ເປີດຕົວ Ford Mustang 2015 ໃນລາວຢ່າງເປັນທາງການ

ບໍລິສັດ ຟອດມໍເຕີ້ ແລະ ຫຸ້ນສ່ວນ ລາວຟອດຊີຕີ້ ໄດ້ເປີດໂຕຢ່າງເປັນທາງການຂອງ ຟອດ ມັດສະແຕງ (Mustang ) ໃນສປປ ລາວ ເຊິ່ງເປັນໜຶ່ງໃນຕະຫຼາດອາຊຽນທີ່ໄດ້ຮັບໂອກາດຈຳໜ່າຍລົດທີ່ ໂດດເດັ່ນດັ່ງກ່າວ ເຊິ່ງໄດ້ຈັດຂຶ້ນ ຕອນແລງວັນທີ 2 ເມສາ 2015 ທີ່ຫໍວັດທະນະທໍາແຫ່ງຊາດ, ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ David westerman ຜູ້ອຳນວຍການຕະຫຼາດໃໝ່ປະຈຳພາກພື້ນອາຊີປາຊີຟິກ ບໍລິສັດຟອດມໍເຕີ້ ແລະ ມີບັນດາທ່ານແຂກທີ່ຖືກເຊີນເຂົ້າຮ່ວມ ເຊິ່ງໄດ້ຕື່ນຕາຕື່ນໃຈກັບ ຮູບລັກສະນະອັນໂດດເດັ່ນຂອງລົດ Mustang 2015 ຢ່າງຄຶກຄື້ນ.

ລົດ ຟອດ ມັດສະແຕງ ເປັນລົດທີ່ໄດ້ຮັບຄວາມນິຍົມຫຼາຍທີ່ສຸດໃນໂລກ ພ້ອມດ້ວຍປະສິດທິພາບ ແລະ ມາດຕະຖານໃໝ່ ພາຍໃຕ້ເຄື່ອງໝາຍການຄ້າ ຟອດ. ລົດ ຟອດ ມັດສະແຕງ ໄດ້ສະທ້ອນໃຫ້້້ເຫັນເຖິງສັນຍາລັກຂອງ ຟອດ ທີ່ມີປະຫວັດຄວາມເປັນມາຫຼາຍກວ່າ 50 ປີ ແລະ ໄດ້ຮັບການປັບປຸງດ້ານຄວາມປອດໄພດ້ວຍເຕັກໂນໂລຊີ ໃໝ່ຫຼ້າສຸດ. ຟອດ Mustang ທີ່ຈໍາໜ່າຍຢູ່ລາວແມ່ນມີ 2 ລຸ້ນຄື ລຸ້ນ 5.0 ລິດ v8 ໃຫ້ຄວາມແຮງ 435 ແຮງມ້າ ແລະ ລຸ້ນປະຫຍັດນໍ້າມັນເທີໂບຊາດ ຈັກ 2.3 ລິດ ອີໂຄບູດໃຫ້ຄວາມແຮງ 310 ແຮງມ້າ.

ບົດຄວາມແນະນໍາ

ສະແດງຄວາມຄິດເຫັນ