ມອບລາງວັນໂຄງການ ລົດໂຕໂຍຕ້າ ໃນຝັນຂອງຂ້ອຍ ປີ 2015

ວັນທີ 28 ເມສາ 2015 ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ໄດ້ຈັດພິທີມອບ-ຮັບ ລາງວັນໃນໂຄງການປະກວດແຕ້ມຮູບໃນຫົວຂໍ້ “ລົດໂຕໂຍຕ້າ ໃນຝັນຂອງຂ້ອຍ” ປະຈໍາປີ 2015 ຢູ່ທີ່ ໂຮງແຮມລາວພລາຊາ, ນະຄອນຫຼວງວຽງຈັນ. ໂຄງການປະກວດແຕ້ມຮູບນີ້ ໄດ້ເລີ່ມຮັບການປະກວດແຕ່ວັນທີ 9 ມັງກອນ 2015 ທີ່ຜ່ານມາເຊິ່ງຈັດຂຶ້ນເປັນຄັ້ງທີ 5 ໃນປະເທດລາວ ເຊິ່ງໃນປີນີ້ແມ່ນໄດ້ຈັດຂຶ້ນຢ່າງຍິ່ງໃຫຍ່ ໄດ້ເປີດກວ້າງການປະກວດຂຶ້ນທົ່ວປະເທດ ເຊິ່ງມີຜູ້ສະໝັກຈາກ 18 ແຂວງທັງໝົດ 4.047 ຄົນ, ລວມລາງວັນມູນຄ່າເປັນເງິນທັງໝົດ 84 ລ້ານກີບ.

ຜົນການປະກວດ ໃນລຸ້ນອາຍຸຕໍ່າກວ່າ 8 ປີ ລາງວັນທີ 1 ໄດ້ແກ່ ນາງ ອາລິຍາ ວົງຄຳຈັນ ໂຮງຮຽນຊ້າງນ້ອຍ, ໃນລຸ້ນອາຍຸ 8-11 ປີ ລາງວັນທີ 1 ໄດ້ແກ່ ນາງ ພອນມະນີ ໂພທິບົວພາ ໂຮງຮຽນຫ້ອມສະຫວັນ, ໃນລຸ້ນອາຍຸ 12-15 ປີ ທີ 1 ໄດ້ແກ່ ທ້າວ ມັງກອນ ໄຊຍະວົງ ໂຮງຮຽນ ມສ ວຽງຈັນເຊິ່ງແຕ່ລະຄົນໄດ້ຮັບລາງວັນເງິນສົດ 10 ລ້ານກີບ, ໃບຍ້ອງຍໍ ແລະ ຂັນລາງວັນ.ນອກຈາກລາງວັນຕ່າງໆແລ້ວ ຜົນງານຂອງຜູ້ຊະນະ 1, 2, 3 ທັງໝົດ 9 ຮູບ ຍັງຈະຖືກສົ່ງເຂົ້າປະກວດໃນລະດັບສາກົນ ຢູ່ປະເທດຍີ່ປຸ່ນ ຖ້າຜົນງານຕິດອັນດັບ 1 ໃນ 3 ແມ່ນຈະໄດ້ເດີນທາງໄປຮັບລາງວັນດ້ວຍຕົນເອງທີ່ປະເທດຍີ່ປຸ່ນ ໃນເດືອນສິງຫາ 2015ນີ້.

ບົດຄວາມແນະນໍາ

ສະແດງຄວາມຄິດເຫັນ