Prudential 450×100

AEC ເປັນນິມິດໝາຍອັນດີໃຫ້ການທ່ອງທ່ຽວ ຫຼວງພະບາງ.

ແບ່ງປັນ:

ທຸລະກິດໂຮງແຮມ,ເຮືອນພັກ,ໃນແຂວງມີບາດກ້າວຂະຫຍາຍຕົວແນວໃດ?

       ເມືອງຫຼວງພະບາງ ມີການທ່ອງທ່ຽວເປັນຫຼັກ ດັ່ງນັ້ນຈິ່ງເປັນເມືອງທ່ອງທ່ຽວອັນດັບໜຶ່ງຂອງປະເທດ ການ​ໄດ້​ຮັບ​ເປັນ​ແຫຼ່ງທ່ອງ​ທ່ຽວ​ລະດັບ​ໂລກ​ກໍ​ຍິ່ງມີ​ຜົນ​ເຮັດ​ໃຫ້ການ​ທ່ອງ​ທ່ຽວ​ຂະຫຍາຍຕົວ​ໄວ​ຂຶ້ນ ມີແຂກຄົນເດີນທາງເຂົ້າມາຢ້ຽມຢາມ ບໍ່ຂາດໄລຍະ ເຊິ່ງໄດ້ກາຍເປັນປັດໃຈຫຼັກໃນການຊຸກຍູ້ໃຫ້ທຸລະກິດ ບໍລິການ ການທ່ອງທ່ຽວເຕີບໃຫ່ຍຂະຫຍາຍຕົວ , ປັດຈຸບັນ ສະມາຄົມມີສະມາຊິກໂຮງແຮມທັງໝົດ 67 ແຫ່ງ ເພີ່ມຂຶ້ນ 14 ແຫ່ງ ,ເຮືອນພັກ 240 ແຫ່ງ ເພີ່ມຂຶ້ນ 30 ແຫ່ງ.

ໃນຈໍານວນດັ່ງກ່າວ ສ່ວນໃຫ່ຍຈະແມ່ນຄົນຕ່າງປະເທດເປັນຜູ້ບໍລິຫານ , ຖ້າສົມທຽບຕົວເລກແລ້ວທຸລະກິດໂຮງແຮມ 80% ແມ່ນຄົນຕ່າງປະເທດບໍລິຫານ , ເຮືອນພັກ 90% ແມ່ນຄົນລາວເປັນຜູ້ບໍລິຫານ ສາເຫດແມ່ນຍ້ອນມີແຂກຕ່າງຊາດຕ່າງພາສາຈາກທຸກມຸມໂລກເຂົ້າມາທ່ຽວເປັນຈໍານວນຫຼວງຫຼາຍ ອີງໃສ່ຄົນພາຍໃນຍັງຂາດປະສົບການ ຈິ່ງຕ້ອງໄດ້ວ່າຈ້າງຄົນຕ່າງປະເທດມາບໍລິຫານ.

ການ​ເຂົ້າ AEC ມີ​ສິ່ງ​ທ້າ​ທາຍ ແລະ ໂອກາດ ​ໃຫ້​ກັບ​ກຸ່ມແນວໃດ?

​        ຂ້າພະເຈົ້າຄິດວ່າ ມັນເປັນ​ນິມິດໝາຍອັນ​ດີ​ໃຫ້ການ​ທ່ອງ​ທ່ຽວ ຫຼວງພະ​ບາງ​ ໂດຍສະເພາະໃນ​ທຸລະ​ກິດ​ດ້ານ​ໂຮງ​ແຮມ ພາຍຫຼັງ​ເຮົາ​ເຂົ້າ​​ໃນ​ກຸ່ມ​ປະຊາຄົມເສດຖະກິດອາຊຽນແລ້ວ ​ການ​ເຄື່ອນ​ໄຫວ​ຕ່າງໆໃນ​ກຸ່ມປະເທດສະມາຊິກກໍ​ຈະ​ມີຫຼາຍຂຶ້ນ​​ ໂດຍ​ສະ​ເພາະກອງ​ປະຊຸມຂັ້ນຕ່າງໆຂອງບັນດາປະເທດໃນອາຊຽນເຊິ່ງໃນນັ້ນແຂວງ ຫຼວງພະ​ບາງ ​ກໍ​ຈະ​​ເປັນ​ຈຸດ​ເລືອກ​ໜຶ່ງ​ຂອງ​​ແຂກ​ທີ່​ຢາກຈະມາຢ້ຽມ ມາຢາມ ມາຈັດປະຊຸມ ມາທ່ອງທ່ຽວ ​ມີຫຼາຍຂຶ້ນ.

ອີກສິ່ງ​ທ້າ​ທາຍ ໜຶ່ງອີງ​ໃສ່​ປະສົບ​ການ​ເຮັດ​ວຽກ​ດ້ານ​ນີ້ຂອງຂ້າພະເຈົ້າ ​​ນັກທ່ອງທ່ຽວບາງ​ຄັ້ງ​ເຂົາ​ເຈົ້າ​ຊື້​ “ແພກ​ເກັດດຽວ” ​ທ່ຽວ​ທົ່ວ​ໂລກ ດັ່ງນັ້ນສິ່ງທີ່ເຂົາເຈົ້າໄດ້ຮັບດ້ານການບໍລິການຢູ່ໃນປະເທດທາງຜ່ານຈະ​ຕ້ອງ​ຢູ່​ໃນ​ລະດັບ​ດຽວ​ກັນ ​ບໍ່​ວ່າ​ຈະ​ເປັນ​ທາງ​ດ້ານ​ທີ່​ພັກ​ອາ​ໄສ ​ການ​ກິນ​ຢູ່​ ເວລາ​​ເຂົາ​ເຈົ້າ​ຜ່ານ​ມາທາງອາຊີ​ພວກ​ເຮົາ, ລະດັບ​ການ​ບໍລິການ​ຈະ​ຕ້ອງ​ໄດ້​ຕາມ​ມາດຖານ​ຂອງ​ສາກົນ.ແຕ່ວ່າໂຮງແຮມ 5 ດາວ​ບ້ານ​ເຮົາ ກັບ 5 ດາວ​ບ້ານ​ເຂົາ​ເຈົ້າ​ ມັນ​ມີ​ຄວາມ​ແຕກ​ຕ່າງ ດັ່ງ​ນັ້ນ​ເພື່ອ​ໃຫ້​ເຂົ້າ​ສູ່​ມາດຖານ​ສາ​ກົນ ​ອັນ​ດັບດຽວ​ກັນ ​ເຮົາ​ຕ້ອງ​ໄດ້​ປັບ​ໃຫ້​ໄດ້​ລະດັບ​ມາດຖານ ​ການ​ບໍລິການ​ໃຫ້ໃກ້​ຄຽງ​ກັນທີ່ສຸດ ເຊິ່ງສິ່ງ​ນີ້​ແມ່ນ​ສຳຄັນຫຼາຍ.

ດ້ານ​ການ​ບໍລິການ​ຢາກ​ໃຫ້​​ມີ​ມາດຕະຖານຄຽງ​ຄູ່​ກັບ​ມາດຕະຖານ​ຂອງ​ໂຮງ​ແຮມ, ​ໃນ​ບ້ານ​ເຮົາ​ຍັງ​ຂາ​ດ ວິຊາ​ຊີບ​ ຜູ້​ບໍລິການ​ທີ່​ເປັນ​ມື​ອາຊີບ​ມີ​ໜ້ອຍ ​ໂຮງ​ຮຽນ​ກໍ່ສ້າງ​ບຸກຄະລາ​ກອນ​ດ້ານ​ນີ້​ແມ່ນ​ຍັງ​ມີ​ໜ້ອຍ ຜູ້​ມີປະສົບ​ການ​ດ້ານ​ນີ້ ​ຍັງ​ມີ​ໜ້ອຍ ເຊິ່ງສິ່ງດັ່ງກ່າວລ້ວນແຕ່ເປັນສິ່ງທ້າທາຍ ທີ່ພວກເຮົາຕ້ອງໄດ້ຟ້າວປັບປຸງແກ້ໄຂ ເພື່ອໃຫ້ສາມາດແຂ່ງຂັນກັບປະເທດໃນພາກພື້ນ ແລະ ສາກົນໄດ້.

ທ່ານຄິດວ່າຈຸດເດັ່ນ-ສິ່ງດຶງດູດ ຂອງຫຼວງພະບາງມີຫຍັງເປັນພິເສດ?

ຂ້າພະເຈົ້າຄິດວ່າ ຈຸດເດັ່ນ ( Highlight ) ທີ່ດຶງດູດນອກຈາກເປັນມໍລະດົກໂລກແລ້ວ ຍັງມີ 3 ຈຸດເດັ່ນຄື: ຖ້າທ່ານມາເລາະຕະຫຼາດກາງຄືນ ທ່ານຈະສັງເກດເຫັນ 3 ສັນຍາລັກເດັ່ນສໍາຄັນໃຫ່ຍໆຄື: ຮູບວັດຊຽງທອງ , ຮູບພະອອກບິນທະບາດເປັນແຖວຍາວຫຼາຍຮ້ອຍອົງ ແລະ ທ່ານຈະເຫັນປະເພນີ ວັດທະນະທໍາ ການນຸ່ງຖື ຂອງຊາວແຂວງຫຼວງພະບາງ ທີ່ຍັງຮັກສາໄວ້ແບບດັ້ງເດີມ.       ​       ປັດຈຸບັນຫຼວງພະ​ບາງ ​ກາຍ​ເປັນ​ແຫຼ່ງທ່ອງ​ທ່ຽວ​ອັນ​ດັບ​ໜຶ່ງ​ ​ໄດ້​​ເປັນ​ທີ່ຍົກຍ້ອງ​ຈາກ​ໂລກ, ​ເມືອງ​ທ່ອງ​ທ່ຽວ​ສີຂຽວ, ​ເມືອງ​ທ່ອງ​ທ່ຽວ​ໜ້າ​ຢູ່. ໃນໂອກາດບຸນປີໃໝ່ລາວ ພສ 2558 ທີ່ຈະເຖິງນີ້ ຂ້າພະເຈົ້າຂໍຕາງໜ້າກຸ່ມ ໂຮງແຮມ ຂໍເຊີນຊວນ​ແຂກທຸກໆທ່ານ​ ທັງພາຍ​ໃນ​ ແລະ​ ຕ່າງປະ​ເທດ ມາທ່ອງທ່ຽວແຂວງຫຼວງພະບາງ, ປັດຈຸບັນການ​ຄົມມະນາຄົມ​ສະດວກ​ສະບາຍ​ຂຶ້ນ ການເດີນທາງໃນ​ເມື່ອ​ກ່ອນ 8 ຊົ່ວ​ໂມງແຕ່​ປັດຈຸບັນຖ້າມາເສັ້ນທາງຕັດໃໝ່ 6 ຊົ່ວ​​ໂມງກໍເຖິງແລ້ວ ພ້ອມນີ້ຍັງມີເຮືອບິນໃຫ້ບໍລິການຫຼາຍຖ້ຽວຕໍ່ມື້.

AEC a good sign for tourism in Luang Prabang

How has the hotels and guesthouse sector in the province been progressing and expanding?

Luang Prabang city is, above all else, a tourist city and is therefore the country’s leading city for tourism. Being a globally recognized tourist destination has led to faster expansion and tourists keep coming all year round. This has become the main factor leading to this expansion in tourist businesses and services and currently the Luang Prabang Restaurant and Hotel Association has a membership of 67 hotels, an increase of 14, and 240 guesthouses, an increase of 30.

Most of these are managed by foreigners – 80% of hotels are managed by foreigners but 90% of guesthouses are managed by Lao people.

What kinds of challenges and opportunities will the AEC present to your business group?

I think that it is a good sign for tourism in Luang Prabang, especially for hotel businesses. After we have entered the ASEAN Economic Community, there will be more activity between its members and meetings of various levels will be held in each ASEAN country. Luang Prabang will be an option for guests who wish to hold a meeting and tourism will increase.

It poses a challenge in that in my experience, tourists sometimes purchase round-the-world package tours and they expect the same level of service in each country they visit. This applies to things such as accommodation and food and when they visit Asia, they expect international standard services. Five-star hotels in our country and five-star hotels in theirs, however, are quite different. We therefore need to try to match international standards and improve our services to narrow the gap as much as we can. This is of great importance.

I would like to see hotel service standards improve but there is a lack of qualified human resources and professional managers are few in number. Few hotels train up their staff and not many people have much experience. All of this represents a challenge which we have to address in order that we may compete with other countries of the region and the world.

What do you think Luang Prabang has that is special and attracts tourists?

I think that, in addition to its heritage, Luang Prabang has three main highlights. If you walk around the night market, you will notice three major symbols – a picture of the Xieng Thong temple, a picture of hundreds of monks walking in procession, and you will also see people wearing the traditional Luang Prabang attire, which has been conserved according to tradition.

Luang Prabang has now become a tourist destination of global recognition and is a green and livable city. For the upcoming 2015 Lao New Year, on behalf of the hotel business group, I would like to invite everyone, both in Laos and overseas, to come to Luang Prabang province. Transportation has now become more comfortable than before when it would take eight hours as we now have a new road so the journey only takes six. There are also several flights a day to and from our airport.

ເລື່ອງທີ່ກ່ຽວຂ້ອງ

ຄ່າຄອງຊີບບັນຫາໜັກໃຈຂອງຜູ້ມີລາຍໄດ້ຕໍ່າ.... ພະນັກງານເງິນ­ເດືອນຫຼາຍຄົນ ໂດຍສະເພາະຜູ້ມີລາຍໄດ້ຕໍ່າ ຢູ່ນະ­ຄອນ...
ສົມບູນການຄ້າເລືອກຫາແຕ່ສິ່ງທີ່ດີສໍາລັບທ່ານ... ຈາກປະສົບການຕົວຈິງ ດ້ວຍຄວາມເອົາໃຈໃສ່ ເປັນພິເສດ ທາງດ້ານຄຸນນະພາ...
facebook ຜົນປະໂຫຍດທີ່ມາກັບສິ່ງທ້າທາຍ... ປັດຈຸ​ບັນ​ຄົນລາວພວກ​ເຮົາ​​ຈະ​ຫຼີກສື່​ online ຫຼື Social Medi...
ຕະຫຼາດຫຼັກຊັບລາວ ອະນາຄົດຍັງສົດໃສມີຄວາມພ້ອມໃນການເຂົ... ທ່ານ ຮສ. ເດດພູວັງ ມູລຣັຕນ໌, ປະທານຄະນະ, ຫົວໜ້າໃຫຍ່ຜູ້ບໍລິຫານ ...
AEC ມີທັງໂອກາດ ແລະ ສິ່ງທ້າທາຍ ຕໍ່ການພັດທະນາແຂວງບໍ່... “ແຂວງບໍ່ແກ້ວເປັນແຂວງໜຶ່ງທີ່ຕັ້ງຢູ່ທາງທິດຕາເວັນຕົກສຽງເໜືອຂອງປ...
ປີໂຕຣເທຣດ ເນັ້ນເຮັດທຸລະກິດຄຽງຄູ່ກັບ ການພັດທະນາປະເທ... ທ່ານ ຈັນທອນ ສິດທິໄຊ ນັກທຸລະກິດໜຸ່ມໄຟແຮງ ວິໄສທັດກວ້າງໄກ ຜູ້ມີ...
ພວກເຮົາຕ້ອງການທີ່ຈະຍາດແຍ່ງ “ຄວາມໄດ້ປຽບໃນຖານະຜູ້ບຸກ... ທ່ານ Oliver HORN ຜູ້ຈັດການທົ່ວໄປຂອງ Crowne plaza Vientiane ໄ...
ຫຼວງພະບາງເປັນເມືອງທີ່ມີຊີວິດຊີວາ ມີສະເໜທາງດ້ານວັດທ... ຫຼວງພະບາງເປັນເມືອງທີ່ມີຊີວິດຊີວາ ມີສະເໜທາງດ້ານວັດທະນະທໍາ. ...

Comments

comments

Ooh Laos 600×100
Main menu