Prudential 450×100

ສະ​ເຫຼີ​ມສະຫຼອງ ​K&C GROUP ຄົບຮອບ 10​ ປີ ​ ພ້ອມເປີດ​ຕຶກ​ສຳນັກງານ​ໃຫຍ່​ຢ່າງ​ ເປັນ​ທາງ​ການ.

ແບ່ງປັນ:

ສະ​ເຫຼີ​ມສະຫຼອງ ​K&C GROUP ຄົບຮອບ 10​ ປີ ​ ພ້ອມເປີດ​ຕຶກ​ສຳນັກງານ​ໃຫຍ່​ຢ່າງ​

ເປັນ​ທາງ​ການ.

ພິເສດຍັງໄດ້ມີພິທີເປີດໂຕ Pocket Book ເຄັດລັບກົນລະຍຸດການບໍລິຫານທີ່ຂຽນໂດຍທ່ານ
ກິດສະໜາ ວົງໄຊ, ຜູ້ອຳນວຍການໃຫຍ່ບໍລິສັດເບຍລາວ ທັງເປັນຜູ້ສ້າງຕຳນານ “ເບຍລາວ”.
ເຊິ່ງໄດ້ຈັດຂຶ້ນໃນຕອນຄໍ່າຂອງວັນທີ 22 ທັນວາ 2014 ຢູ່ທີ່ບ້ານສີສະຫວາດ, ເມືອງຈັນທະບູລີ, ນະ
ຄອນຫຼວງວຽງຈັນ, ເປັນກຽດເຂົ້າຮ່ວມໂດຍ ທ່ານບົວເງິນ ຊາພູວົງ ລັດຖະມົນຕີຊ່ວຍວ່າການກະຊວງ
ຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ກິດສະໜາ ວົງໄຊ ຜູ້ອຳນວຍການໃຫຍ່
ບໍລິສັດ ເບຍລາວ ແລະ ທັງເປັນປະທານກຸ່ມບໍລິສັດ ເຄແອນຊີ, ທ່ານ ສີແພງ ວົງປັນຍາ ຫົວໜ້າກົມ
ວັດທະນະທຳມະຫາຊົນກະຊວງຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ, ພ້ອມດ້ວຍບັນດາ
ຫົວໜ້າ, ພະນັກງານພາຍໃນກຸ່ມບໍລິສັດ, ທ່ານແຂກຜູ້ມີກຽດຖືກເຊີນ ແລະ ສື່ມວນຊົນເຂົ້າຮ່ວມຢ່າງ
ຫຼວງຫຼາຍ.

ທ່ານນາງ ເກດສະຫວັນ ປັນຍາທິບ ຜູ້ອຳນວຍການບໍລິສັດ ເຄແອນຊີ ກຣຸບ ໄດ້ກ່າວຕ້ອນຮັບແຂກ
ແລະ ກ່າວໃນງານວ່າຕະຫຼອດໄລຍະ 10 ປີ ຜ່ານມາທາງກຸ່ມບໍລິສັດໄດ້ເຕີບໃຫຍ່ຂະຫຍາຍຕົວໃນ
ຫຼາຍຂະແໜ່ງການເຊິ່ງໄດ້ເປັນສ່ວນໜຶ່ງໃນການປະກອບສ່ວນຊ່ວຍສັງຄົມໃນສ້າງວຽກເຮັດງານທໍາ
ແລະ ການພັດທະນາປະເທດຊາດ ແລະ ມື້ນີ້, ພວກເຮົາໄດ້ເປີດຕຶກໃໝ່ ເຄແອນຊີ ທີ່ເປັນສຳນັກງານ
ໃຫຍ່ຂອງບໍລິສັດ, ຊັ້ນ 4 ທັງໝົດເປັນສຳນັກງານ, ສ່ວນຊັ້ນ 1,2,3 ແມ່ນເປີດໃຫ້ເຊົ່າເພື່ອເປັນຫ້ອງ
ການ, ຫ້ອງອາຫານ ແລະ ອື່ນໆ. ເນື້ອທີທັງໝົດຂອງຕຶກມີ 4,100 ແມັດ ແລະ ມີມູນຄ່າໃນການ
ກໍ່ສ້າງ, ຕົບແຕ່ງເຟີນີເຈີທັງໝົດປະມານ 3,5 ລ້ານໂດລາສະຫະລັດ.

ໃນໂອກາດດຽວກັນນີ້, ລັດຖະບານແຫ່ງ ສປປ ລາວ ໄດ້ຕົກລົງມອບຫຼຽນໄຊແຮງງານຊັ້ນສອງໃຫ້
ແກ່ທ່ານນາງ ຈັນທະຈອນ ວົງໄຊ ຮອງປະທານກຸ່ມບໍລິສັດ ເຄແອນຊີ ແລະ ຫຼຽນໄຊແຮງງານຊັ້ນ
ສາມໃຫ້ແກ່ກຸ່ມບໍລິສັດ ເຄແອນຊີ ຕ່າງໜ້າຂຶ້ນຮັບໂດຍທ່ານ ນາງ ເກດສະຫວັນ ປັນຍາທິບ ຜູ້ອຳນວຍ
ການກຸ່ມບໍລິສັດ; ເຊິ່ງໄດ້ປະກອບສ່ວນສຳຄັນໃນການຈັດການປະກວດນາງສາວລາວ ແຕ່ປີ 2009-
2013. ພ້ອມດຽວກັນ, ທາງກຸ່ມບໍລິສັດ ເຄແອນຊີຍັງໄດ້ມອບໃບກຽດຕິຄຸນໃຫ້ກັບພະນັກງານທີ່ມີ
ການປະກອບສ່ວນຫຼາຍປີໃນການເຮັດວຽກຮ່ວມກັນຂອງກຸ່ມບໍລິສັດໄດ້ມີການເຕີບໃຫຍ່ຂະຫຍາຍຕົວ
ມາເຖິງປັດຈຸບັນ.

ເລື່ອງທີ່ກ່ຽວຂ້ອງ

​ໂຮງຮຽນ ນາໆຊາດ​ປັນຍາ​ທິບ ຈັດ​ພິທີ​ສະຫຼຸບປິດ​ພາກຮຽນ... ໂຮງຮຽນ ນາໆຊາດ​ປັນຍາ​ທິບ ຈັດ​ພິທີ​ສະຫຼຸບປິດ​ພາກຮຽນພາຍ​ໃຕ້ ...
ເຝິກອົບຮົມເຕັກນິກການນໍາສະເໜີໃນຮູບແບບ ທີ່ໜ້າສົນໃຈລະ... ວາລະສານ ທາເກັດ (Target magazine) ຮ່ວມກັບ DALE CARNEGIE ໄດ້ຈັ...
ຊົມເຊີຍ​ຜົນສໍາເລັດ​ກອງ​ປະຊຸມ​ສຸດ​ຍອດ​ອາ​ຊຽນ 2016 ຢ... ສປປ ລາວ ໄດ້ຮັບກຽດ ເປັນເຈົ້າພາບຈັດກອງປະຊຸມ ສຸດຍອດອາຊຽນ ຄັ້ງທີ...
ທະນາຄານ ກຸງສີ ສະໜັບສະໜຸນເຄືອຄ່າຍທຸລະກິດແລະຈັບຄູ່ພັ... ທະນາຄານກຸງສີອະຍຸດທະຍາ ຈໍາກັດ (ມະຫາຊົນ)ສາຂາປະຈໍາລາວ ຈັດກິດຈະກ...
ຊື້ຂາຍ ເງິນຕາຕ່າງປະເທດ ຄຳ ນ້ຳມັນ ຜ່ານອິນເຕີເນັດ... ການຊື້ຂາຍໂຟຣເຣັກຊ໌ແມ່ນຫຍັງ? ຕະຫຼາດແລກປ່ຽນເງິນຕາຕ່າງປະເທດ ...
ສື່ມວນຊົນ ແລະ ການພິມຈຳໜ່າຍ ເປັນເຄື່ອງມື ເປັນປາກກະບ... ພິທີໂຮມຊຸມນຸມສະເຫຼີມສະຫຼອງ​ວັນ​ສື່​ມວນ​ຊົນ ​ແລະ ການ​ພິມ​ຈໍາໜ...
AmarinPrinting ເດີນໜ້າຈັດງານ fair House ໂດດເດັ່ນດ... ບໍລິສັດ Amarin Printing Publishing ຈໍາກັດ (ມະຫາຊົນ) ຢືນ​ຢັນຄ...
ດຣ. ພັນຄໍາ ວີພາວັນ ຮອງນາຍົກລັດຖະມົນຕີ ໃຫ້ກຽດເປີດງາ... ດຣ. ພັນຄໍາ ວີພາວັນ ຮອງນາຍົກລັດຖະມົນຕີ ໃຫ້ກຽດເປີດງານ LAO G...

Comments

comments

Ooh Laos 600×100
Main menu