບການໃຊ້ງານ HD Intel Core m ລຸ້ນກ່ອນໜ້າ ນອກຈາກນີ້ຮາດດິດ SSD ຍັງມີຄວາມບັນຈຸສູງທີ່ 128GB, 256GB ຫຼື 512GB ຕາມແຕ່ລະລັກສະນະການໃຊ້ງານຂອງເຮົາ.

ຕົວເຄື່ອງ HP EliteBook Folio G1 ຕິດຕັ້ງກ້ອງ Webcam ຄວາມຈະແຈ້ງລະດັບ HD ແລະ ໄມໂຄໂຟນແບບ Dual Microphone ໄວ້ສໍາລັບສົນທະນາ ແລະ Video calling ໄດ້ຢ່າງຈະແຈ້ງຫຼຽນໄຫຼ ທີ່ສໍາຄັນຍັງມີກ້ອງ Infrared ໄວ້ໃຊ້ຮ່ວມກັບ Features Windows Hello ເພື່ອ Login ເຂົ້າໃຊ້ງານເຄື່ອງອີກດ້ວຍ.

ຊ່ອງບ່ອນສຽບເຊື່ອມຕໍ່ເອງກໍຈະມີ USB 3.1 Type-C ຈໍານວນ 2 ຊ່ອງເຊິ່ງທັງ 2 ຊ່ອງນີ້ຮອງຮັບການສາກແບດເຕີຣີ ຫຼື ຖ່າຍໂອນຂໍ້ມູນກັບອຸປະກອນອື່ນໆ ທີ່ຕ້ອງບອກວ່າ HP ນັ້ນໃສ່ໃຈເລີຍໃຫ້ ຊ່ອງສຽບແປງ USB 3.1 Type-C ເປັນຊ່ອງສຽບອື່ນ ມາອີກ 3 ເສັ້ນບໍ່ວ່າຈະເປັນ ແປງເປັນ USB 3.0, VGA ແລະ HDMI ສ່ວນຊ່ອງຕໍ່ຫູຟັງຢ່າງ Audio Combo Jack ຍັງຄົງຢູ່ປົກກະຕິ ແນ່ນອນວ່າຮອງຮັບການເຊື່ອມຕໍ່ໄຮ້ສາຍຢ່າງ Wireless 802.11 ac, Bluetooth 4.0  ມາພ້ອມລະບົບປະຕິບັດການ Windows 10 Home ຫຼື Pro ກໍແລ້ວແຕ່ຈະເລືອກ.

ບົດຄວາມແນະນໍາ

ສະແດງຄວາມຄິດເຫັນ