Prudential 450×100

ຮອງລັດຖະມົນຕີ ຖວທ ຕ້ອນຮັບນັກປະພັນລາງວັນ ວັນນະກຳແມ່ນ້ຳຂອງ

ແບ່ງປັນ:

ວັນທີ 15 ມີຖຸນາ ນີ້, ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງທ່ານ ແສງຟ້າ ໂຫລະນຸພາບ ຫົວໜ້າພາກວິຊາພາສາລາວ ສື່ສານມວນຊົນ ຄະນະອັກສອນສາດ ມະຫາວິທະຍາໄລແຫ່ງຊາດ ຜູ້ໄດ້ຮັບລາງວັນວັນນະກຳແມ່ນ້ຳຂອງ ຈາກເລື່ອງສັ້ນ “ເງິນ ຫລື ອຸດົມການ” ແລະ ທ່ານ ບຸນທັນ ພົງພິຈິດ ພະ ນັກງານບຳນານ ຜູ້ໄດ້ຮັບລາງວັນວັນນະກຳແມ່ນ້ຳຂອງ ຈາກນະວະນິຍາຍເລື່ອງ “ລົມຫາຍໃຈ”.

ທ່ານ ສຸບັນ ຫລວງລາດ ຮອງປະທານ ທັງເປັນເລຂາສະມາຄົມນັກປະພັນລາວ ໃຫ້ຮູ້ວ່າ: ການເຂົ້າຢ້ຽມຂ່ຳນັບ ທ່ານຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວຂອງ ທ່ານ ແສງຟ້າ ໂຫລະນຸພາບ ແລະ ທ່ານ ບຸນທັນ ພົງພິຈິດ ແມ່ນເພື່ອລາຍງານໃຫ້ຊາບກ່ຽວກັບກໍລະນີ ທີ່ໄດ້ຮັບລາງວັນວັນນະກຳແມ່ນ້ຳຂອງ ເຊິ່ງພິທີມອບ-ຮັບເປັນທາງການ ແມ່ນໄດ້ຈັດຂຶ້ນທີ່ ສປ ຈີນ ໃນວັນທີ 11 ມິຖຸນາ 2016 ນີ້. ລາງວັນດັ່ງກ່າວ, ໄດ້ລິເລີ່ມສ້າງຕັ້ງຂຶ້ນໃນປີ 2007 ໂດຍສະມາຄົມນັກປະພັນລາວ, ຫວຽດ ນາມ ແລະ ກຳປູເຈຍ ເຊິ່ງມີການມອບລາງວັນຂຶ້ນ ໃນປີ 2008, ຫລັງຈາກນັ້ນສອງປີໃດກໍຈະມີການມອບລາງວັນໃຫ້ນັກປະພັນ-ນັກກະວີດີເດັ່ນ ເພື່ອສົ່ງເສີມມິດຕະພາບ, ການຮ່ວມມືເຊິ່ງກັນ ແລະ ກັນ. ປັດຈຸບັນ ມີ 3 ປະເທດເຂົ້າຮ່ວມຕື່ມຄື ສປ ຈີນ, ສະຫະພາບມຽນມາ ແລະ ໄທ ລວມທັງໝົດ 6 ປະເທດ.

ໂອກາດນີ້, ທ່ານ ບົວເງິນ ຊາພູວົງ ໄດ້ສະແດງຄວາມຍ້ອງຍໍຊົມເຊີຍ ຕໍ່ທ່ານ ແສງຟ້າ ໂຫລະນຸພາບ ແລະ ທ່ານ ບຸນທັນ ພົງພິຈິດ ທີ່ເປັນຕົວແທນຂອງປະເທດລາວໄດ້ຮັບລາງວັນວັນນະກຳແມ່ນ້ຳຂອງ, ນອກຈາກເປັນການສົ່ງເສີມການພົວພັນຮ່ວມມື ລະຫວ່າງນັກຂຽນ ແລະ ນັກປະພັນ ທັງ 6 ປະເທດແລ້ວ ຍັງເປັນການສ້າງພາບພົດ ບົດບາດອັນດີງາມແກ່ປະເທດລາວ ແລະ ຈົ່ງສືບຕໍ່ຈັດຕັ້ງປະຕິບັດໃຫ້ມີຜົນສຳເລັດສູງກວ່າເກົ່າ.

ເລື່ອງທີ່ກ່ຽວຂ້ອງ

ລັດຖະບານເຂັ້ມງວດການສົ່ງໄມ້ອອກ ແລະ ບໍ່ອະນຸມັດໂກຕ້າໄ... ກອງປະຊຸມຄະນະລັດຖະບານ ຮ່ວມກັບເຈົ້າຄອງນະຄອນຫລວງ ແລະ ເຈົ້າແຂວງ ...
ກອງປະຊຸມສຸດຍອດອາຊຽນ-ອິນເດຍຄັ້ງທີ14... ກອງປະຊຸມສຸດຍອດອາຊຽນ-ອິນເດຍ ຄັ້ງທີ 14 ໄຂຂຶ້ນຢ່າງເປັນທາງການໃນຕ...
ນາຍົກເນັ້ນສາລະວັນຖືການແກ້ໄຂຄວາມທຸກຍາກເປັນບູລິມະສິດ... ລະຫວ່າງການຢ້ຽມຢາມ ແລະ ເຄື່ອນໄຫວເຮັດວຽກຢູ່ແຂວງສາລະວັນໃນອາທິດຜ...
ນາຍົກຖະແຫຼງຂ່າວຜົນສໍາເລັດກອງປະຊຸມສຸດຍອດ... ພາຍຫຼັງພິທີອັດກອງປະຊຸມຢ່າງເປັນທາງການໃນເວລາຕໍ່ມາ ທ່ານທອງລຸນ ສ...
ນາຍົກອິນເດຍເດີນທາງເຖິງນະຄອນຫຼວງວຽງຈັນ... ທ່ານ ນາເຣັນດຣາກູມາຣ ໂມດີ ນາຍົກລັດຖະມົນຕີອິນເດຍ ໄດ້ເດີນທາງມາເ...
ກອງປະຊຸມສຸດຍອດອາຊຽນ- ອາເມຣິກາ ຄັ້ງທີ 4... ກອງປະຊຸມສຸດຍອດອາຊຽນ-ສະຫະລັດ ອາເມຣິກາ ຄັ້ງທີ 4  ໄດ້ໄຂຂຶ້ນຢ່າງ...
ເຈົ້າໜ້າທີ່ ອາວຸໂສອາຊຽນ ສືບຕໍ່ປຶກສາຫາລື... ໃນວັນທີ 11 ສິງຫາ ນີ້ ທີ່ນະຄອນຫລວງວຽງຈັນ, ໄດ້ຈັດກອງປະຊຸມ ເຈົ້...
ສະຫາຍເລຂາທິການໃຫຍ່ໃຫ້ທິດຊີ້ນໍາຕໍ່ກອງປະຊຸມວຽກງານກວດ... ສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກປະຊ...

Comments

comments

Ooh Laos 600×100
Main menu