ຮອງປະທານປະເທດ ຕ້ອນຮັບ ທູດອົດສະຕຣາລີ

ໃນວັນທີ 11 ພຶດສະພາ ນີ້ ຢູ່ທີ່ທໍານຽບ ປະທານປະເທດ (ຫໍຄໍາ) ທ່ານ ພັນຄໍາ ວິພາວັນ ຜູ້ປະຈໍາການ ຄະນະເລຂາທິການ ສູນກາງພັກ, ຮອງປະທານປະເທດ ແຫ່ງ ສປປ ລາວ ໄດ້ຕ້ອນຮັບການ ເຂົ້າຢ້ຽມຂໍ່ານັບ ຂອງທ່ານ John williams ເອກອັກຄະລັດຖະທູດ ອົດສຕຣາລີ ປະຈໍາ ສປປ ລາວ. ໃນໂອກາດທີ່ທ່ານ ເປັນຮອງປະທານປະເທດແຫ່ງ ສປປ ລາວ.

ໃນໂອກາດດັ່ງກ່າວ, ທ່ານ ພັນຄໍາ ວິພາວັນ ໄດ້ສະແດງ ຄວາມຍິນດີຕ້ອນຮັບ ແລະ ຊົມເຊີຍຕໍ່ທ່ານ ເອກອັກຄະລັດຖະທູດ ອົດສຕຣາລີ ປະຈຳລາວ. ເຊິ່ງເປັນການ ປະກອບສ່ວນ ອັນສຳຄັນ ເຂົ້າໃນການເພີ່ມທະວີ ສາຍພົວພັນມິດຕະພາບ ແລະ ການຮ່ວມມື ລະຫວ່າງ ລາວ-ອົດສະຕຣາລີ ໃຫ້ມີບາດກ້າວ ຂະຫຍາຍຕົວຍິ່ງໆຂຶ້ນ. ລາວ-ອົດສະຕຣາລີ ໄດ້ມີການຮ່ວມມື ຊ່ວຍເຫລືອ ເຊິ່ງກັນ ແລະ ກັນ ໃນຫລາຍຂະແໜງການ ເຊັ່ນ: ນັບແຕ່ປີ 2009-2015 ໄດ້ໃຫ້ການຊ່ວຍເຫລືອ ໂດຍສຸມໃສ່ 3 ຂົງເຂດ ຄື: ການພັດທະນາ ການສຶກສາ, ສົ່ງເສີມການຄ້າ-ການລົງທຶນ ແລະ ການພັດທະນາ ຊົນນະບົດ. ທາງດ້ານການລົງທຶນ ນັບແຕ່ປີ 2010-2015 ມີ 15 ໂຄງການ, ມີມູນຄ່າ 86.282.411 ໂດລາອົດສະຕຮາລີ ຈັດຢູ່ໃນ ອັນດັບທີ 14 ໃນບັນດາ 53 ປະເທດ ທີ່ມາລົງທຶນຢູ່ ສປປ ລາວ. ນອກນັ້ນ, ຍັງໄດ້ດໍາເນີນທຸລະກິດ ທາງດ້ານທະນາຄານ, ໂຮງແຮມ, ຮ້ານອາຫານ, ການບໍລິການ, ອຸດສາຫະກໍາ, ຫັດຖະກໍາ ແລະ ອື່ນໆ

ໃນໂອກາດນີ້, ທ່ານ John Williams  ໄດ້ສະແດງຄວາມຂອບໃຈ ຕໍ່ການຕ້ອນຮັບ ອັນອົບອຸ່ນຂອງທ່ານ ຮອງປະທານປະເທດ, ພ້ອມທັງ ສະແດງຄວາມຢືນຢັນວ່າ ຈະສືບຕໍ່ສຸມ ທຸກຄວາມພະຍາ ຍາມ ໃນການເຄື່ອນໄຫວ ປະກອບສ່ວນເຂົ້າ ໃນການເສີມຂະຫຍາຍ ສາຍພົວພັນຮ່ວມມື ລະຫວ່າງ ລາວ-ອົດສະຕຣາລີ ໃຫ້ມີປະສິດທິຜົນສູງຂຶ້ນ. ຂ່າວ-ພາບ: ຂປລ.

ບົດຄວາມແນະນໍາ

ສະແດງຄວາມຄິດເຫັນ