Prudential 450×100

ສປປ ລາວ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສ ຂອບການຮ່ວມມືແມ່ນໍ້າຂອງ-ສ.ເກົາຫລີ

ແບ່ງປັນ:

ໃນວັນທີ 27 ກໍລະກົດ 2016, ທ່ານ ສົງການ ຫລວງມຸນິນທອນ, ຫົວໜ້າກົມເສດຖະກິດ ກະຊວງການຕ່າງປະເທດ ທັງເປັນຫົວໜ້າເຈົ້າໜ້າທີ່ອາວຸໂສ ຂອບການຮ່ວມມື ແມ່ນ້ຳຂອງ-ສ ເກົາຫລີ ໄດ້ນຳພາຄະນະຜູ້ແທນລາວ ເຂົ້າຮ່ວມກອງປະຊຸມ ເຈົ້າໜ້າທີ່ອາວຸໂສ ຂອບການຮ່ວມມືແມ່ນ້ຳຂອງ-ສ ເກົາຫລີ ທີ່ ພະນົມເປັນ, ປະເທດກໍາປູເຈຍ ພາຍໃຕ້ການເປັນປະທານຮ່ວມ ຂອງທ່ານ ກັງ ຢຸນ-ຮູນ, ຫົວໜ້າກົມກິດຈະການອາຊີໃຕ້ ແລະ ປາຊີຟິກ, ກະຊວງການຕ່າງປະເທດຂອງ ສ ເກົາຫລີ ແລະ ທ່ານ ສົກ ສີພັນນາ, ທີ່ປຶກສາປະຈຳກະຊວງການຕ່າງປະເທດ ແລະ ການຮ່ວມມືສາກົນ ຂອງ ກຳປູເຈຍ ແລະ ຍັງມີບັນດາຫົວໜ້າເຈົ້າໜ້າທີ່ອາວຸໂສ ພ້ອມດ້ວຍຄະນະ ຈາກປະເທດແມ່ນໍ້າຂອງ (ກຳປູເຈຍ, ສປປ ລາວ, ມຽນມາ, ໄທ ແລະ ຫວຽດນາມ) ເຂົ້າຮ່ວມຢ່າງພ້ອມພຽງ.

ກອງປະຊຸມຄັ້ງນີ້ໄດ້ ທົບທວນຄວາມຄືບໜ້າຂອງການຈັດຕັ້ງປະຕິບັດ ຂອບການຮ່ວມມືແມ່ນ້ຳຂອງ-ສ ເກົາຫລີ ໃນໄລຍະຜ່ານມາ ໂດຍສະເພາະການຜັນຂະຫຍາຍແຜນປະຕິບັດງານຂອບການຮ່ວມມືແມ່ນ້ຳຂອງ-ສ ເກົາຫລີ (ປີ2014-2017) ແລະ ຖະແຫລງການຂອງປະທານຮ່ວມກອງປະຊຸມລັດຖະມົນຕີຕ່າງປະເທດ ແມ່ນ້ຳຂອງ-ສ ເກົາຫລີ ຄັ້ງທີ 5 ຮັບຮອງເອົາໃນປີ 2015 ແລະ ປຶກສາຫາລື ກ່ຽວກັບທິດທາງການຮ່ວມມືໃນຕໍ່ໜ້າ ເພື່ອກະກຽມໃຫ້ແກ່ກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນ້ຳຂອງ-ສ ເກົາຫລີ ຄັ້ງທີ 6 ທີ່ ສປປ ລາວ ຈະເປັນເຈົ້າພາບຈັດຂຶ້ນໃນເດືອນ ກໍລະກົດ 2016 ທີ່ ນະຄອນຫລວງວຽງຈັນ.

ກອງປະຊຸມ ໄດ້ສະແດງຄວາມຊົມເຊີຍ ສ ເກົາຫລີ ທີ່ໄດ້ປະກອບສ່ວນ ເຂົ້າໃນກອງທຶນເພື່ອການຮ່ວມມື ແມ່ນ້ຳຂອງ-ສ ເກົາຫລີ ນັບແຕ່ປີ 2014-2015 ເປັນຈຳນວນເງິນ 2.3 ລ້ານໂດລາສະຫະລັດ ແລະ ປະກາດວ່າຈະປະກອບສ່ວນໃນປີ 2016 ແລະ ປີຕໍ່ໆໄປ ເປັນຈຳນວນເງິນເຖິງ 1 ລ້ານໂດລາສະຫະລັດ ຕໍ່ປີ ເພື່ອນໍາໃຊ້ເຂົ້າໃນການຈັດຕັ້ງປະຕິບັດ ໂຄງການບູລິມະສິດຕ່າງໆ ໃນ 6 ຂະແໜງການບູລິມະສິດ ຄື: ການພັດທະນາພື້ນຖານໂຄງລ່າງ, ເຕັກໂນໂລຊີຂໍ້ມູນຂ່າວສານ (ICT), ການພັດທະນາສີຂຽວ, ການພັດທະນາແຫລ່ງຊັບພະຍາກອນນ້ຳ, ດ້ານກະສິກໍາ ແລະ ການພັດທະນາຊົນນະບົດ, ແລະ ການພັດທະນາຊັບພະຍາກອນມະນຸດ.

ກອງປະຊຸມ ໄດ້ພິຈາລະນາ 6 ໂຄງການ ບູລິມະສິດທີ່ສະເໜີໃໝ່ ເພື່ອນຳໃຊ້ງົບປະມານໃນກອງທຶນດັ່ງກ່າວຂ້າງເທິງ ແລະ ໃນນັ້ນ, ສປປ ລາວ ກໍໄດ້ຮັບການຄັດເລືອກເອົາໜຶ່ງໂຄງການ ຄື: ການພັດທະນາຖານຂໍ້ມູນ ນິຕິກຳຂອງຂະແໜງອຸດສາຫະກຳ ແລະ ການຄ້າ ເພື່ອເປັນການກະກຽມໃຫ້ການເຊື່ອມໂຍງ, ການຮ່ວມມືທາງດ້ານເສດຖະກິດ, ສະຖາບັນ ແລະ ການເປີດກວ້າງທາງດ້ານການຄ້າ ຂອງກະຊວງອຸດສາຫະກຳ ແລະ ການຄ້າ ຊຶ່ງມີມູນຄ່າປະມານ 350.000 ໂດລາສະຫະລັດ.

ເລື່ອງທີ່ກ່ຽວຂ້ອງ

ງານເປີດຕົວລົດກະບະ TOYOTA Hilux REVO ລຸ້ນໃໝ່ຫຼ້າສຸດ... ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ໄດ້ເປີດຕົວລົດກະບະ ລຸ້ນໃ...
ຮອງນາຍົກ ເນັ້ນຫັນການຈ້າງງານເຂົ້າສູ່ລະບົບ ມີຄວາມສຳຄ... ໃນໂອກາດທີ່ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໃຫ້ກຽດເຂົ້າ...
ໂຮງຮຽນ ຊິຈິດະ-ລາວ ເປີດຢ່າງເປັນທາງການ... ສູນພັດທະນາສະໝອງເດັກກ່ອນໄວ້ຮຽນ ຊິຈິດະ (SHICHIDA) ແຫ່ງປະເທດລາວ...
ເປີດຕົວໂທລະສັບ SAMSUNG Galaxy Note 5... ບໍລິສັດ Samsung Electronics ຈຳກັດ ໄດ້ຈັດງານເປີດໂຕໂທລະສັບມືຖື...
ປັບປຸງການມອບພັນທະອາກອນທຸລະກິດຂະໜາດນ້ອຍ-ກາງ... ຂະແໜງສ່ວຍສາອາກອນ ໄດ້ປັບປຸງການໃຫ້ບໍລິການໃນການມອບພັນທະອາກອນໃຫ້...
ເປີດນຳໃຊ້ບັດ Credit BCEL-JCB Card... ວັນທີ 25 ພຶດສະພາ 2015 ທະນາຄານການຄ້າຕ່າງປະເທດລາວ ມະຫາຊົນ (ທຄຕ...
ສຸວັນນີ ໂຮມເຊັນເຕີ ຍື່ນຂໍອະນຸຍາດ ຈຳໜ່ານຮຸ້ນ IPO 25... ໃນວັນທີ 25 ກັນຍາ 2015 ບໍລິສັດສຸວັນນີ ໂຮມເຊັນເຕີ ມະຫາຊົນ ໄດ້ເ...
ເປີດນໍາໃຊ້ໂປຣແກຣມອ່ານ ອອກສຽງເປັນພາສາລາວ... ກະຊວງໄປສະນີ ໂທລະຄົມມະນາຄົມ ແລະ ການສື່ສານ ຮ່ວມກັບສະມາຄົມຄົນພິ...

Comments

comments

Ooh Laos 600×100
Main menu