Prudential 450×100

ພວກເຮົາຕ້ອງການເປັນລົດທີ່ລູກຄ້າເລືອກເປັນອັນດັບທຳອິດໃນເວລາຕັດສິນໃຈຊື້.

ແບ່ງປັນ:

ທ່ານ ດີລິບ ເຈຊູທາຊານ ຜູ້ອໍານວຍການບໍລິສັດ ລາວຟອດຊີຕີ ຜູ້ມີປະສົບການໃນການເຮັດ
ວຽກໃນ ສປປ ລາວ ມາດົນກວ່າ 10 ປີ ໄດ້ໃຫ້ກຽດສໍາພາດຕໍ່ທາງວາລະສານ ພ້ອມທັງສະເໜີ ວິໄສທັດ ແລະ ການຕະຫຼາດຂອງບໍລິສັດວ່າ:

  • ວິໄສທັດ ແລະ ກົນລະຍຸດທາງການຕະຫຼາດຂອງ ລາວຟອດຊີຕີ ໃນ ສປປ ລາວ ມີຄືແນວໃດ?.

ລາວຟອດຊີຕີ ຕ້ອງການເປັນລົດທີ່ລູກຄ້າເລືອກເປັນອັນດັບທຳອິດໃນເວລາຕັດສິນໃຈຊື້, ເຊິ່ງເພື່ອ
ໃຫ້ບັນລຸເປົ້າໝາຍນີ້ພວກເຮົາແມ່ນກຳລັງທຳການຂະຫຍາຍຂອດການບໍລິການຫຼັງການຂາຍ ແລະ
ສູນບໍລິການຂອງພວກເຮົາໄປທີ່ແຂວງທີ່ສຳຄັນນອກເໜືອຈາກນະຄອນຫຼວງວຽງຈັນ ເພື່ອໃຫ້ລູກຄ້າຂອງພວກເຮົາໄດ້ຮັບຄວາມສະດວກໃນການຊື້ລົດ ພ້ອມທັງສະດວກໃນການຮັບການບໍລິການທີ່ດີເລີດຈາກນາຍຊ່າງທີ່ໄດ້ຮັບການຝຶກອົບຮົມມາຈາກໂຮງງານເໝືອນກັບຢູ່ນະຄອນຫຼວງວຽງຈັນ. ໂດຍລົດຟອດທຸກລຸ້ນທີ່ນຳເຂົ້າມາຈຳໜ່າຍລ້ວນແລ້ວແຕ່ເປັນລົດດີທີ່ສຸດໃນໝວດຕ່າງໆຖ້າບວກກັບການບໍລິການທີ່ດີເລີດແມ່ນເຮົາກໍອາດຈະສາມາດເປັນລົດຕົວເລືອກອັນດັບທຳອິດໃນ ສປປ ລາວ ກໍເປັນໄດ້.

  • ລົດລຸ້ນໃດເປັນລົດທີ່ໄດ້ຮັບຄວາມນິຍົມຫຼາຍທີ່ສຸດແລະ ຍ້ອນຫຍັງ?.

ລົດທີ່ຂາຍດີທີ່ສຸດຂອງເຮົາແມ່ນລົດກະບະຟອດເຣນເຈີໃໝ່ ເຊິ່ງ ສປປ ລາວ ແມ່ນເປັນປະເທດ
ທີ່ນິຍົມໃຊ້ລົດກະບະເປັນພິເສດ ແລະ ນີ້ກໍແມ່ນເຫດຜົນຫຼັກທີ່ເຮັດໃຫ້ຟອດເຣນເຈີ ໃໝ່ເປັນລົດຂາຍ
ດີທີ່ສຸດຂອງພວກເຮົາໃນຂະນະນີ້. ໂດຍຟອດເຣນເຈີໃໝ່ ຍັງເປັນລົດກະບະທີ່ດີທີ່ສຸດໃນໝວດລົດກະ
ບະປະເພດດຽວກັນ ດ້ວຍຈຸດເດັ່ນທີ່ໜ້າສົນໃຈພ້ອມດ້ວຍການອອກແບບທີ່ທັນສະໄໝ ແລະ ສະດວກ
ສະບາຍໃນການໃຊ້ງານເຊັ່ນ: ລະບົບຄວາມຄຸມຄວາມສົມດຸນດ້ວຍໄຟຟ້າ, ພາຍໃນທີ່ທົນທານ ແລະ
ສະດວກສະບາຍ, ຖົງລົມນິລະໄພ 6 ຈຸດ, ລະບົບຄວບຄຸມຄວາມໄວອັດຕະໂນມັດ ແລະ ລະບົບ
ເຊື່ອມຕໍ່ບຼູທູດ ພ້ອມລະບົບຄວບຄຸມຄຳສັ່ງຕ່າງໆດ້ວຍສຽງເວົ້າເປັນຕົ້ນ. ຟອດເຣນເຈີໃໝ່ແມ່ນລົດກະບະທີ່ມີຄວາມແຂງແກ່ນ ແລະ ທົນທານຕໍ່ທຸກສະຖານະການທີ່ສົມກັບຄຳຂວັນຂອງຟອດຄື “Built Ford Tough” ແລະ ມັນຍັງໄດ້ຖືກຈັດອັນດັບໃຫ້ເປັນລົດທີ່ມີຄວາມປອດໄພລະດັບ 5 ດາວ ຈາກອົງກອນ Euro NCAP ແລະ ANCAP ຈຶ່ງເຮັດໃຫ້ຟອດເຣນເຈີໃໝ່ເປັນລົດທີ່ມີຄວາມປອດໄພທີ່ສຸດໃນ
ໝວດລົດກະບະປະເພດດຽວກັນ.

  • ເຫດຜົນທີ່ເຮັດໃຫ້ ຟອດ ເຊື່ອໝັ້ນທີ່ນຳລົດ ຟອດມັດສ໌ແຕງເຂົ້າມາຈຳໜ່າຍທີ່ ສປປ ລາວ?

ສປປ ລາວ ເປັນໜຶ່ງໃນປະເທດທີ່ມີການຂະໜາຍຕົວດ້ານເສດຖະກິດທີ່ໄວທີ່ສຸດໃນອາຊີຕາເວັນ
ອອກສຽງໃຕ້ສະນັ້ນບໍລິສັດ ຟອດມໍເຕີ້ ແລະ ລາວຟອດຊີຕີຈຶ່ງໄດ້ຕັດສິນໃຈ ແລະ ຍຶດເອົາໂອກາດນີ້
ເພື່ອນຳສະເໜີລົດທີ່ເປັນສັນຍາລັກຂອງຟອດເຂົ້າມາຈຳໜ່າຍທີ່ ສປປ ລາວ ຢ່າງເປັນທາງການ. ເຊິ່ງ
ຟອດມັດສ໌ແຕງເປັນລົດທີ່ໄດ້ຖືກສືບຕໍ່ການຜະລິດ ແລະ ຈຳໜ່າຍໃນສະຫະລັດອາເມລິກາມາຫຼາຍກວ່າ
50 ປີ ໂດຍ ບໍລິສັດ ຟອດມໍເຕີ້ ໄດ້ທຸ້ມເທເວລາ ແລະຄວາມພະຍາຍາມໃສ່ໃນການອອກແບບຂອງ ຟອດມັດສ໌ແຕງໃໝ່ ແລະ ທຸກຂັ້ນຕອນແມ່ນໄດ້ຖືກຊີ້ນຳຢ່າງໃກ້ຊິດຈາກທ່ານ ບິວລ໌ ຟອດ, ປະທານບໍລິສັດ ຟອດມໍເຕີ້ ແລະ ທັງເປັນຫຼານຊາຍຂອງທ່ານ ເຮັນຣີຟອດ, ຜູ້ສ້າງຕັ້ງບໍລິສັດ ຟອດມໍເຕີ້ ອີກດ້ວຍ.

ຟອດມັດສ໌ແຕງ 2015 ເປັນລົດ ມັດສ໌ແຕງ ລຸ້ນທຳອິດທີ່ບໍລິສັດ ຟອດມໍເຕີ້ ໄດ້ອອກແບບໃຫ້
ຂາຍໄດ້ທັງໃນສະຫະລັດອາເມລິກາ ແລະ ໃນທົ່ວໂລກ, ອັນທີ່ຈິງແລ້ວສິ່ງທີ່ເຮັດໃຫ້ຟອດມັດສ໌ແຕງ
ເປັນລົດທີ່ມີເອກະລັກສະເພາະຢູ່ປະເທດລາວ; ກໍແມ່ນຍ້ອນ ປະເທດລາວເປັນປະເທດທຳອິດໃນຂົງ
ເຂດອິນດູຈີນທີ່ສາມາດຈຳໜ່າຍລົດຟອດມັດສ໌ແຕງໄດ້ນັ້ນເອງ.

  • ລົດລຸ້ນໃດທີ່ກຳລັງຈະເປີດໂຕໃນອະນາຄົດນີ້?

ໃນປີ 2015 ພວກເຮົາມີແຜນທີ່ນຳເຂົ້າລົດໃໝ່ 2 ລຸ້ນຄື ລົດ ຟອດ ເອເວີເຣສ໌ ແລະ ຟອດ ທຣານຊິດໂດຍລົດທັງສອງລຸ້ນນີ້ ແມ່ນຈະມີການປ່ຽນໂສມຄັ້ງໃຫຍ່ໃນການອອກແບບ ແລະ ຈຸດເດັ່ນຕ່າງໆຂອງມັນ. ໂດຍລົດຟອດເອເວີເຣສ໌ ແມ່ນລົດທີ່ອອກແບບໃໝ່ໝົດຄັນທີ່ເຮັດໃຫ້ມັນກາຍເປັນລົດດີທີ່ສຸດໃນໝວດລົດອະເນກປະສົງທີ່ພຽບພ້ອມດ້ວຍຄວາມຫຼູຫຼາໃນລາຄາທີ່ທຸກທ່ານສາມາດເປັນເຈົ້າຂອງໄດ້, ດ້ວຍການອອກແບບດ້ານນອກທີ່ແຂງແກ່ນປະສົມປະສານກັບການອອກແບບພາຍໃນທີ່ນຸ້ມນວນເຮັດໃຫ້ລົດຄັນນີ້ກາຍເປັນລົດອະເນກປະສົງທີ່ມີຄົນຕ້ອງການຫຼາຍທີ່ສຸດ ແລະ ລົດຟອດເອເວີເຣສ໌ ຍັງ
ເປັນລົດທີ່ຂາຍດີທີ່ສຸດໃນງານມໍເຕີ້ໂຊນາໆຊາດທີ່ປະເທດໄທທີ່ໄດ້ຈັດຂຶ້ນໃນເດືອນມີນາທີ່ຜ່ານມາ
ສ່ວນລົດຟອດທຣານຊິດໃໝ່ແມ່ນຈະຖືກເປີດໂຕໃນສອງລຸ້ນຄື: ລຸ້ນ 15 ບ່ອນນັ່ງ ເປັນລຸ້ນມິນິບັດສ໌
ແລະ ລົດຕູ້ລຸ້ນຄອມບາຍ 9 ບ່ອນນັ່ງ. ລົດຟອດທຣານຊິດ ໄດ້ນຳໃຊ້ເຄື່ອງຈັກທີ່ມີຊື່ສຽງຂອງຟອດ
ຄືຈັກຟູມາ 2.2 ລິດ ເຊິ່ງເຄື່ອງຈັກນີ້ເປັນເຄື່ອງຈັກທີ່ນິຍົມໃຊ້ເປັນລົດຂົນສົ່ງສິນຄ້າ ແລະ ທັງໃຊ້ເປັນ
ລົດອະເນກປະສົງໃນທະວີເອີຣົບ, ເຊິ່ງມັນປະກອບດ້ວຍຈຸດເດັ່ນຕ່າງໆເຊັ່ນ: ການຄວບຄຸມຄວາມໄວ
ການຮັກສາໄລຍະຫ່າງແບບອັດຕະໂນມັດ, ລະບົບຄວບຄຸມເວລາເຂົ້າໂຄ້ງ, ລະບົບເຊື່ອມຕໍ່ບຼູທູດ ພ້ອມ
ຄຳສັ່ງດ້ວຍສຽງເວົ້າເພື່ອໃຫ້ສະດວກສະບາຍໃນເວລາຂັບຂີ່.

  • ສິ່ງທ້າທາຍ ແລະ ຄູ່ແຂ່ງທີ່ ຂອງລາວຟອດຊີຕີ?.

ດັ່ງທີ່ເສດຖະກິດຂອງ ສປປ ລາວ ກຳລັງສືບຕໍ່ຂະຫຍາຍຕົວລົດຍີ່ຫໍ້ອື່ນໆ ກໍໄດ້ຫຼັ່ງໄຫຼເຂົ້າມາເຊິ່ງ
ເຮັດໃຫ້ມີການເພີ່ມທະວີຕົວເລືອກທາງການຊຳລະໃຫ້ລູກຄ້າຫຼາຍຮູບຫຼາຍແບບ, ເພື່ອເຮັດໃຫ້ເຮົາແຕກ
ຕ່າງຈາກຄົນອື່ນ; ໃນສະພາວະການແຂ່ງຂັນສູງແບບນີ້ພວກເຮົາແມ່ນກຳລັງເພີ່ມຊັບພະຍາກອນ ແລະ ເນັ້ນໜັກປັບປຸງຂອດການບໍລິການຫຼັງການຂາຍໃຫ້ດີຂຶ້ນເລື້ອຍໆເພື່ອເພີ່ມຄວາມໝັ້ນໃຈໃຫ້ແກ່ລູກຄ້າຂອງພວກເຮົາ.

  • ປະຊາຄົມເສດຖະກິດອາຊຽນ (AEC) ຈະມີຜົນກະທົບໃດບໍໍຕໍ່ລາວຟອດຊີຕີ?.

AEC ຈະເຮັດໃຫ້ມີການລວມຕົວຂອງການຜະລິດອັນເປັນຜົນເຮັດໃຫ້ມີການປະຢັດຄ່າໃຊ້ຈ່າຍ
ໃນຫຼາຍດ້ານເຊິ່ງຈະເປັນຜົນດີໃຫ້ແກ່ບັນດາລູກຄ້າໃນດ້ານການຊົມໃຊ້ຜະລິດຕະພັນ ແລະ ທາງດ້ານ
ຊັບພະຍາກອນມະນຸດກໍສາມາດເຄື່ອນຍ້າຍບ່ອນເຮັດວຽກໃນຂົງເຂດແບບງ່າຍດາຍຂຶ້ນ; ໂດຍຈະ
ເຮັດໃຫ້ຕົ້ນທຶນຕ່ຳລົງ, ຫຼຸດຜ່ອນການກີດກັ້ນດ້ານອັດຕາພາສີອາກອນ ແລະ ເຮັດໃຫ້ຜູ້ຊົມໃຊ້ໄດ້ຮັບ
ຜົນປະໂຫຍດຈາກການແຂ່ງຂັນອີກດ້ວຍ.

  • ຂໍໃຫ້ທ່ານເລົ່າປະຫວັດຫຍໍ້ໂດຍສັງເຂບກ່ອນຈະມາເຮັດວຽກທີ່ລາວຟອດຊີຕີ?.

ຂ້າພະເຈົ້າໄດ້ເຮັດວຽກຢູ່ ສປປ ລາວ ແຕ່ປີ 2004 ໂດຍເລີ່ມຕົ້ນທີ່ບໍລິສັດ ມິລິຄອມລາວ ຈຳກັດ
ເຊິ່ງທຸກຄົນຈະຮູ້ດີໃນຊື່ “ແທງໂກ” ໃນເວລານັ້ນ, ຈາກນັ້ນກໍໄດ້ປ່ຽນຊື່ມາເປັນ “ທິໂກ” ແລະ ປັດຈຸບັນ
ແມ່ນພາຍໃຕ້ຊື່ “ບີລາຍ” ເຊິ່ງຂ້າພະເຈົ້າໄດ້ເລີ່ມຕົ້ນຈາກຕຳແໜ່ງຜູ້ຈັດການຝ່າຍຂາຍໂດຍຖືກເລື່ອນ
ຂັ້ນມາເປັນຜູ້ຈັດການຝ່າຍການຄ້າໃນປີ 2007 ແລະກໍຖືກແຕ່ງຕັ້ງເປັນຜູ້ອຳນວຍການໃຫຍ່ຢ່າງເປັນ
ທາງການໃນປີ 2011. ຕໍ່ມາຂ້າພະເຈົ້າກໍໄດ້ເຂົ້າມາເຮັດວຽກກັບບໍລິສັດ ລາວຟອດຊີຕີ ໃນປີ 2012 ໃນຕຳແໜ່ງຜູ້ອຳນວຍການໃຫຍ່ເຊິ່ງຕະຫຼອດຊີວິດຂອງການເຮັດວຽກຢູ່ ສປປ ລາວ ຂ້າພະເຈົ້າກໍຖືວ່າເປັນໂຊກຂອງຂ້າພະເຈົ້າທີ່ໄດ້ເຮັດວຽກກັບອຸດສາຫະກຳທີ່ຄວາມກ້າວໜ້າທີ່ສຸດໃນລາວນັ້ນກໍ່ຄື ອຸດສາຫະກຳໂທລະຄົມມະນາຄົມ ແລະ ອຸດສາຫະກຳລົດຍົນນັ້ນເອງ.

  • ສິ່ງໃດທີ່ເຮັດໃຫ້ທ່ານເປັນໜຶ່ງໃນຜູ້ບໍລິຫານທີ່ປະສົບຜົນສຳເລັດທີ່ສຸດໃນ ລາວຟອດຊີຕີ?.

ເມື່ອຂ້າພະເຈົ້າເຮັດວຽກຢູ່ຕ່າງປະເທດຂ້າພະເຈົ້າແມ່ນໄດ້ຮຽນຮູ້ ແລະ ເອົາໃຈໃສ່ຕໍ່ຮີດຄອງ
ປະເພນີຂອງທ້ອງຖິ່ນນັ້ນ, ທັງຕັ້ງໃຈປະຕິບັດຕາມການຊີ້ນຳຂອງລັດຖະບານ, ຮູ້ເງື່ອນໄຂຕ່າງໆຂອງ
ຕະຫຼາດ ແລະ ເຂົ້າໃຈຄວາມຕ້ອງການຂອງລູກຄ້າຂອງຂ້າພະເຈົ້າ, ພ້ອມທັງເພື່ອຮ່ວມງານ ແລະ ຜູ້ຖືຫຸ້ນຂອງບໍລິສັດອີກດ້ວຍ. ໂດຍການຍຶດຖືເອົາປັດໃຈຕ່າງໆດັ່ງທີ່ກ່າວມາຈຶ່ງເຮັດໃຫ້ຂ້າພະເຈົ້າຄົ້ນ
ພົບກົນລະຍຸດທີ່ປະສົບຜົນສຳເລັດແກ່ທຸກລະກິດຂອງຂ້າພະເຈົ້າໄດ້ ແລະ ເມື່ອໃດທີ່ກົນລະຍຸດຂອງ
ຂ້າພະເຈົ້າໄດ້ຖືກປະຕິບັດ; ໂດຍການນຳພາຂອງຂ້າພະເຈົ້າ ແລະ ເຮັດວຽກຢ່າງມຸ່ງໝັ້ນກັບທີມງານທີ່ອຸທິດຕົນ, ມີວິໄນ ແລະ ມີແຮງກະຕຸ້ນຈຶ່ງເຮັດໃຫ້ບັນລຸເປົ້າໝາຍທີ່ຄາດຫວັງໄວ້ໄດ້, ເທົ່ານີ້ກໍ່ເຮັດໃຫ້
ຂ້າພະເຈົ້າປະສົບຜົນສຳເລັດໄດ້ແລ້ວ.

We aim to be a first choice for car buyers

Lao Ford City General Manager Dilip JESUTHASAN has over ten years of experience working in the Lao PDR and has granted Target magazine the honor of an interview to present his vision and marketing strategy for the company.

  • What are your vision and marketing strategy for Lao Ford City in the Lao PDR?.

We want to become the brand of first choice in Laos. To achieve this goal we are currently in the process of expanding our service and sales facilities in key provinces outside of Vientiane so customers will have access to purchase our vehicles as well as obtain best in class service from factory trained technical personnel in Vientiane as well as outside of Vientiane. Ford vehicles are the best in class in every segment that we compete in. Combined with superior after sales service we will be able to become the first brand of choice in Laos.

  • Which model is most popular and why?

Our best seller is the All New Ford Ranger pick-up. Laos is dominated by the pick-up segment and this is the main reason that the Ford Ranger is the best seller for us. The Ranger is also best in its class with many exciting features designed for comfort and style such as electronic stability control, durable and comfortable interior, six airbags, cruise control and Bluetooth with voice commands. It is a strong and durable pick-up in keeping to its “Built Ford Tough” slogan. It has also received the prestigious 5 Star rating from both Euro NCAP and ANCAP in safety thereby making it the safest in its class.

  • What convinced Ford to bring Ford Mustang to Lao PDR?.

Laos is one of the fastest growing economies in Southeast Asia and The Ford Motor Company and Lao Ford City decided that with this growth there is clear opportunity to introduce such an iconic Ford brand to Laos. The Ford Mustang is a car that has been continuously manufactured and sold in the US for over 50 years. The Ford Motor Company put a tremendous amount of time and effort into the new design of the new Ford Mustang and the design process was personally headed by Mr. Bill Ford, Chairman of The Ford Motor Company and great grandson of Mr. Henry Ford, the founder of Ford Motor Company. The 2015 Ford Mustang is the first Mustang in which The Ford Motor Company has designed the vehicle for sales both in the United States and internationally. In fact what makes this Ford Mustang unique in Laos is that Laos was the first country in the Indochina region to launch the 2015 Ford Mustang.

  • What new models are in store for the future?.

In 2015 we are launching two new models: Ford Everest and Ford Transit. Both vehicles have been introduced with major changes in design and features. The All-New Ford Everest is a completely new design that makes it the best in its class. The All-New Ford Everest is a utility vehicle that has all the features that a luxury SUV has at a very affordable price. Its rugged stylish exterior combined with its lush interior will make this the most demanded SUV in its class. The All-New Everest was the best selling vehicle at the Thailand International Motor show which was held in March this year. The All-New Transit will be launched in two versions one being the all famous 15 seat mini bus version and Kombi van version with 9 seats. The Transit will have the most popular Ford Puma 2.2 Liter engine. This engine is the most used engine in commercial applications in Europe. The Transit is the most versatile utility vehicle used for all purposes in Europe. It has state of the art features such as adaptive cruise control and curve control, Bluetooth with voice commands which gives you great comfort to drive.

  • What challenges and competitors is Lao Ford City facing?.

As the Lao Economy continues to grow many other brands continue to enter into to Laos thus creating a highly competitive market offering aggressive financing options. To differentiate ourselves in this dynamic competitive environment we are putting more and more resources and focus into our after sales service.

  • What impacts will the AEC have on the Lao Ford City business?.

AEC should bring about consolidation of manufacturing facilities thus achieving economies of scale and delivering better value to customers as goods and people can be easily moved within the region. This should drive costs lower, reduce tax barriers and bring consumers the benefit of more competition.

  • Could you give us a brief summary of your background?.

I started working in Laos in 2004 with Millicom Lao Company Limited which was known as Tango at the time, then subsequently rebranded to Tigo and now currently it is known as Beeline. I started working as the sales manager and was promoted to commercial manager in 2007. I was then appointed as the General Manager of Beeline in 2011. Since 2012 I have been working for Lao Ford City in the capacity of General Manager. During my working career in Laos, I have been fortunate enough to have worked in two of the most dynamic industries in Laos, mobile communications and automotive.

  • What makes you one of the most successful executives in Laos?.

When working in a foreign country I have to be very mindful of the local culture, government requirements, market conditions and expectations of my customers, my team and my shareholders. By taking these key factors into consideration only then can I create a successful strategy for my business, Once my strategy is in place I lead and work with my team relentlessly to achieve our goals with dedication, discipline and drive. This has made me successful.

ເລື່ອງທີ່ກ່ຽວຂ້ອງ

ສປປລາວ ມີຈຸດເດັ່ນດ້ານການທ່ອງທ່ຽວ.... ໃນໂອກາດທີ່ທ່ານ Lord David Puttnam ທູດວັດທະນະທຳ ແລະ ການຄ້າຕາງ...
ບົວລະພາ ກຽມສ້າງຕັ້ງໂຮງງານອຸດສາຫະກໍາໄມ້ຂະໜາດໃຫຍ່ແຫ່... ທ່ານ​ນາງ ສຸ​ໄພ​ວັນ ທ່ຽງ​ຈັນໄຊ ຮອງ​ຜູ້ອຳນວຍການ​ບໍລິສັດ ບົວລະພ...
ອຸໄລພານິດສ້າງໂຮງງານທີ່ສະຫວັນນະເຂດຮອງຮັບAEC... ເມື່ອເອີ່ຍເຖິງນໍ້າສີອຸໄລພານິດ ຫຼາຍທ່ານອາດຈະຍັງຄິດບໍ່ອອກ ແຕ່ຖ...
ຊີວິດການເປັນຢູ່ຂອງປະຊາຊົນໄດ້ຮັບການພັດທະນາດີຂຶ້ນ, ແ... ທ່ານ ດຣ ນາມ ວິຍະເກດ ກຳມະການ​ສູນ​ກາງ​ພັກ, ເລຂາພັກແຂວງ, ເຈົ້າແ...
ການຄຸ້ມຄອງມາດຕະຖານ ແລະ ການລັກລອບລິຂະສິດຍັງເປັນສິ່ງ... ຜະລິດຕະພັນທີ່ໄດ້ຮັບຄວາມນິຍົມຂອງຫຼວງພະບາງແມ່ນຫຍັງ? ຜະລິດ​ຕ...
ການຄຸ້ມຄອງມາດຕະຖານ ແລະ ການລັກລອບລິຂະສິດຍັງເປັນສິ່ງ... ການຄຸ້ມຄອງມາດຕະຖານ ແລະ ການລັກລອບລິຂະສິດຍັງເປັນສິ່ງທ້າທາຍ. ...
ຫຼວງພະບາງວາງຄາດໝາຍ GDP ໃຫ້ບັນລຸ 8,5%... ທ່ານ ດຣ ຄໍາແພງ ໄຊສົມແພງ ເຈົ້າແຂວງຫຼວງພະບາງ ໄດ້ໃຫ້ກຽດຕອບສໍາພາ...
ຈະລາຈອນຕິດຂັດ ກາຍເປັນບັນຫາສັງຄົມ ທີ່ຈະຕ້ອງຊ່ວຍກັນແ... ສັງ​ລວມ​ແລ້ວ ​ເຫັນ​ວ່າ​ນະຄອນຫຼວງ​ວຽງ​ຈັນ ເສດຖະກິດ​ມີ​ການ​ຂະ​...

Comments

comments

Ooh Laos 600×100
Main menu