Prudential 450×100

ລາຄານໍ້າມັນບໍ່ກະທົບຕໍ່ທຸລະກິດໂດຍສານສາຍໃຕ້

ແບ່ງປັນ:

ທ້າຍປີ 2015 ຫາ ຕົ້ນປີ 2016 ພວກເຮົາກຽມຍ້າຍຄິວໃໝ່

ເພື່ອຮອງຮັບ AEC

ທ່ານ​ວັນ​ເພັນ ສີ​ສຸກ ​ຮອງ​ອຳນວຍ​ການ​ສະຖານີ​ຂົນ​ສົ່ງ​ໂດຍສານສາຍ​ໃຕ້ – ສາຍ​ຕ່າງປະ​ເທດ ໄດ້ໃຫ້ທັດສະນະຕໍ່ການເໜັງຕີງຂອງລາຄານໍ້າມັນຕະຫຼາດໂລກ ທີ່ມີການຜັນຜວນ ຂຶ້ນ-ລົງ ມັນກະທົບຫຍັງແດ່ກັບທຸລະກິດຂົນສົ່ງໂດຍສານ ແລະ ຜູ້ມາໃຊ້ບໍລິການ ?

ລາຄາ​ນ້ຳມັນ ​​ໃນ​ຕະຫຼາດ​ໂລກ ມີ​ຜົນ​ກະທົບ​ອັນ​ໃດ​ບໍ່​ຕໍ່​ກັບ​ການ​ຂົນ​ສົ່ງ​ພວກ​ເຮົາຂ້າພະເຈົ້າຂໍມີຄວາມເຫັນດັ່ງນີ້ຕາມຄວາມເຂົ້າໃຈ ເລື່ອງ​ນ້ຳມັນ​ຈະ​ຂຶ້ນ​ຈະ​ລົງ ປັດຈຸບັນນີ້ມັນ​ກະທົບ​ກັບ​ຜູ້​ປະກອບ​ການ​ເດີນ​ລົດຫຼືບໍ່ ມັນ​ກະ​ມີ ​ແຕ່​ບໍ່​ກະທົບ​ແຮງ​ປານ​ໃດ ສ່ວນວ່າ​ກະທົບ​ຕໍ່​ຜູ້​ໂດຍສານ​ ທີ່ໃຊ້ບໍລິການໄປ​-ມາ ​ກໍ​ຍັງ​ບໍ່​ມີ​ຫາງ​ສຽງ​ຈົ່ມ​ວ່າ​ຄ່າ​ລົດ​​ແພງ.

ອີງ​ໃສ່​ທາງ​ກົມ​ຂົນ​ສົ່ງ​ຂອງ​ກະ​ຊວງຄົມມະນາຄົມ​ແມ່ນ​ເພິ່ນ​ຈະ​ເປັນ​ຜູ້ກຳນົດ​ລາ​ຄາ​ຄ່າ​ໂດຍສານ​ໃຫ້ ແລະ ແຕ່ລະຄັ້ງກ່ອນຈະມີການປັບອັດຕາຄ່າໂດຍສານເພິ່ນຈະຕ້ອງມີກອງປະຊຸມຄັກແນ່ເຊິ່ງເພິ່ນຈະມີເພດານວ່າ: ລາຄານໍ້າມັນຂຶ້ນສູງສຸດ ແລະ ລົງຕໍ່າສຸດ ເທົ່າໃດຈິ່ງປັບລາຄາຄ່າໂດຍສານ ​ເຖິງແມ່ນວ່າ​ລາຄາ​ນ້ຳມັນ​ຕະຫຼາດ​ໂລກ​ຈະຜັນຜວນປານ​ໃດ​ກໍ​ຕາມ ເພາະປະ​ເທດ​ເຮົາ​ລັດຖະບານເພິ່ນມີກອງທຶນພິເສດເພື່ອຄ້ຳປະກັນລາຄາ​ ເພິ່ນ​ຖົມ​ຂຸມ​ໃຫ້​ເພື່ອ​ບໍ່​ໃຫ້​ມີ​ຜົນ​ກະທົບ​ຕໍ່​ປະຊາຊົນ​ເວົ້າ​ລວມ ​ເວົ້າ​ສະ​ເພາະ​ກໍ​ແມ່ນ​ວຽກ​ການ​ຂົນ​ສົ່ງ​ສິນຄ້າ ແລະ ໂດຍສານ.

ລາຄາຄ່າໂດຍສານປັດຈຸບັນເພິ່ນກໍານົດໄວ້ແນວໃດ?

ສໍາລັບລາ​ຄາ​ຄ່າໂດຍສານ​ທາງ​ກະຊວງ​ວາງ​ອອກ​ມີ 3 ປະ​ເພດຄື:

ວຽງຈັນ-ປາກ​ເຊ  ລົດປັບອາກາດຊັ້ນໜຶ່ງ VIP 170.000 ກີບ.

ວຽງຈັນ-​ປາກ​ເຊ  ລົດປັບອາກາດຊັ້ນສອງ 130. 000 ກີບ.

ວຽງຈັນ-ປາກ​ເຊ  ລົດທໍາມະດາ 110. 000 ກີບ.

ວຽງຈັນ-ສະຫວັນນະເຂດ  ລົດປັບອາກາດຊັ້ນໜຶ່ງ VIP 120.000 ກີບ.

ວຽງຈັນ-ສະຫວັນນະເຂດ  ລົດປັບອາກາດຊັ້ນສອງ  90.000 ກີບ.

ວຽງຈັນ-ສະຫວັນນະເຂດ  ລົດທໍາມະດາ  75.000 ກີບ.

ລາຄາດັ່ງກ່າວນີ້ແມ່ນໄດ້ນໍາໃຊ້ມາແຕ່ປີ 2011 ຈົນເຖິງປັດຈຸບັນ ພ້ອມນີ້ຍັງມີບໍລິການສາຍຕ່າງປະເທດໂດຍຈຸດໝາຍປາຍທາງຫຼັກແມ່ນບັນດາແຂວງ ໃນປະເທດຫວຽດນາມ ແລະ ໃນອະນາຄົດຍັງໄດ້ມີແຜນການທີ່ຈະແລ່ນໂດຍກົງຈາກນະຄອນຫຼວງວຽງຈັນໄປປະເທດກໍາປູເຈຍຕື່ມ ປັດຈຸບັນນີ້ບັນດາຜູ້ປະກອບການພວມຢູ່ໃນໄລຍະ ສຶກສາຄວາມເປັນໄປໄດ້ ແລະ ເກັບສະຖິຕິວ່າ: ຈະມີຜູ້ໃຊ້ບໍລິການຫຼາຍປານໃດ? ຄຸ້ມກັບການບໍລິການຫຼືບໍ່?

ປັດຈຸບັນຢູ່ຄິວມີລົດ​ໃຫ້​ບໍລິການ​ທັງໝົດຈັກ​ຄັນ​? 

ກ່ອນ​ເຮົາ​ຈະ​ມາສ້າງຕັ້ງສະຖານີ ​ທາງ​ກະຊວງ​ໄດ້​ວາງ​ກົດ​ລະບຽບ​ໃຫ້​ເຮົາ ເຊິ່ງຕາມ​ລະບຽບ​ແລ້ວ ​ເຈົ້າ​ຂອງ​ຄີວລົດຈະ​ບໍ່​ມີ​ລົດ​ແລ່ນ​ຮັບ​ໃຊ້ ​ເພາະວ່າມັນ​ຈະ​ມີ​ຫາງ​ສຽງ​ວ່າ:​ ຈັດ​ເອົາ​ແຕ່​ຄີວ​ໃຫ້​ລົດ​ຕົນ​ເອງ ສ່ວນວ່າ​ກໍລະ​ນີທີ່ຫຼາຍສະຖານີ ມີ​ແລ້ວ​ກໍໃຫ້ສືບຕໍ່ເຮັດ​ໄປ.

ໃນຄິວພວກເຮົາມີຜູ້ປະກອບການລວມທັງໝົດ​ແມ່ນ 200 ກວ່າ​ຄັນ​ສຳລັບ​ລົດ 45 ບ່ອນ​ນັ່ງ ເຊິ່ງມີລົດ VIP ປະມານ 60-70 ຄັນ.ພ້ອມນີ້ຍັງມີລົດ​ຕູ້, ລົດສອງ​ແຖວ ປະມານ 300 ຄັນ.

ເຮົາ​ດຳ​​ເນີນ​ທຸລະ​ກີດມາ 10 ກວ່າປີ ອີກບໍ່ດົນປະເທດເຮົາຈະເຂົ້າ AEC ທ່ານກຽມຮອງຮັບແນວໃດ?

ເພື່ອຮອງຮັບ ໃຫ້ກັບການທີ່ປະເທດຈະເຂົ້າປະຊາຄົມເສດຖະກິດອາຊຽນນັ້ນ ​​ທາງສະຖານີພວກ​ເຮົາ​ໄດ້​ມີ​ແຜນການຍ້າຍຄີວ​ໄປ​ຕັ້ງ​ຢູ່​ເສັ້ນທາງ 450 ປີ ຄາດ​ວ່າ​ຕົ້ນ​ປີ 2016 ​ເລີ່ມ​ໃຫ້​ບໍລິການ​ໄດ້​ແຕ່​ລັດຖະບານ​ເພີ່ນ​ເລັ່ງ​ລັດ​ໃຫ້​ພວກເຮົາສໍາເລັດ​ພາຍ​ໃນ​ທ້າຍ​ປີ 2015 ​ເພື່ອ​ເປັນ​ອີກອັນ​ໜຶ່ງ​ຕ້ອນຮັບ​ການ​ເຂົ້າ AEC ຂອງ​ລາວ​ເຮົາ ເຊິ່ງພວກເຮົາກໍຈະພະຍາຍາມສຸດຂີດ , ການ​ລົງທຶນ​ປະມານ 5 ລ້ານ​ໂດລາສະຫະລັດ.

ສະຖາ​ນີ້ບ່ອນໃໝ່ມີຂະໜາດ​ໃກ້ຄຽງກັບບ່ອນເກົ່າ ​ແຕ່​ສິ່ງທີ່ແຕກຕ່າງແມ່ນການຈັດ​ສັນຄວາມ​ເປັນ​ລະບົບ​ຈະ​ທັນ​ສະ​ໄໝ​ ເປັນ​ແບບ​ສາກົນ​ກ່ອນ ​ຈະ​ມີ​ຄວາມ​ສະດວກ​ເຂົ້າ​-ອອກ​ຂອງ​ຜູ້ໂດຍສານດີຂື້ນກ່ອນເກົ່າ.

ຄວາມ​ເຂົ້າ​ໃຈ​ຂອງ​ທ່ານກ່ຽວກັບ AEC ?.

​ຕາມທີ່ຂ້າພະເຈົ້າເຂົ້າໃຈແມ່ນບໍ່ຕ່າງຫຍັງກັບເຮົາເຂົ້າສະມາຄົມ ເຊິ່ງເຂົ້າ​ໄປ​ແລ້ວ​ມັນຈະເປັນ​ອັນ​ດຽວ​ກັນ ​ແບບ​ວ່າ​ ຈະ​ມີ​ການ​ຊ່ວຍ​ເຫຼືອກັນ​ດີ​ຂຶ້ນ​ເຊັ່ນ​ວ່າ: ຜູ້​ຮັ່ງ​ຈະ​ຊ່ວຍ​ຜູ້​ທຸກ​ໃຫ້​ຮັ່ງ​ນຳ​ກັນ​ເພາະ​ເຮົາ​ເປັນອັນ​ດຽວ​ກັນ, ການ​ໃຊ້​ກົດໝາຍຕ່າງໆກໍ​ຈະ​ດີ​ຂຶ້ນ​ ມີຄວາມສັກສິດ​ຂຶ້ນ ​ເພາະວ່າ​ເຮົາ​ເປັນອັນ​ດຽວ​ກັນ​ຕ້ອງ​ໄດ້​ເຄັ່ງ​ຄັດ​ ເຂັ້ມ​ແຂງ​ນຳ​ກັນ. ສ່ວນວ່າຂໍ້​ເສຍຂອງເຮົາ ​ແມ່ນ​ສິນຄ້າ​ພາຍໃນ​ເຮົາ​ຈະ​ສົ່ງ​ອອກ​ຍັງ​ບໍ່​ທັນ​ມີຫຼາຍ​ ເຮົາ​ຈະກາຍ​ເປັນ​ຕະຫຼາດຮອງ​ຮັບ​ສິນຄ້າ​ຈາກ​ປະ​ເທດ​ອື່ນ​ ເຮັດໃຫ້​ປະເທດຍັງ​ຂາດ​ດຸນ​ການ​ຄ້າ.

Southern Terminal Passenger Services Unaffected by Fuel Prices

Around the end of 2015 and the start of 2016, we are preparing to move to a new bus terminal in order

to support the AEC.

Deputy Director of the Southern – International Bus Terminal Mr. Vanphet Sisouk gives his outlook on international oil prices and how they are affecting passenger services and the passengers themselves and how they are affecting us:

“I am of the opinion that fuel price fluctuations may or may not be affecting bus companies but they are not affecting them all that much. As for the customers, nobody seems to be complaining about high prices.

The Department of Transport of the Ministry of Transport is the body which sets the bus fares and each time there is to be an adjustment to prices, a meeting is held with a focus on what the upper and lower limits should be in order for the prices to be adjusted. Even though international oil prices may be fluctuating, ours stay stable because the government has a special fund set up to subsidize this so that the general public is unaffected, especially with respect to the transportation of passengers and goods.”

What are have the current fares currently been set as?

Fares issued by the Ministry for the three classes:

Vientiane – Pakse: First class VIP air-conditioned bus: 170,000 kip

Vientiane – Pakse: Second class air-conditioned bus: 130,000 kip

Vientiane – Pakse: Ordinary bus: 110,000 kip

Vientiane – Savannakhet: First class VIP air-conditioned bus: 120,000 kip

Vientiane – Savannakhet: Second class air-conditioned bus: 90,000 kip

These prices have been in effect since 2011. There are also services to foreign countries, the main destinations being various provinces in Vietnam. For the future, businesspeople are conducting feasibility studies and collecting statistics on how much these services will be used and how worthwhile it would be to provide such services.

How many vehicles does the terminal cater for?

Before we set this up, the Ministry will be issuing some regulations for us and in accordance with these regulations, the terminal owner will not have their own buses because everyone will say that they are just setting up a terminal for themselves. At our bus terminal, there are over 200 buses with seating capacities of 45 and 60-70 VIP buses with seating capacities of 60-70. There are also approximately 300 minibuses and shared taxis.

We have being doing business for 10 years and will soon be acceding to the AEC. What preparations are you making for this?

In order to prepare for our county’s accession to the ASEAN Economic Community, our terminal has a plan in place to move to a new location on the 450-year road and we hope to have this done by the start of 2016. The government is hurrying us to complete it by the end of 2015 in order that it may act as a welcome point for Laos’s AEC accession and we are trying our hardest to do this. Approximately 5 million US dollars is being invested into this. The new location will be close to the existing one but set up in a more modern and organized fashion to match terminals in other countries. It will make it easier for passengers to come and go.

What is your understanding of the AEC?

As far as I can see, it is no different from joining an association. Once we have joined, we will be united and assist each other more. For example, the rich will help the poor to become rich too because we will be one. The law will be applied better and enforced more effectively because being united, we will have to be rigorous and strong. As for how this will disadvantage us, we do not have all that many goods which we can export and will end up as a market for the goods of other countries, leading to a trade deficit.

ເລື່ອງທີ່ກ່ຽວຂ້ອງ

ຜ່ານມາລົດທີ່ຂາຍໃນລາວມີຫຼາຍກວ່າ 300 ຄັນ.... ພວກເຮົາໄດ້ວ່າຈ້າງຊ່າງສ້ອມແປງປະຈຳ BMW ທີ່ໄດ້ມາດຕະຖານໂລກຈຳນວນ ...
facebook ຜົນປະໂຫຍດທີ່ມາກັບສິ່ງທ້າທາຍ... ປັດຈຸ​ບັນ​ຄົນລາວພວກ​ເຮົາ​​ຈະ​ຫຼີກສື່​ online ຫຼື Social Medi...
ຊີວິດການເປັນຢູ່ຂອງປະຊາຊົນໄດ້ຮັບການພັດທະນາດີຂຶ້ນ, ແ... ທ່ານ ດຣ ນາມ ວິຍະເກດ ກຳມະການ​ສູນ​ກາງ​ພັກ, ເລຂາພັກແຂວງ, ເຈົ້າແ...
ຜູ້ບໍລິໂພກຄວນມີສະຕິເພີ່ມເລື່ອງອາຫານປົນເປື້ອນສານ BO... ປັດຈຸ​ບັນ -®ñ­¹¾ການ​ນຳ​ໃຊ້¦¾­​ເຄມີ​ທີ່​ເປັນ​ອັນຕະລາຍ​ຕໍ່ສຸ​ຂ...
ຍົກລະດັບສິນຄ້າ-ບໍລິການມີຄຸນະພາບ ສົ່ງມອບຖືກຕ້ອງ ຄົບ... “ແນວ​ຄວາມ​ຄິດ​ພື້ນຖານ ທີ່​ໃຊ້​​ໃນ​ການ​ບໍລິຫານ​ທຸລະ​ກິດ ​ເປັນ...
ສປປ ລາວ ມີໂອກາດທາງທຸລະກິດຫຼວງຫຼາຍ... ປະເທດລາວເປັນປະເທດທີ່ຄາດເດົາໄດ້ຍາກຄືຖ້າເອົານັກວິຊາການມາຄິດໄລ່...
ອາກອນມູນຄ່າເພີ່ມ10%ຢູ່ດ່ານຮັບປະກັນການຮົ່ວໄຫຼ... ພາຍຫຼັງມີຂໍ້ກໍານົດດັ່ງກ່າວອອກມາກໍເຮັດໃຫ້ເປັນກະແສຂ່າວໄດ້ສ້າງຄ...
ບໍລິສັດຊີພີລາວເນັ້ນສາມຜົນປະໂຫຍດເປັນຫຼັກ... ທ່ານ ທໍານອງ ພົນທອງມາກ ຮອງກໍາະການຜູ້ຈັດການອະວຸໂສ ບໍລິສັດ ຊີພີ...

Comments

comments

Ooh Laos 600×100
Main menu