Prudential 450×100

ກຣິດຕະພົງ ກຣຸບ ປະກອບສ່ວນພັດທະນາປະເທດຊາດ

ແບ່ງປັນ:

 ທ່ານ ບູລະພາ ສັນຕິຄົງຄາ ປະທານກຸ່ມບໍລິສັດ ກຣິດຕະພົງ ໄດ້ໃຫ້ກຽດຕອບສໍາພາດກ່ຽວກັບຄວາມເປັນມາ ແລະ ການເຕີບໃຫ່ຍຂະຫຍາຍຕົວ ໂດຍສະເພາະກໍແມ່ນວິໃສທັດ ຂອງກຸ່ມບໍລິສັດ ຕໍ່ທາງວາລະສານເມື່ອບໍ່ດົນຜ່ານມານີ້ວ່າ:

ໃນປີ 2005 – 2006 ບໍລິສັດ ກຣິດຕະພົງ ກໍ່ສ້າງ ໄດ້ສ້າງຕັ້ງຂຶ້ນ ຈາກນັ້ນ ໄດ້ມີການປ່ຽນເປັນ ບໍລິສັດ ກຣິດຕະພົງ ກຣຸບ ໃນເດືອນ ສິງຫາ 2009, ສ້າງຕັ້ງຂຶ້ນພາຍໃຕ້ກົດໝາຍ ສປປ ລາວ. ໃນປັດ​ຈຸ​ບັນ ບໍ​ລິ​ສັດ​ຂອງ​ພວກ​ຂ້າ​ພະ​ເຈົ້າ ມີ​ຫຼາຍ​ກຸ່ມ​ກິດ​ຈະ​ການ ຄື: ການກໍ່​ສ້າງ, ການລົງ​ທຶນ​ພັດ​ທະ​ນາ​ອະ​ສັງ​ຫາ​ລິ​ມະ​ຊັບ, ການ​ກະ​ສິ​ກຳ, ໂຮງ​ງານ​ເຟີ​ນິ​ເຈີ້, ໂຮງ​ແຮມ ທີ່​ຢູ່​ອາ​ໃສ , ການ​ທ່ອງ​ທ່ຽວ ແລະ ທຸ​ລະ​ກິດ​ທີ່​ປຶກ​ສາ ຊຶ່ງ​ມີ​ທຶນ​ຈົດ​ທະ​ບຽນ 49 ລ້ານ​ໂດ​ລາ​ສະ​ຫະ​ລັດ.

ໃນປີ 2009 ບໍລິສັດ ກຣິດຕະພົງ ກຣຸບ ໄດ້ຮ່ວມກັບບໍລິສັດ ຕ່າງປະເທດ ໃນຮູບແບບການລົງທຶນຮ່ວມ ( Joint Venture ) ໃນຫຼາຍໆໂຄງການ ໂດຍສະເພາະແມ່ນ ໂຄງການເປົ້າໝາຍ ໃນນະຄອນຫຼວງວຽງຈັນ ຊຶ່ງມີມູນຄ່າການລົງທຶນຮ່ວມ​ກັນ ປະ​ມານ 250 ລ້ານໂດລາສະຫາລັດ ເຂົ້າ​ໃນ​ບັນ​ດາ​ໂຄງ​ການ​ຫຸ້ນ​ສ່ວນ ເຊັ່ນ: ບ້ານ​ວິນ​ລາ ອາ​ເຊ້ມ, ໂຄງ​ການ​ໂລກ​ໃໝ່​ແຫ່ງວຽງ​ຈັນ, ໂຄງ​ການ​ວຽງ​ຈັນ​ເຊັນ​ເຕີ້, ໂຄງ​ການກໍ່​ສ້າງ​ໂຮງ​ແຮມ​ບູ​ຕິກ, ໂຄງ​ການ​ສູນ​ການ​ຄ້າ ດິ​ຈິ​ຕອ​ລ ໄອ​ທີ, ໂຄງ​ການ​ບ້ານ​ທາວ​ເຮົ້າ 53 ຫຼັງ, ໂຄງ​ການ ສະ​ໜາມກ໊ອ​ຟ ແລະ ໂຮງງແຮມ 5 ດາວ ທີ່ຢູ່​ແຂວງຫຼວງ​ພະ​ບາງ ແລະ ໂຄງ​ການ​ກໍ່​ສ້າງ​ບໍ​ລິ​ການ​ທີ່​ຢູ່​ອາ​ໃສ ແລະ ຫ້ອງ​ການ ອິກ​ຈຳ​ນວນ​ໜຶ່ງ.

ບໍລິສັດ ກຣິດຕະພົງ ກຣຸບ ມີອັດຕາການເຕີບໂຕ ປະມານ 6 -10 % ຕໍ່ປີ ຊຶ່ງເວົ້າລວມແລ້ວ ໄດ້​ມີ​ການ​ເຕີບ​ໃຫ​ຍ່​ຢ່າງ​ກ້າວ​ໜ້າ ພາຍໃນ 3 ປີ ທີ່ຜ່ານມາ.

ຜົນງານພົ້ນເດັ່ນຂອງບໍລິສັດໃນໄລຍະຜ່ານມາ ແລະ ແຜນການໃນອະນາຄົດມີຫຍັງແດ່?

ກິດຈະການ​ຂອງ​ບໍລິສັດ​ທີ່​ດຳ​ເນີນ​ສຳ​ເລັດ​ແລ້ວ, ພວມ​ດຳ​ເນີນ ​ແລະ ​ແຜນການ​ໃນ​ອະນາ​ຄົດປະກອບ​ມີຄື:

ໂຄງການທີ່ດຳເນີນສຳເລັດແລ້ວລວມມີ:

  • ​ໂຮງ​ແຮມ​ 5 ດາວ ​ແລນ​ມາກ​ແມ່​ຂອງ​ລີ​ເວີ​ໄຊ.
  • ສະໝາ​ມກ໊ອຟຫຼວງ​ພະ​ບາງ.
  • ​ໂຮງງານ​ເຟີ​ນີ​ເຈີ້.

ສ່ວນໂຄງການທີ່ພວມດຳເນີນຢູ່ປະກອບມີ:

  • ສູນ​ການ​ຄ້າ​ວຽງ​ຈັນ​ເຊັນ​ເຕີ້.
  • ​ໂລກ​ໃໝ່​ແຫ່ງ​ເມືອງ​ວຽງຈັນ.
  • ອາພາດ​ເມັນ​ໂພນ​ພະ​ເນົາ.
  • ອາພາດ​​ເມັນ​ທາດຫຼວງ.

​​ສໍາລັບໂຄງການໃນອະນາຄົດ.          

  • ສູນ​ການ​ຄ້າ​ທັນ​ສະ​ໄໝ ລາວ-ຫວຽດນາມ.
  • ​ໂຄງການ​ພັດທະນາ​ເຮືອນ​ຮັບ​ແຂກ​​ໄມຕີ​ຈິດ.
  • ​ໂຄງການ​ພັດທະນາ​ໜອງ​ປີງ.
  • ​ໂຄງການ ກະສິກຳ ​ແລະ ພັດທະນາ​ແຫຼ່ງທ່ອງທ່ຽວ​ ​1,101 ເຮັກ​ຕາ ຫຼັກ 62 ແຂວງວຽງ​ຈັນ
  • ​ໂຄງການ​ອາຄານ​ຂຸນ​ຕາ.
  • ໂຄງ​ການ​ອາ​ຄານ​ບໍ​ລິ​ການຫ້ອງ​ການ ໂພນ​ໄຊ

ບໍລິສັດໄດ້ວາງເປົ້າໝາຍ , ຍຸດທະສາດ ໄວ້ຄືແນວໃດ?

ເປົ້າ​ໝາຍ​ຫຼັກ ຂອງ​ກຸ່ມ​ທຸ​ລະ​ກິດ ບໍ​ລິ​ສັດ ກ​ຣິດ​ຕະ​ພົງ ແມ່ນ ເປັນ​ໜຶ່ງ​​ບໍ​ລິ​ສັດ​ໃນລາວ ທີ່​ປະ​ກອບ​ສ່ວນ​ເຂົ້າໃນການພັດ​ທະ​ນາ​ປະ​ເທດ​ຊາດ ​ທຸກ​ຂະ​ແໜງ​ການ ເພື່ອເປັນສ່ວນໜຶ່ງໃນການ​ສະ​ໜັບ​ສະ​ໜູນ​ກົນ​ໄກ ການ​ພັດ​ທະ​ນາ​ພື້ນຖານໂຄງ​ລ່າງ, ອາ​ຄານ, ທັງ​ເປັນ​ການ​ປັບ​ປຸງ​ຊີ​ວິດ​ການ​ເປັນ​ຢູ່ ແບບມີ​ຜົນ​ສຳ​ເລັດ ຜົນ​ປະ​ໂຫຍດ​ແບບຍາວ​ນານ.                                                                         ສໍາລັບຍຸດທະສາດພວກເຮົາແມ່່ນ: ພວມກະກຽມເຂົ້າຕະຫຼາດຫຼັກ​ຊັບ ເຊິ່ງເລີ່ມຕົ້ນປີ 2015 ບໍລິສັດຈະປັບປຸງແຍກເປັນ 3 ບໍລິສັດຄື: 1 ບໍລິສັດ ກຣິດຕະພົງ ກຣຸບ , 2 ບໍລິສັດ ການເຄຫາ ແລະ ພັດທະນາ , 3 ບໍລິສັດ ແລນມາກແມ່​ຂອງ  ແລະ ພວກເຮົາຕັ້ງຄາດໝາຍໄວ້ວ່າ ຕົ້ນປີ 2017 ບໍລິສັດການເຄຫາ ແລະ ພັດທະນາ ຈະຈົດເຂົ້າຕະຫຼາດຫຼັກຊັບກ່ອນ.

AEC ຈະມີຜົນກະທົບຕໍ່ບໍລິສັດດ້ານໃດແດ່?

ປະຊາ​ຄົມ​ເສດຖະກິດ​ອາ​ຊຽນ ຈະ​ມີ​ຜົນ​ດີ ຫຼື ຜົນ​ລົບຕໍ່ບໍລິສັດຄື:

ຜົນດີ: ​ເນື່ອງ​ຈາກ​ວ່າ ​ບໍລິສັດ​ແມ່ນ​ມີ​ຄວາມ​ພ້ອມ​ທາງ​ດ້ານ​ການ​ຮອງ​ຮັບ​ປະຊາ​ຄົມ​ເສດຖະກິດ​ອາ​ຊຽນ (AEC)  ​ຍ້ອນ​ບໍລິສັດ ມີການ​ສ້າງພື້ນຖານ​ໂຄງ​ລ່າງ ແລະ ພື້ນ​ຖານ​ທຸ​ລ​ະ​ກິດ ເປັນ​ຕົ້ນ ໂຮງ​ແຮມ ທີ່​ຢູ່​ອາ​ໃສ ເພື່ອການ​ເດີນທາງທ່​ອງ​ທ່ຽວຂອງ​ພາກພື້ນ ແລະ ເປັນ​ຜູ້​ຮ່ວມ​ພັດ​ທະ​ນາ​ອາ​ຄານ​ການ​ຄ້າ ສູນ​ຊອບ​ປິງ ທີ່​ຄາດ​ວ່າ ຈະ​ມີ​ຊື່​ສ​ຽງ ໃນ​ນະ​ຄອນ​ຫຼວງວຽງ​ຈັ​ນ.

ທັງ​ຍັງ ເປີດ​ຮ່ວມມື​ການ​ເຮັດ​ທຸ​ລະ​ກິດ ກັບ ​ບໍ​ລິ​ສັດ​ໃນ​ພາກພື້ນ​ດຽວ​ກັນ ເພື່ອ​ໃຫ້ມີ​ການຈະ​ເລີ​ນ​ເຕີບ​ໂຕ​ທາງ​ດ້ານ​ເສດຖະກິດ​ພາຍ​ໃນ​ກຸ່ມ​ປະ​ເທດ AEC.

ຜົນລົບ: ນັ້ນ​ເຫັນ​ວ່າ ມີ​ໜ້ອຍ​ຫຼາຍ ໃນນາມສ່ວນ​ຕົວແລ້ວຂ້າພະເຈົ້າ​ແມ່ນ​ມີ ​ຄວາມ​ເປັນຫ່ວງ​ດ້ານການ​ແຂ່ງ​ຂັນ ໃນ​ປະ​ເພດ​ທຸ​ລະ​ກິດ​ອັນ​ດຽວ​ກັນ; ຊຶ່ງ​ເມື່ອ​ເບິ່ງ​ໃນ​ດ້ານ​ປັດ​ໃຈເຂົ້າ​ຫາ​ແຫຼ່ງ​ທຶນນັ້ນ ​ສະ​ຖານ​ບັນ​ການ​ເງິນບ້ານ​ເຮົາ​ຍັງ​ບໍ່​ສາ​ມາດ​ຕອບ​ສະ​ໜອງ​ກັບ​ການ​ລົງທຶນ​ໃນ​ຂະແໜງ​ອຸດ​ສະ​ຫະ​ກຳ​ຂະໜາດໃຫ​ຍ່​ໄດ້; ຊຶ່ງ​ຕ່າງ​ຈາກ​ບໍ​ລິ​ສັດ​ຕ່າງ​ປະ​ເທດ ທີ່​ເຂົາ​ເຈົ້າ ມີ​ຄວາມ​ພ້ອມ​ທັງ​ທຶນ​ຕົນ​ເອງ ແລະ ການ​ເຂົ້າ​ຫາ​ແຫຼ່ງ​ທຶນ ຫຼາຍກວ່າ​ບໍ​ລິ​ສັດ ຂອງ​ຄົນ​ລາວ​ເຮົາ.

ຜ່ານການດໍາເນີນທຸລະກິດ ທ່ານຄິດວ່າມີຈຸດໃດທີ່ພາກລັດຕ້ອງເອົາໃຈໃສ່ປັບປຸງ?

​ໃນ​ນາມ​ເປັນ​ນັກທຸລະກິດ ທີ່​ມີ​ກິດຈະການ​ກວ້າງຂວາງ ​ແລະ ມີ​ການ​ປະກອບສ່ວນ​ເຂົ້າ​ໃນ​ການ​ພັດທະນາ​ເສດຖະກິດ-ສັງຄົມ ຂອງ​ລາວ​ຫຼາຍ​ໂຄງການ ​ເຮົາ​ເອງມີ​ບາງຂໍ້ຄິດເຫັນແລະທັດສະນະບາງຢ່າງທີ່ລັດຖະບານ​ຄວນ​ຈະ​ແກ້​ໄຂ​ຄື:

ບັນ​ຫາ​ດ້ານ​ພະ​ນັກ​ງານ​ ຊັບ​ພະ​ຍາ​ກອນ​ມະ​ນຸດ ທີ່​ເປັນ​ຄົນ​ລາວ​ເຮົາ ຍັງ​ຂາດ​ແຄນ​ຫຼາຍ ຊຶ່ງ​ເປັນ​ບັນ​ຫາ​ກວມ​ເອົາ​ພະ​ນັກ​ງານ​ທຸກ​ລະ​ດັບ ນັບ​ຈາກ​ພະ​ນັກ​ງານ​ທົ່ວ​ໄປ ປະ​ເພດ​ແຮງ​ງານ ມີບໍ່ພຽງ​ພໍຍັງຂາດ​ຄວາມສາມາດ ​ດ້ານ​ວິ​ຊາ​ການອັນແນ່ນອນ ທີ່​ຈະ​ເຂົ້າ​ເຮັດ​ວຽກ​ໃນ​ຂະ​ແໜງ​ທຸ​ລະ​ກິດ, ຊຶ່ງກໍ​ຍັງ​ກວມ​ເອົາ​ພະ​ນັກ​ງານຜູ້​ຈັດ​ການ​ລະ​ດັບ​ກາງ ຍັງ​ມີ​ຄວາມ​ທ້າ​ທ້າຍ​ສູງ ເມື່ອ​ສົມ​ທຽບ​ກັບ​ພະ​ນັກ​ງານຄົນ​ຕ່າງ​ປະ​ເທດ.

ສ່ວນ​ການ​ສົ່ງ​ເສີມ ຈາກ​ພາກ​ລັດ ກໍ​ເປັນ​ປັດ​ໃຈ​ສຳ​ຄັນ ເພື່ອ​ຊ່ວຍຊຸກຍູ້ໃຫ້ມີການ​ເຂົ້າ​ມາ​ນຳ​ໃຊ້​ບັນ​ດາ ອາ​ຄານ​ທີ່​ຢູ່​ອາ​ໃສ, ການ​ເຂົ້າ​ມາ​ຄ້າ​ຂາຍ​ໃນ​ອາ​ຄານ​ການ​ຄ້າ , ​ຜະ​ລິດ​ຕະ​ພັນ​ສິນ​ຄ້າ​ພາຍ​ໃນ ແມ່ນມີຈຳ​ນວນ​ຈຳ​ກັດ ແລະ ເຫັນວ່າຍັງບໍ່​ມີ​ສິນ​ຄ້າ​ທີ່​ມີ​ຊື່​ສຽງ (Brand name)  ທີ່​ສາ​ມາດ​ແຂ່ງ​ຂັນ ຈຶ່ງ​ຕ້ອງ​ການ ການ​ສົ່ງ​ເສີມ​ຈາກ​ພາກ​ລັດເພີ້ມ​ຕື່ມ ເພື່ອຊ່ວຍ ໃຫ້ສາມາດແຂ່ງຂັນ ກັບສິນຄ້າຈາກຕ່າງປະເທດໄດ້ ແລະ ສ້າງໃຫ້ (Branding) ຂອງລາວ ທັງ​ການ​ບໍ​ລິ​ການ ແລະ ຕົວ​ສິນ​ຄ້າ​ແບບ​ລາວ ໃຫ້ເປັນທີ່ຮູ້ຈັກຢ່າງກວ້າງຂວາງ ແລະ ມີຫຼາຍຜະລິດຕະພັນຍິ່ງໆຂຶ້ນ .

ທ່ານຄິດວ່າຜະລິດຕະພັນໃດແດ່ຂອງລາວທີ່ສາມາດແຂ່ງຂັນໄດ້?

ຄວາມຈິງແລ້ວປະເທດລາວມີທ່າແຮງຫຼາຍດ້ານ ແຕ່ສິ່ງທີ່ຂ້າພະເຈົ້າເລັງເຫັນແລະຄິດວ່າມີຄວາມເປັນໄປໄດ້ສູງແມ່ນດ້ານການທ່ອງທ່ຽວ ມີ​ທັງ​ສ​ະຖານ​ທີ່ທໍາມະຊາດ ທີ່​ສວຍ​ງາມ  ມີອາກາດທີ່ບໍລິສຸດ ຍັງມີພື້ນທີ່ປ່າໄມ້ອຸດົມສົມບູນ.

ຮອງລົງມາແມ່ນດ້ານການຜະລິດກະສິກໍາ,ປູກຝັງ,ລ້ຽງສັດ ສ້າງ​ກະ​ສິ​ກຳ​ລາວ ໃຫ້​ມີ​ມາດ​ຕະ​ຖານ ມີ​ຄຸນ​ນະ​ພາບ ເພາະເຮົາຍັງມີພື້ນທີ່ກວ້າງຂວາງ ເໝາະ​ສົມ ໂດຍສະເພາະແມ່ນການປູກແບບປອດສານພິດ ສິ່ງນີ້ຕະຫຼາດຕ່າງປະເທດມີຄວາມຕ້ອງການສູງຫຼາຍ ທີ່ສໍາຄັນບໍ່ທໍາລາຍສິ່ງແວດລ້ອມ.

ໃນອະນາຄົດອັນໃກ້ນີ້ ປະເທດລາວຈະມີເສັ້ນທາງລົດໄຟຜ່ານ ສິ່ງນີ້ຈະເອື້ອອໍານວຍຜົນປະໂຫຍດທາງອ້ອມແກ່ຜູ້ຜະລິດສິນຄ້າກະສິກໍາ,ຜະລິຕະພັນສໍາເລັດຮູບ,ຜະລິດຕະພັນອຸດສາຫະກໍາ ຕົ້ນທຶນຕໍ່າ, ເຮັດໃຫ້ຄ່າຂົນສົ່ງຖືກລົງ ຊ່ວຍຫຼຸດຕົ້ນທຶນການຜະລິດ ເຮັດໃຫ້ສາມາດສົ່ງອອກສິນຄ້າໄປຍັງປະເທດຕ່າງໆໄດ້ສະດວກຂຶ້ນ ສາມາດແຂ່ງຂັນກັບຕະຫຼາດຕ່າງປະເທດໄດ້ ພ້ອມນີ້ຍັງເປັນສ່ວນໜຶ່ງປະກອບສ່ວນເຂົ້າໃນວຽກງານການທ່ອງທ່ຽວອີກດ້ວຍ ເພາະຈະມີຄົນຈາກຫຼາຍປະເທດໃຊ້ເສັ້ນທາງລົດໄຟເພື່ອການທ່ອງທ່ຽວໃນ ສ.ປ.ປ ລາວ ກໍຄືໃນພາກພື້ນຫຼາຍຂຶ້ນ.

ຄະຕິປະຈໍາໃຈຂອງທ່ານແມ່ນຫຍັງ?

ຕ້ອງດຸໜັ່ນ , ຕ້ອງຮຽນຮູ້ເລື້ອຍໆ , ຕ້ອງມີຄວາມຕັ້ງໃຈ.

Krittaphong Group Focuses on contributing to National Development

Krittaphong Group President Boulapha Santikhongkha recently did Target magazine the honor of granting an interview on the group’s background and expansion, especially its vision:

The Krittaphong Construction Company was founded in 2005-2006 under the laws of the Lao PDR, later becoming the Krittaphong Group in August 2009. Our company now operates in several areas of business – construction, investment in real estate development, agriculture, furniture factories, hotels and residences, tourism, and consulting – and has an investment of 49 million US dollars.

In 2009, the Krittaphong Group entered into a joint venture with an overseas company for a handful of projects, especially in Vientiane Capital, the joint investment amounting to a total of 250 million US dollars. These joint projects included the ASEM villas, the Vientiane New World (VNW) project, the Vientiane Center, the Boutique Hotel construction project, the Digital IT Mall, a project for the construction of 53 townhouses, a golf course and five-star hotel in Luang Prabang, and a number of projects for the construction of residences and offices.

The Krittaphong Group is growing at an annual rate of 6-10% and has generally seen strong growth over the last three years.

What are the main achievements of the company thus far and what plans do you have for the future?

The activities our company has already completed, those in progress, and those being planned for the future being as follows:

Activities already completed:

  • The five-star Landmark Mekong Riverside Hotel
  • A golf course in Luang Prabang
  • A furniture factory

Activities in progress:

  • The Vientiane Center
  • The VNW
  • The Phonphanao apartments
  • The That Luang apartments

Future projects:

  • The Lao-Vietnam modern shopping mall
  • The Mai Thi Chit Guest House development project
  • The Nong Ping development project
  • The agriculture and tourism development project covering an area of 1,101 hectares at Km 62 in Vientiane province
  • The Khounta building project
  • The Phonxay office building project

What targets and strategies has the company put in place?

The main strategy of the Krittaphong Group is to be one of the companies in Laos which contributes to all areas of national development in order that we may play a part in supporting the mechanisms for the development of infrastructure and buildings while also succeeding in improving the lives and wellbeing of the public in such a way which yields long lasting benefits.

Our strategy is to prepare for listing on the Lao Securities Exchange (LSX) at the start of 2015. The group will be divided into three companies: 1. the Krittaphong Group; 2. a real estate and development company; and 3. the Landmark Mekong company. We hope that by the start of 2017, the real estate and development company will be listed on the LSX.

How will the AEC affect the company?

The ASEAN Economic Community (AEC) will have the following positive and negative effects:

Positive effects: The company is prepared for the AEC and has constructed infrastructural and business foundations, such as its hotels for regional tourism, and it is a partner in the development of a shopping mall which will be famous in Vientiane while being open to business cooperation with other companies of the region for economic expansion in AEC countries.

Negative effects: I see these as being minimal. Personally speaking, I am concerned about competition from companies operating in the same business sectors as us. Looking at the factors concerning access to finance, Lao financial institutions are unable to provide for the investment demand of the large industry sector, which is not the case in overseas countries, where they are prepared with their own capital and are more able to access finance than are Lao companies.

After having implemented all these business operations, on which areas do you think the State sector most needs to focus on improving?

Speaking as a businessman with businesses operating far and wide and contributing to Lao socio-economic development through many projects, I do have certain ideas and opinions concerning what the government should be working on improving:

The problem of human resources, which are hugely lacking in Laos: This extends to all levels of employees, right from insufficient manual laborers through to a lack of reliable technical skills among skilled workers in the business sector and also includes midlevel managers. This poses a great challenge when we compare ourselves with other countries.

State support is another important factor in order to assist with finding residents for the buildings which have been constructed and ensuring malls are filled out with outlets and venders. Domestic production is limited and we are yet to produce our own brand name goods to enable us to compete. We therefore need increased support from the State to help us to compete with foreign goods and to enable Lao branding, both for services and Lao-style goods, to become widely known and for us to have a greater range of products.

What Lao products do you think will be able to compete?

Laos does in fact have great potential but the area I see as being most feasible is tourism as we have an abundance of natural beauty, fresh air, and magnificent forests. After tourism, I think the next most promising areas are agriculture, cultivation, and livestock raising so I feel we need to ensure that Lao agriculture is up to standard and is of a high quality because we have so much suitable land. I think that organic farming holds especially high potential as there is a high demand for organic goods on overseas markets and importantly, it does not damage the environment.

In the near future, Laos will have a railroad passing through it and this will indirectly benefit low investment agricultural production, ready processed products, and industrial production as transportation costs will be cheaper, which will lower the investment needed for production and allow us to export to foreign markets conveniently. This will also contribute to tourism as people from many countries will use the railroad for tourism in the Lao PDR and the region to a greater degree.

What is your motto?

Be diligent, never stop learning, and do your best.

ເລື່ອງທີ່ກ່ຽວຂ້ອງ

ລາຄານໍ້າມັນບໍ່ກະທົບຕໍ່ທຸລະກິດໂດຍສານສາຍໃຕ້... ທ້າຍປີ 2015 ຫາ ຕົ້ນປີ 2016 ພວກເຮົາກຽມຍ້າຍຄິວໃໝ່ ເພື່ອຮອງຮັບ...
ນິຄົມອຸດສາຫະກໍາ ແລະ ການຄ້າວຽງຈັນໂນນທອງ ໜຶ່ງໃນຕົວແບ... ການ​ພັດທະນາ ແລະ ຄຸ້ມ​ຄອງເຂດ​ເສດຖະກິດພິເສດ ແລະ ເຂດ​ເສດຖະກິດ​ສ...
ການລົງທຶນດ້ານທ່ອງທ່ຽວແບບອະນຸຮັກເປັນການລົງທີ່ບໍ່ບົກ... ອັດຕະປື ເປັນດິນແດນທີ່ອຸດົມສົມບູນ ໄປດ້ວຍຊັບໃນດິນ ສິນໃນນ້ຳ ໃຜໆ...
ທະນາຄານຮ່ວມທຸລະກິດ ລາວ ຫວຽດ ບາດກ້າວຂອງການເປັນໜຶ່ງໃ... ປະຕິບັດຕາມແນວທາງຂອງພັກ ແລະ ລັດ ທັງສອງປະເທດ, ທະນາຄານຮຸ້ນສ່ວນລ...
ລັດເປີດກວ້າງການລົງທຶນ-ອໍານວຍຄວາມສະດວກ ແລະ ປົກປ້ອງຜ... ສໍາລັບ ສ.ປ.ປ ລາວ ນັບແຕ່ໄດ້ສະຖາປະນາ ເປັນປະເທດ ສາທາລະນະລັດ ປະຊ...
ທຄຕລ ພາຍຫຼັງເຂົ້າຕະຫຼາດຫຼັກຊັບລາວ ຍອດຊັບສິນເພີ່ມຂຶ... ທ່ານ ພູຂົງ ຈັນທະຈັກ, ຮອງຜູ້ອໍານວຍການ ທະນາຄານການຄ້າຕ່າງປະເທດລ...
ພາສີຫຼຸດແຕ່ເປັນຫຍັງລາຄາລົດຍັງແພງ.... ເສຍພາສີແມ່ນ “ຮັກຊາດ” ຄໍາເວົ້າປະໂຫຍກນີ້ຫຼາຍທ່ານຄົງຄຸ້ນຫູ ເພາະ...
ຫຼວງພະບາງເປັນເມືອງທີ່ມີຊີວິດຊີວາ ມີສະເໜທາງດ້ານວັດທ... ຫຼວງພະບາງມີຈຸດດືງດູດການທ່ອງທ່ຽວແນວໃດ? ​ເມື່ອ​ເວົ້າ​ມາ​ເຖິ...

Comments

comments

Ooh Laos 600×100
Main menu