Prudential 450×100

ກຸ່ມໂຊກໄຊການຄ້າຂະຫຍາຍຕົວຢ່າງໜັກແໜ້ນ.

ແບ່ງປັນ:

“ເລີ່ມຈາກ “ບໍລິສັດ ​ໂຊກ​​ໄຊ ຈະ​ເລີ​ນການ​ຄ້າ​” ສ້າງ​ຕັ້ງ​ປີ 2005 ​ເຮັດ​ການ​ນຳ​ເຂົ້າ ​ແລະ ຈັດ​ຈໍາໜ່າຍ​ສິນຄ້າ​ເຄື່ອງ​ອຸປະ​ໂພ​ກ, ບໍລິ​ໂພ​ກ​ໃນ​ທົ່ວ​ປະ​ເທດ,ໄດ້ເຕີບໃຫຍ່ຂະຫຍາຍຕົວຢ່າງໜັກແໜ້ນມາຮອດປັດຈຸບັນໄດ້ກາຍເປັນກຸ່ມໂຊກໄຊການຄ້າ ລວມມີ 8 ບໍລິສັດ 5 ຂະ​ແໜງ​ການ​ໃຫຍ່ ມີ 10 ກວ່າ​ຂະ​ແໜ່​ງຍ່ອຍ”. ນີ້ຄືຄໍາກ່າວຢືນຢັນຂອງທ່ານ ໂຊກໄຊ ສົມໃຈນຶກ ປະທານກຸ່ມໂຊກໄຊການຄ້າ.

ກຸ່ມໂຊກໄຊການຄ້າມີປະຫວັດຄວາມເປັນມາແລະຂະຫຍາຍຕົວແນວໃດ?

ເບື້ອງ​ຕົ້ນ​ເປັນບໍລິສັດນ້ອຍໆພາຍໃຕ້ຊື່ “ບໍລິສັດ ​ໂຊກ​​ໄຊ ຈະ​ເລີ​ນການ​ຄ້າ​” ສ້າງ​ຕັ້ງ​ປີ 2005 ​ເຮັດ​ການ​ນຳ​ເຂົ້າ ​ແລະ ຈັດ​ຈໍາໜ່າຍ​ສິນຄ້າ ​ເຄື່ອງ​ອຸປະ​ໂພ​ກ, ບໍລິ​ໂພ​ກ​ ສົ່ງຂາຍໃນ​ທົ່ວ​ປະ​ເທດ,ຕໍ່ມາກໍໄດ້ຮັບເປັນຕົວແທນຈໍາໜ່າຍ ຢາງ​ລົດ MAxiS, Destone,​ເຄື່ອງ​ອາ​ໄຫຼ່​ລົດ ​ແລະ ອື່ນໆອີກຫຼາກວ່າຮ້ອຍລາຍການ.

ສິ່ງ​ສຳຄັນ ແລະ ຖືເປັນເປົ້າໝາຍຫຼັກຂອງບໍລິສັດ ຫຼື ຖືເປັນຈັນຍາບັນຂອງພວກເຮົາຕັ້ງແຕ່ເລີ່ມກິດຈະການເປັນຕົ້ນມາແມ່ນພວກເຮົາເນັ້ນພິເສດຄື: ບໍລິສັດ​ໂຊກ​​ໄຊ ຈະ​ສະໜອງ​ສິນຄ້າ​ທີ່​ມີ​ຄຸນ​ນະພາ​ບ ມີ​ການ​ຮັບ​ຮອງໄດ້​ມາດຕະຖານ ​ແກ່​ສັງຄົມ​ເປັນຫຼັກ ​ໂດຍ​ຢຶດໝັ້ນ​ຄືດັ່ງກ່າວ ລູກ​ຄ້າຈຶ່ງ​ໃຫ້​ຄວາມ​ໄວ້​ວາງ​ໃຈ​ໃນ​ສິນຄ້າ​ຂອງ​ບໍລິສັດ ​, ມີ​ທຸລະ​ກິດ​ຮ່ວມ​ກັນ​ດ້ວຍ​ດີ​ຕະຫຼອດມາ​ ແລະ ນັບມື້ຂະຫຍາຍຕົວເປັນລໍາດັບ.

ບໍລິສັດ​ເບິ່ງ​ເຫັນ​ອະນາຄົດ​ໃນ​ການ​ພັດທະນາ​ພື້ນຖານ​ໂຄງ​ລ່າງ ຂອງປະເທດ​ໂດຍ​ສະ​ເພາະ​ພາຍຫຼັງ AEC ​ເຂົ້າ​ມາ​ການ​ພັດທະນາ, ການ​ກໍ່ສ້າງ​ຕ່າງໆ​ ຈະ​ຍິ່ງ​ຂະ​ຫຍາ​ຍຕົວ​ຂຶ້ນ ດັ່ງນັ້ນບໍລິສັດຈິ່ງໄດ້ເປີດກິດຈະການດ້ານກໍ່ສ້າງ , ດ້ານອະສັງຫາລິມະຊັບ , ໂຮງງານ​ຄອນ​ກຼີດ​ປະສົມແຫຼວ , ຂະຫຍາຍ​ກິດຈະການເສົາ​ເຂັມ​, ​ເບ​ຕົ້ງ​ອັດ​ແຮງ​ແຜ່ນ​ປູພື້ນຕື່ມອີກ.

​ໃນ​ອະນາຄົດອັນໃກ້ໆນີ້ ທາງບໍລິສັດໄດ້ມີແຜນການ​ກະກຽມ​ເປີດ​ຮ້ານ​ຄ້າ​ຮູບແບບທີ່ທັນ​ສະ​ໄໝ “ຮ້ານ​ຄ້າ​ສະດວກ​ຊື້” ​ເປັນຮ້ານ “​ມິ​ນິມາກ” ພາຍໃຕ້​​ຊື່ S-Mart ຄາດວ່າຈະໃຫ້ບໍລິການພາຍ​ໃນທ້າຍ​ປີ 2015 ແລະ ມີເປົ້າໝາຍທີ່ຈະຂະຫຍາຍໄປທົ່ວປະເທດໃນອະນາຄົດ.

ພາຍຫຼັງທີ່​ເຫັນ​ວ່າ​ບໍລິສັດ​ມີ​ຄວາມ​ເຂັ້ມ​ແຂງ​ ແລະ ມີຄວາມພ້ອມທຸກດ້ານຈຶ່ງ​ໄດ້​ເປີດ​ສະຖາບັນ​ການ​ເງິນ​ຈຸ​ລະ​ພາກ​ຂຶ້ນ​ປີ 2015 ເຊິ່ງຜ່ານໄລຍະການດໍາທຸລະກິດມາບໍ່ເຖິງໜຶ່ງປີ ກໍເຫັນວ່າກະແສການ​ຕອບ​ຮັບ​ຂອງ​ລູກ​ຄ້າ​ຖື​ວ່າ​ດີຫຼາຍ, ​ ສ່ວນ​ໃຫຍ່​ແມ່ນ​ລູກ​ຄ້າ​ຕາມ​ຕະຫຼາດ,​ຫ້າງ​ຮ້ານ​ຕ່າງໃນທົ່ວປະເທດ ທີ່​ເຮັດທຸລະກິດການ ຊື້-​ຂາຍ ນຳບໍລິສັດພວກ​ເຮົາ.

ທ່ານປະທານບໍລິສັດໄດ້ຍົກໃຫ້ເຫັນຕື່ມອີກວ່າ: ດ້ວຍຄວາມໄວ້ວາງໃຈຂອງລູກຄ້າ ແລະ ການເຕີບໃຫຍ່ຂະຫຍາຍຕົວຂອງບໍລິສັດ ມາຮອດປັດຈຸບັນ ກຸ່ມບໍລິສັດໂຊກໄຊການຄ້າ ລວມມີ 08 ບໍລິສັດ 05 ຂະ​ແໜງ​ການ​ໃຫຍ່ ມີ 10 ກວ່າ​ຂະ​ແໜ​ງການຍ່ອຍເຊັ່ນ:

  1. ໂຊກ​ໄຊ​ຈະ​ເລີ​ນການ​ຄ້າ
  2. ວິ​ໄລ​ຈະ​ເລີ​ນການ​ຄ້າ
  3. ຮຸ່ງ​ເຮືອງ​ຈະ​ເລີ​ນການ​ຄ້າ
  4. ລໍ້າ​ລວຍ​ຈະ​ເລີ​ນການ​ຄ້າ
  5. ​ໂຊກ​ໄຊ​ຈະ​ເລີ​ນຄອນ​ກຣີດ
  6. ​ໂຊກ​​ໄຊ​ອະສັງຫາລິມະ​ຊັບ
  7. ​ໂຊກ​ໄຊ​ຈະ​ເລີ​ນກໍ່ສ້າງ
  8. ສະຖາບັນ​ການ​ເງິນ​ຈຸ​ລະ​ພາກ​ໂຊກ​ໄຊ

ສັງ​ລວມ​ແລ້ວ​ສິນຄ້າ​ບໍລິສັດສາມາດກວມຕະຫຼາດ​ຈັກ​ສ່ວນຮ້ອຍ?

ຖ້າ​ເປັນ​ສິນຄ້າ​ນຳ​ເຂົ້າ​ຈໍາໜ່າຍ​ຜູ້​ດຽວ​ແມ່ນ​ກວມກວ່າ 90% ຂອງ​ຕະຫຼາດ​ທົ່ວ​ປະ​ເທດ.

ໃນກຸ່ມຍັງມີທຸລະກິດຂາຍໂທລະສັບຢາກໃຫ້ທ່ານສັງລວມຄວາມເປັນມາຂອງຮ້ານ?

ຊໍາ​ຊຸງ​ (SAMSUNG) ຖືໄດ້ວ່າເປັນ​ຜະລິດ​ຕະພັນ​ທີ່​ມີ​ຊື່​ສຽງ, ສາມາດ​ຈໍາໜ່າຍ​ໄປໃນ​ທົ່ວ​ໂລກ, ພ້ອມ​ມີ​ເຕັກ​ໂນ​ໂລ​ຊີ ​ທັນ​ສະ​ໄໝ​ ເຫັນ​ວ່າ​ທາງ​ດ້ານກະແສ​ຂອງ “ຊໍາ​ຊຸງ” ​ແມ່ນ​ມາ​ແຮງ​ທີ່​ສຸດ​ໃນພາ​ກພື້ນ ​ກໍ​ຄື​ໃນ​ໂລ​ກ,

ຜະລິດ​ຕະພັນ​ຂອງ “​ຊໍາ​ຊຸງ​” ທີ່​ຜະລິດ​ມາ​ອອກ​ມາ​ສ່ວນ​ໃຫຍ່​ມີ​ຄຸນ​ນະພາ​ບດີ, ມີ​ຄວາມ​ທັນ​ສະ​ໄໝ ບໍ່​ວ່າ​ຈະ​ເປັນ​ໂທລະສັບ​ມື​ຖື, ຕູ້​ເຢັນ, ​ຈັກຊັກເຄື່ອງ​, ​ເຄື່ອງ​ໃຊ້​ໄຟຟ້າ​ ແລະ ອື່ນໆ.

ຜະລິດ​ຕະພັນ “​ຊໍາ​ຊຸງ” ​ມີ​ຫຼາກ​ຫຼາຍ, ສາມາດ​ຕອບ​ສະໜອງ​ລູຸກຄ້າທຸກ​ຊັ້ນ​ຄົນ ​ແລະ ​ເຫັນ​ວ່າ​ຕະຫຼາດ​ໃນ​ອະນາຄົດ​ຍັງ​ຈະ​ແຈ່ມ​ໃສ​ດີ ດ້ວຍ​ເຫດ​ຜົນດັ່ງກ່າວ​ ບໍລິສັດ​ຈຶ່ງ​ໄດ້​ຕັດສິນ​ໃຈ​ເປັນ​ຄອບຄົວ​ຂອງ​ “ຊຳ​ຊຸງ”

ສິດທິ​ພິ​ເສດ​ທີ່ບໍລິສັດໄດ້​ຈາກ​ຊໍາ​ຊຸງມີຫຍັງແດ່?

ຄື “​ຊໍາ​ຊຸງ” ​ຈະ​ໃຫ້​ເລື່ອງ​ຄວາມ​ຮູ້​ຫຼາຍໆ​ດ້ານ​ເຊັ່ນ​ວ່າ: ໃນນາມທີ່​ເຮົາເປັນ​ຄູ່​​ຄ້າ​ນຳ​ເຂົາ, ​ໄດ້​ຮັບ​ຄວາມ​ໄວ້​ເນື້ອ​ເຊື່ອ​ໃຈ​ຈົນ​ໃຫ້​ເປັນ​ຕົວ​ແທນ​ຈໍ່າໜ່າຍ, ​ເຂົາ​ເຈົ້າຈະ​ມີ​ການ​ແນະນຳ ​ແລະ ການ​ໃຫ້​ເປົ້າໝາຍ​ໃນ​ການ​ຂາຍ, ສະ​ນັ້ນ​ການ​ໃຫ້​ເປົ້າໝາຍນັ້ນ​ ແມ່ນເປັນການ​ສ້າງ​ໃຫ້​ເຮົາ​ມີ​ຄວາມ​ສາມາດ​ໃນ​ການ​ແຂ່ງຂັນ​ທີ່​ສູງ​ຂຶ້ນ​,ເປັນ​ການ​ປັບ​ຕົວ​ເອງ​ໃຫ້​ສູງ​ຂຶ້ນ,​ເຮັດ​ໃຫ້ເຮົາ​ປະສົບ​ຜົນສໍາ​ເລັດ​ຕາມ​ເປົ້າ​ໝາຍ​ທີ່​ວາງ​ໄວ້ ​ເຖິງ​ວ່າ​ຈະ​ບໍ່​ແມ່ນ​ການ​ຊ່ວຍ​ທາງ​ກົງ ​ແຕ່​ກໍ​ເປັນ​ການ​ຊ່ວຍທາງ​ອ້ອມ ເຊິ່ງມັນຊ່ວຍ​ເຮັດ​ໃຫ້​ເຮົາ​ມີ​ຄວາມ​ບຸກບືນ​ຢູ່​ສະ​ເໝີ​ວ່າ: ​ເຮົາ​ຕ້ອງ​ເອົາ​ຊະນະ​ເປົ້າ​ໝາຍ​ໃຫ້​ໄດ້ ຫຼື ​ເວົ້າ​ອີກ​ຢ່າງ​ໜຶ່ງ​ວ່າ​: ເຮົາ​ໄດ້​ປະສົບ​ການ​ທີ່​ດີ​ຈາກ​ຊໍາ​ຊຸງ ​ແລະ ມີ​ຕົວ​ເລກ​ລາຍ​ຮັບ​ທີ່​ດີ​ຂຶ້ນ ຖ້າເຮົາສາມາດເຮັດສໍາເລັດຕາມເປົ້າໝາຍທີ່ “ຊໍາຊຸງ” ວາງໃຫ້.

ຕາມທັດສະນະສ່ວນຕົວຂອງຂ້າພະເຈົ້າແລ້ວເຫັນວ່າ: ປະສົບ​ການ​ບໍ່​ສາມາດ​ຊື້​ໄດ້​ດ້ວຍ​ເງິນ ດັ່ງ​ນັ້ນ, ການ​ໃຫ້​ປະສົບ​ການ ​ຖື​ວ່າ​ເປັນ​ສິ່ງ​ທີ່​ສຳຄັນ​ຫຼາຍ​ ສຳລັບ​ການ​ຕະຫຼາດ​ ໃນ​ຍຸກທີ່​ມີ​ການ​ແຂ່ງຂັນ​ສູງ ໂດຍສະເພາະທີ່ປະເທດພວກເຮົາພວມຈະກ້າວເຂົ້າສູ່ ປະຊາຄົມເສດຖະກິດອາຊຽນໃນທ້າຍປີ 2015.

ຜ່ານ​ການ​ດຳ​​ເນີນ​ທຸລະ​ກິດ​ມີ​ກະ​ແສ​ຕອບ​ຮັບ​ແນວ​ໃດ?

ກະ​ແສ​ຕອບ​ຮັບ​ຂອງ​ລູກ​ຄ້າ​ຖື​ວ່າ​ດີ​ຫຼາຍ ​ເຫັນ​ວ່າ​ທຸກໆ​ຜະລິດ​ຕະພັນ​ທີ່​ມາ​ຈໍາໜ່າຍ​ແມ່ນ​ໄດ້​ຮັບ​ຄວາມ​ນິຍົ​ມ ສູງ​ຈາກ​ລູກ​ຄ້​າໂດຍ​ສະ​ເພາະ​​ແມ່ນ​ໂທລະສັບ​ມື​ຖື S6 ​ໄດ້​ຂາຍ​ດີ​ທີ່​ສຸດ, S6 ​ແມ່ນ​ມີ​ກະ​ແສ​ຕອບ​ຮັບ​ດີ​ຫຼາຍ ​ເພາະ​ອອກ​ແບບ​ຢ່າງ​ສວຍ​ງາມ, ທັນ​ສະ​ໄໝ ​ມີ​ລູກ​ຫຼິ້ນ​ຫຼາກ​ຫຼາຍຟັງ​ຊັ່ນ ຖ້າ​ທຽບ​ໃສ່ ​ແບຣນອື່ນ​ແລ້ວ S6 ຈັດ​ຢູ່​ໃນ​ລະດັບ iphone . ດັ່ງ​ທີ່​ເຮົາ​ຮັບ​ຮູ້​ນຳ​ກັນ​ແລ້ວ​ວ່າ​ກະ​ແສ​ທາງ​ social network ປັດຈຸບັນ​ແມ່ນ​ກວ້າງຂວາງ,​ວ່ອງ​ໄວຫຼາຍ​ ຈາກ​ປາກ​ຕໍ່ປາກ​ຂອງ​ລູກ​ຄ້າ​ຍິ່ງ​ເຮັດ​​ໃຫ້​ຜະລິດ​ຕະພັນ​ຂອງຮ້ານໄດ້​ຂາຍ​ດີ.

​ ນອກຈາກ​ໂທລະສັບ​ແລ້ວ ຕູ້​ເຢັນ​,ຈັກຊັກເຄື່ອງ ກໍ​ໄດ້​ຂາຍ​ດີ ​ໂດຍ​ສະ​ເພາະ​ແມ່ນ​​ໂທລະພາບ​ຖື​ເປັນ​​ເຕັກ​ໂນ​ໂລ​ຊີ​ທັນ​ສະ​ໄໝ ​ເປັນ​ທີ່​ນິຍົມ​ອັນ​ດັບ 1 ຂອງ​ໂລກ. ປັດຈຸບັນ​ຖື​ວ່າ ບໍ່​ມີ​ຍີ່​ຫໍ້​ໃດ​ເທົ່າ​ທຽບ​ໄດ້ ​ເພາະ​ບໍ່​ພຽງ​ແຕ່​ເປັນ​ໂທລະພາບ ມັນ​ກາຍ​ເປັນ Smart TV ​ໄປ​ແລ້ວ ສາມາດ​ເວົ້າ​ໄດ້​ວ່າ​ເລື່ອງ​ເຕັກ​ໂນ​ໂລ​ຊີ ​ບາງ​ຢ່າງຂອງ ສ.​ເກົາຫຼີ​ ທັນ​ສະ​ໄໝ​ກ້າວໜ້າ​ກວ່າ​ຍີ່ປຸ່ນ.

ໃນ​ອະນາຄົດ​ທາງ​ຮ້ານ​ເຮົາ​ຈະ​ນຳ​ສິນ​ຄ້າ​ຫຍັງ​ເຂົ້າ​ມາ?

ພວກ​ເຮົາ​ພວມ​ກຽມ​ນຳ​ເອົາ​ໂທລະສັບ​ລຸ້ນ​ໃໝ່​ຫຼ້າ​ສຸດ​ຂອງ​ຊຳ​ຊຸງ Note 5 ​ເປັນ​ລຸ້ນທີ່​ທັນ​ສະ​ໄໝ​ ເປັນສຸດ​ຍອດ​ນະ​ວັດຕະ​ກຳ ​ອັນ​ກ້າວໜ້າ​ລະດັບ​ໂລກ​ຂອງ​ຊໍາ​ຊຸງ.ເຊິ່ງຂ້າພະເຈົ້າເຊື່ອວ່າ Samsung Galaxy Note 5 ໂຕໃໝ່ນີ້ຈະເປັນອີກສິນຄ້າໜຶ່ງທີ່ຈະຖຶກໃຈບັນດາລູກຄ້າດ້ວຍການອອກແບບທີ່ຫຼູຫຼາ ແລະ ຟັງຊັ່ນການໃຊ້ວຽກກໍ່ທັນສະໄໝເໝາະກັບຄົນຍຸກໃໝ່ທີ່ສຸດ.

ກົນ​ລະ​ຍຸດ​ການ​ຕະຫຼາດຂອງ​ຮ້ານ​ໂຊກ​​ໄຊ​ຊໍາ​ຊຸງ​ແມ່ນ​ອັນ​ໃດ?

ທຸກໆ​ສິນຄ້າ​ທີ່​ມາ​​ໃໝ່​ພວກ​ເຮົາ​ຈະ​ມີ​ກົນລະຍຸດ​ເລື່ອງ​ສ້າງ​ກະ​ແສ​ໃຫ້​ລູກ​ຄ້າ​ຮັບ​ຮູ້​ວ່າ​: ມີ​ສິນຄ້າ​ຢູ່​ສູນ​ໂຊກ​​ໄຊ ດ້​ວຍການ​ໂຄສະນາ​ເຜີຍ​ແຜ່​ທາງ ​social network, ທາງ​ສື່​ສິ່ງ​ພິມ, ​ໂທລະພາບ, ວິທະຍຸ,ອີກກົນລະຍຸດໜຶ່ງແມ່ນເມື່ອ​ລູກ​ຄ້າ​ຍ່າງ​ເຂົ້າ​ມາ​ຮ້ານ​ ກໍ​ແມ່ນ​ມີ​ແນວ​​ໄດ້​ໂລດ ​ໂດຍຈະ​ມີ​ການ​ແຈກ​ ການ​ແຖມ​ຕ່າງໆ ​ແລະ ຈາກ​ກະ​ແສ​ດັ່ງກ່າວ​ກໍ່​ມີ​ການ​ບອກ​ຕໍ່​ໄປ​ເຮັດ​ໃຫ້​ລູກ​ຄ້າ​ເຂົ້າ​ມາ​ຫຼາຍ​ຂຶ້ນ.ປັດຈຸບັນ​ພວກ​ເຮົາ​ມີ​ພັນທະ​ມິດ​ທາງການ​ຄ້າ​ໂດຍມີການຂາຍສົ່ງໃຫ້ຮ້ານຄ້າຂາຍຍ່ອຍຕ່າງໆທົ່ວປະເທດ.

AEC ໃນນາມສ່ວນຕົວທ່ານຄິດວ່າມັນຈະ​ເປັນ​ທ່າ​ແຮງ ຫຼື ສິ່ງ​ທ້າ​ທາຍ​ແນວ​ໃດ?

AEC ຕາມ​ທັດສະນະ​ຂອງ​ຂ້າພະ​ເຈົ້າ ​ແລະ ​ໄດ້ຮ່ວມ​ສົນ​ທະ​ນາ ​ກັບ​ຫຼາຍໆ​ຄົນ​ເຫັນ​ວ່າ: ຄົນລາວ​ເຮົາ​ຈະ​ໄດ້​ປຽບ​ຫຼາຍ​ກວ່າ ພຽ​ງ​ແຕ່​ວ່າ​ເຮົາ​ຮູ້​ສ້າງ​ວິ​ກິດ​ໃຫ້​​ເປັນ​ໂອກາດ​ຄື: ​ເລື່ອງ​ບຸກຄະລາ​ກອນ ​ການ​ວ່າ​ຈ້າງ​​ແຮງ​ງານ​ຈະ​ມີ​ລາຍ​ໄດ້​ສູງ​ຂຶ້ນ ​ເພາະ​ຈະ​ເປັນ​ອັດຕາ​ຂອງ​ສາກົນ ມັນຈະສ້າງ​ໂອກາດ​ໃຫ້​ຄົນ​ລາວ​ ຜູ້​ມີ​ຄວາມ​ຮູ້ ​ຄວາມ​ສາມາດ​ ທີ່​ແນ່ນອນ​ນັ້ນ ສາມາດ​ຍາດ​ແຍ່ງ​​ໂອກ​າດນີ້​ເພື່ອ​ສ້າງ​ຄວາມ​ເຂັ້ມ​ແຂງ​ທາງລາຍຮັບໃຫ້​ແກ່​ຕົນ​​ເອງ. ຂ້າພະເຈົ້າຄິດວ່າ: ຖ້າ​ຄົນ​ລາວ​ມີຄົນເກັ່ງ​ຫຼາຍ​ GDP ຈະຂຶ້ນ​ແນ່ນອນ ​ເພາະ GDP ບໍ່​ໄດ້​ຂຶ້ນ​ກັບ​ບັນດາ​ບໍລິສັດ​ເປັນ​ສ່ວນ​ໃຫຍ່ ມັນ​ຢູ່​ນຳ​ພົນລະ​ເມື​ອງທົ່ວ​ໄປ ດັ່ງ​ນັ້ນ, ຖ້າ​ຄົນລາວ​ສ່ວນ​ໃຫຍ່​ມີ​ລາຍ​ໄດ້​ສູງ ​ປະ​ເທດ​ຊາດ​ກໍ​ຈະ​ເລີ​ນຂຶ້ນ,ເສດຖະກິດ ກໍໜັ້ນທ່ຽງຂຶ້ນ ,ຂ້າພະ​ເຈົ້າ​ເຫັນ​ວ່າ​: ຄົນ​ລາວ​ບໍ່​ແມ່ນ​ຄົນ​ຂີ້​ຮ້າຍ, ປະຫວັ​ດສາດຂອງຊາດ​ລາວ​ຢັ້ງຢືນ​ວ່າ:​ຄົນ​ລາວ​ເກັ່ງ​ ,ຫ້າວຫັນ, ມີ​ຄວາມ​ກ້າຫານ, ມີ​ສະຕິ​ປັນຍາ, ຢ່າ​ໄປ​ຄິດ​ວ່າ​ເຮົາ​ຈະ​ຕົກ​ທ່າ​ຮັບ, ເມື່ອເອອີຊີເຂົ້າມາແລ້ວຈະມີ​ການ​ກີດ​ກັ້ນຕ່າງໆນາໆ ແລະ ອີກດ້ານໜຶ່ງທີ່ຂ້າພະເຈົ້າເຫັນວ່າຄົນລາວຈະໄດ້ປຽບແມ່ນດ້ານ​ການ​ຂາຍ​ສິນຄ້າ​ຈະ​ເພີ່ມ​ຂຶ້ນ​ຫຼາຍສິນຄ້າຂອງບ້ານເຮົາກໍຈະມີແຮງຊື້ຫຼາຍຂຶ້ນ ເຮັດໃຫ້ການຜະລິດຫຼາຍຂຶ້ນ ແລະ ແນ່ນອນສິນຄ້າຈາກຕ່າງປະເທດກໍຈະເຂົ້າມາຫຼາຍເຊັ່ນກັນ ແຕ່ສິ່ງສໍາຄັນແມ່ນພວກເຮົາຕ້ອງສ້າງວິກິດໃຫ້ເປັນໂອກາດທີ່ດີສຸດ.

Sokxay Trading Group Expands Steadily

“Sokxay Chaleun Trading was founded in 2005 importing consumables for nationwide distribution. It expanded steadily and has now become the Sokxay Trading Group comprising eight companies with five major and ten minor branches”. These are the words of Sokxay Trading Group President Sokxay Somchayneuk.

What is the background of the Sokxay group and how has it expanded?

“It started off in 2005 as a small company under the name of Sokxay Chaleun Trading Company importing consumables for nationwide distribution. We then won distributorships for Maxxis and Destone tires, spare parts, and hundreds of other products.

Something important which we have considered to be the main goal of the company or our ethic right from the outset is to provide the public with goods of high quality for which standards are guaranteed. Our close adherence to this principle has built trust from our customers. More and more businesses have joined us and we have been steadily expanding.

Our company sees a future in which the country’s infrastructure will be developed, especially with the AEC, which will lead to increased development and construction.

For this reason, we have opened a construction company, a real estate company, and concrete factory and expanded our foundation pile and reinforced concrete production businesses.

In the near future, we will be opening a modern convenience store under the name of S-Mart and hope to be open for services at the end of 2015. We aim for this to expand nationwide in the future.

Having seen the company’s success and readiness, we opened the Micro Finance Institute in 2015 and despite not even being in business for as long as a year, we appear to be highly popular with our customers, who mostly run market stalls and stores across the country and trade with us.

Thanks to the trust placed in us by our customers and our expansion thus far, Sokxay Trading now comprises the following eight companies with five major and ten minor branches:

  1. Sokxay Trading
  2. Vilaychaleun Trading
  3. Houngheuang Chaleun Trading
  4. Lam Louay Chaleun Trading
  5. Sokxay Chaleun Concrete
  6. Sokxay Real Estate
  7. Sokxay Chaleun Construction
  8. Sokxay Micro Finance Institute”

What market share does the company command?

“Our exclusive distributorships for imported goods command over 90% of the nationwide market.”

The group also sells mobile telephones. Can you tell us a little about the background of your store?

“Samsung is a well-known brand and its modern technology is distributed across the globe. It is one of the most popular brands in the region and in the world. Samsung products are cutting-edge and mostly of high quality and include mobile phones, fridges, washing machines, electrical appliances, and so forth.

There is a diverse range of Samsung products and they are able to cater to the needs of all classes. This promises a bright future so this is why our company decided to join the Samsung family.”

What special privileges does the company receive from Samsung?

“Samsung has placed its trust in us by granting us this distributorship. They share all kinds of knowledge with us. For example, as an import trading partner, they will have advice for us and provide us with sales targets. These targets enable us to be more competitive and adapt more. They help us to succeed in line with the targets set and this is a form of indirect rather than direct assistance. It keeps us constantly focused on achieving these targets. Another thing is that we will gain positive experience from Samsung and better sales figures if we are able to meet their targets. In my opinion, experience is not something which can be bought with money so the experience they give us is of great importance to our marketing and competitiveness, especially as our country approaches the AEC at the end of 2015.”

How have your businesses been accepted by customers?

“We have been accepted very well by our customers. All of the products we distribute are extremely popular, especially the top-selling S6. The S6 is hugely popular because of its attractive modern design and its wide range of functions. If we were to compare it to other brands, it would be like an iPhone. As we all know, the social networking trend is taking hold remarkably widely and fast and word about our products spreads by word of mouth so they sell well.

In addition to phones, our fridges and washing machines also sell well and particularly our televisions, the most popular form of modern technology. No other brands can compare because these are not merely televisions; they are smart televisions. It could be said that when it comes to technology, South Korea is even more advanced than Japan in certain areas.”

What other new products will your store be bringing in?

“We are preparing to bring in the latest Samsung phone – the Note 5 – which is a world class phone and represents the very height of innovation. I believe that this new Samsung Galaxy Note 5 model will prove to be yet another product to be a hit with customers with its flashy design and state-of-the-art functions which suit the people of today.”

What are Sokxay Samsung’s marketing strategies?

“For all new products, we have a strategy to ensure that customers know that we have them in stock at our Sokxay center by advertising on social networking platforms, newspapers and magazines, television, and radio. Another thing is that when a customer walks into our store, there will be bonus gifts and offers and this spreads by word of mouth and more and more customers come. Also, we have built wholesale trading alliances with retail stores nationwide.”

What potentials and challenges do you feel that the AEC will bring?

“In my opinion and from what I hear from others, Lao people stand to benefit if they can just turn a disaster into an opportunity. Salaries will go up to match international rates. This will create opportunities for Lao people who have knowledge and skills and they will be able to use these opportunities to generate an income for themselves. I believe that if Lao people do really well, we will see an increase in GDP because GDP mostly does not depend on companies but on the general public. Therefore, if most Lao people have high incomes, then the country will prosper and the economy will become more stable. Lao people are no fools and history has proven Lao people to be smart, diligent, courageous, and clever so nobody should assume that we will end up on the receiving end or that the AEC will bring all sorts of obstacles. Another area in which I think Lao people will benefit is that there will be an increase in the sale of goods and many Lao products will do well from this. This will then lead to increased production. Although there will undoubtedly be an influx of goods from overseas, the important thing will be for us to be able to turn a disaster into an opportunity.”

ເລື່ອງທີ່ກ່ຽວຂ້ອງ

AEC ມີທັງໂອກາດ ແລະ ສິ່ງທ້າທາຍ ຕໍ່ການພັດທະນາແຂວງບໍ່... “ແຂວງບໍ່ແກ້ວເປັນແຂວງໜຶ່ງທີ່ຕັ້ງຢູ່ທາງທິດຕາເວັນຕົກສຽງເໜືອຂອງປ...
ລາຄານໍ້າມັນບໍ່ກະທົບຕໍ່ທຸລະກິດໂດຍສານສາຍໃຕ້... ທ້າຍປີ 2015 ຫາ ຕົ້ນປີ 2016 ພວກເຮົາກຽມຍ້າຍຄິວໃໝ່ ເພື່ອຮອງຮັບ...
ການປ່ຽນຄັ້ງໃຫຍ່ຂອງ “ອີຊູຊຸ” ໃນ ສປປ ລາວ.... “ອີຊູຊຸອິນໄຊທ໌”(Isuzu Insight)ຄື:ເຕັກໂນໂລຊີໃໝ່ທີ່ລໍ້າໜ້າ-ທັນ...
ວິໄສທັດຂອງລັດຖະບານຊຸດທີ VIII... ເພື່ອ​ຮັບ­ປະ­ກັນ​ໃຫ້​ຂະແໜງການ​ເງິນ​ຂອງ​ປະ­ເທດ​ ມີການ​ປ່ຽນ­ແປ...
ການລົງທຶນດ້ານທ່ອງທ່ຽວແບບອະນຸຮັກເປັນການລົງທີ່ບໍ່ບົກ... ອັດຕະປື ເປັນດິນແດນທີ່ອຸດົມສົມບູນ ໄປດ້ວຍຊັບໃນດິນ ສິນໃນນ້ຳ ໃຜໆ...
ສະລີມຄອນເຊັບວາງຮາກຖານຂະຫຍາຍສູ່ອາຊຽນ... ຄວາມ​ເປັນ​ມາ​ຂອງ​ທຸລະ​ກິດ ສະລີ​ມຄອນ​ເຊັບ ​ແລະ ການ​ຂະຫຍາຍຕົວ​...
facebook ຜົນປະໂຫຍດທີ່ມາກັບສິ່ງທ້າທາຍ... ປັດຈຸ​ບັນ​ຄົນລາວພວກ​ເຮົາ​​ຈະ​ຫຼີກສື່​ online ຫຼື Social Medi...
ປະ​ຕິ​ຮູບການ​ສຶກ​ສາ ພັດ​ທະ​ນາ​ວິ​ຊາ​ຊີບ ​ຄືທ່າ​ແຮງ... ໃນສົກປີ 2015-2016 ນີ້ ມີນັກຮຽນທີ່ເສັງຈົບສາຍສາມັນ ຫຼື ມ7 ໃນທົ...

Comments

comments

Ooh Laos 600×100
Main menu