ພິທີເປີດນຳໃຊ້ການເຊື່ອມໂຍງຕູ້ ATM ທະນາຄານການຄ້າ ແລະ ທະນາຄານກຸງສີ

ໂຄງການ​ເຊື່ອມ​ໂຍງ​ລະບົບ​ຕູ້ ATM (Bconnex) ​ເພື່ອ​ໃຫ້​ຄວາມ​ສະດວກ​ສະບາຍ, ທັນ​ໃຈຖອນ​ຕູ້​ໃດ​ກໍ​ໄດ້ ​ໃຫ້​ກັບ​ຜູ້​ໃຊ້​ບໍລິການຂອງ​ທະນາ​ຄານ​ການ​ຄ້າ​ຕ່າງປະ​ເທດ​ລາວ ມະຫາຊົນ ​ແລະ ທະນາຄານ ກຸງ​ສີ ອະ​ຍຸດ​ທະຍາ (ຈໍາກັດ) ມະຫາຊົນ ​ໄດ້​ເປີດ​ໃຊ້​ຢ່າງ​ເປັນ​ທາງ​ການ​ໃນ​ວັນ​ທີ 18 ກັນຍາ 2015 ຢູ່​ທີ່​ໂຮງ​ແຮມ ​ເສດ​ຖາ​ພລາ​ເລດ, ນະຄອນຫຼວງ​ວຽງ​ຈັນ. ​ໂດຍ​ການ​ເຂົ້າ​ຮ່ວມ​ຂອງ​ທ່ານ ພູ​ໂຂງ ຈັນທະ​ຈັກ ຮັກສາ​ການ​ຜູ້ອຳນວຍ​ໃຫຍ່​ ທຄຕລ, ທ່ານ ນັນທະ​ລາ ​ແກ້ວ​ປະ​ເສີດ ຄະນະ​ອຳນວຍ​ການ ທຄຕລ, ທ່ານ Masaaki Suzuki ຜູ້​ອຳນວຍ​ການ​ໃຫຍ່ ກຸ່ມ​ລູກ​ຄ້າ​ທຸລະ​ກິດ​ຍີ່ປຸ່ນ ​ແລະ ບໍລິສັດ​ຂ້າມ​ຊາດ ທະນາຄານ​ກຸງສີ​ອະ​ຍຸດທະ​ຍາ ຈຳກັດ ​ມະຫາຊົນ ​ແລະ ພ້ອມ​ດ້ວຍ​ພະນັກງານ​ທັງ​ສອງ​ທະນາຄານ​ເຂົ້າຮ່ວມ.ຈຸດປະສົງ​​ເພື່ອ​ເປັນການ​ແຈ້ງ​ໃຫ້​ສັງຄົມ ກໍ​ຄື​ບັນດາ​ລູກ​ຄ້າ​ຂອງ ທັງ​ສອງ​ທະນາຄານ ​ແລະ ບັນດາ​ທະນາ​ຄານ​ທີ່​ເຂົ້າ​ຮ່ວມ “​ໂຄງການ​ເຊື່ອມ​ໂຍງ​ລະບົບ​ຕູ້ ATM ຫຼື Bconnex” ​ໄດ້​ຮັບ​ຊາບ​ທົ່ວ​ເຖິງ​ກັນ​ວ່າ​ປັດຈຸບັນ​ລະບົບ​ຕູ້ ATM ຂອງ​ທັງ​ສອງ​ທະນາຄານ​ແມ່ນ​ສາມາດ​ເຊື່ອມ​ໂຍງ​ກັນ​ໄດ້​ແລ້ວ. ນັ້ນ​ໝາຍ​ຄວາມ​ວ່າ​ລູກ​ຄ້າ​ຜູ້​ຖື​ບັດ ATM ຂອງ​ທັງ​ສອງ​ທະນາຄານ​ສາມາດ​ກົດ​ຖອນ​ເງິນຂອງ​ຕູ້ ATM ຂອງທັງ​ສອງ​ທະນາຄານຂອງ​ກັນ ​ແລະ ກັນ​ໄດ້. ພ້ອມ​ນີ້, ບັດ ATM ຂອງ​ທັງ​ສອງ​ທະນາຄານ​ຍັງ​ສາມາດ​ນຳ​ໃຊ້​ຕູ້ ATM ຂອງ​ທະນາຄານ​ທີ່​ເຂົ້າຮ່ວມ​ໂຄງການ​ ​ປັດ​ຈຸ​ບັນ​ມີ​ທັງ​ໝົດ 8 ທະນາຄານ​ທີ່​ໃຊ້​ຮ່ວມ​ກັນ​ໄດ້​ຄື:ທະນາຄານ​ການ​ຄ້າ​ຕ່າງ​ປະ​ເທດ​ລາວ ມະຫາຊົນ, ທະນາຄາ​ນລາວ-​ຫວຽດ, ທະນາຄານ​ສົ່ງ​ເສີມ​ກະສິກຳ, ທະນາຄານ​ພັດທະນາ​ລາວ, ທະນາຄານ​ຮ່ວມ​ພັດທະນາ, ທະນາຄານ ST ຈຳກັດ, ທະນາຄານ ມາຣູຮານ ​ເຈ​ແປ​ນລາວ ​ແລະ ທະນາຄານ ກຸງ​ສີ ອະ​ຍຸດ​ທະຍາ ຈຳກັດ ມະຫາຊົນ.

ບົດຄວາມແນະນໍາ

ສະແດງຄວາມຄິດເຫັນ