Prudential 450×100

ນໍ້າເຕົ້າຮູ້ປະສົມນ້ຳໝາກນາວເປັນຢາອາຍຸວັດທະນະ

ແບ່ງປັນ:

ເລື່ອງ​ຂອງ​ສຸຂະພາບ​ກຳລັງມາ​ແຮງ​ ຢ່າງຕໍ່​ເນື່ອງ​ໃນ​ຍຸກ​ທີ່​ຄົນ​ຫັນ​ມາ​ໃສ່​ໃຈ​ສຸຂະພາບ​ຮ່າງກາຍ​ຂອງ​ຕົວ​ເອງຫຼາຍຂຶ້ນ ​ໂດຍ​ສະ​ເພາະ​ໃຫ້​ຄວາມ​ສຳຄັນ​ກັບ​ການ​ເລືອກກິນ​ອາຫານ​ທີ່​ຕ້ອງ​ເນັ້ນ​ ດີ​ມີ​ປະ​ໂຫຍ​ດ​ເປັນ​ຫຼັກ ລວມທັງ​ການຈັບ​ຄູ່​ອາຫານ​ບາງ​ຊະນິດ​ມາ​ກິນ​ນຳ​ກັນ ​ເພື່ອຊ່ວຍ​ເພີ່ມ​ປະສິດທິພາບ​ການ​ເຮັດ​ວຽກ​ຂອງ​ລະບົບ​ຕ່າງໆ ໃນ​ຮ່າງກາຍ​ໃຫ້​ດີ​ຂຶ້ນ ​ແລະ​ສິ່ງ​ທີ່​ໄດ້​ຮັບ​ຄວາມ​ນິຍົມ​ມາຫຼາຍພໍ​ສົມຄວນ​ແມ່ນ ນໍ້າ​ເຕົ້າ​ຮູ້ ຈັບ​ຄູ່​ກັບ ນ້ຳໝາກນາວ ທີ່ຫຼາຍຄົນ​ເວົ້າ​ກັນ​ວ່າ​ເປັນ​ຢາ​ອາຍຸວັດທະນະ ​ໃຜ​ທີ່​ຮັກ​ສຸຂະພາບ​ຕ້ອງ​ລອງ.

ສູດ​ນີ້​ຄົ້ນ​ຄິດ​ຂຶ້ນ​ມາ​ໂດຍ ທ່ານໝໍ ສົມ​ກຽດ ອະທິ​ຄົມ​ກຸນ​ໄຊ ຜູ້​ທີ່​ໃຊ້​ຢາພຶ້ນ​ເມືອງ​ຮ່ວມ​ກັບ​ການ​ຮັກສາ​ທາງ​ການແພດ ຂອງ​ໂຮງໝໍ​ເອກະ​ໄຊ ຈັງຫວັດ ​ສະໝຸດ​ສາຄອນ ປະ​ເທດ​ໄທ ທີ່​​ແນະນຳ​ໃຫ້​ຄົນ​ເຈັບ​ດື່ມ​ນໍ້າ​ຖົ່ວ​ເຫຼືອງ ຫຼື ​ນໍ້າເຕົ້າ​ຮູ້ ປະສົມ​ກັບ​ນໍ້າໝາກນາວ​ເປັນ​ປະຈຳ ​ເພື່ອ​​ເສີມສ້າງ​ການ​ເຮັດ​ວຽກ​ຂອງ​ສະໝອງ, ສາຍຕາ ​ແລະ​ຍັງ​ຊ່ວຍ​ບຳລຸງ​ຮ່າງກາຍ​ໃຫ້​ແຂງ​ແຮງ​ຂຶ້ນ ​ເຊິ່ງທ່ານໝໍ ສົມ​ກຽດ ​ໄດ້​ທົດ​ລອງ​ມາ​ແລ້ວ​ເປັນ​ເວລາ 10 ປີ ພ້ອມ​ທັງ ​ຈົດ​ລິ​ຂະ​ສິດ ກັບ​ກົມສັບ​ສິນ​ທາງ​ປັນຍາ​ໄວ້ເປັນທີ່ຮຽບຮ້ອຍແລ້ວ.

ສັບພະ​ຄຸນ​ຂອງ​ນໍ້າ​ເຕົ້າ​ຮູ້ປະສົມນ້ຳໝາກນາວ ​ເປັນ​ເຄື່ອງ​ດື່ມ​ທີ່​ເຕັມ​ໄປ​ດ້ວຍ​ປະ​ໂຍດຫຼາກຫຼາຍ​ເຊັ່ນ:

  1. 1. ຊ່ວຍ​ໃຫ້​ເສັ້ນ​ເລື້ອດຝອຍ​ທົ່ວ​ຮ່າງກາຍ​ມີ​ການ​ຫົດ​ຢືດດີ ບໍ່​ບາງຫຼື ​ແຕກ​ງ່າຍ ​ເພາະ​ວ່າວິຕາມິນ​ຊີ​ໃນນ້ຳໝາກນາວ​ຊ່ວຍ​ໃນ​ກາຍ​ຫົດ​ຢືດຂອງ​ເສັ້ນ​ເລືອດ​ໄດ້​ດີ. ດັ່ງ​ນັ້ນ, ຄົນ​ທີ່​ມີ​ບັນຫາ ທີ່​ເກີດ​ຮອຍ​ຊໍ້າ​ຂຽວ​ງ່າຍ ​ໃນ​ເວລາ​ຖືກ​ກະທົບຖ້າ​ດື່ມ​ນໍ້າ​ເຕົ້າ​ຮູ້ປະສົມນ້ຳໝາກນາວ​ຈະ​ຊ່ວຍ​ໃຫ້​ດີ​​ໄວ ລວມທັງ​ເຖົ້າທີ່​​ເລືອດມັກ​ອອກ​ຕາມ​ຜິວໜັງ. ນອກຈາກ​ນີ້,​ຍັງສາມາດ​ປ້ອງ​ກັນພະຍາດ​ເສັ້ນ​ເລືອດ​ຕີບ​, ​ເສັ້ນ​ເລືອດ​ແຕກ ​ແລະ ​ເສັ້ນ​ເລືອດຕັນ​ໃນ​ສະໝອງ​ໄດ້.
  2. 2. ​ເພີ່ມ​ພູມ​ຄຸ້ມ​ກັນ​ໃນ​ຮ່າງກາຍ ​ເຮັດ​ໃຫ້​ສຸຂະພາບ​ແຂງ​ແຮງ ຕ້ານທານ​ພະຍາດ​ທີ່​ຕິດ​ເຊື້ອ​ໄດ້​ດີ ບໍ່​ເຈັບ​ເປັນ​ງ່າຍ, ປ້ອງ​ກັນ​ເຊື້ອ​ໄວ​ຣັດ​ຕ່າງໆ ທີ່​ເຮັດ​ໃຫ້​ເກີດ​​ເປັນ​ຫວັດ, ​​​ເປັນໄອ ​ແລະ ​ເຈັບຄໍ ​ເຊິ່ງມັນມັກ​ເກີດ​ກັບ​ຄົນ​ທີ່​ມີ​ພູມ​ຕ້ານ​ທານ​ຕໍ່າ.
  3. 3. ​ເຮັດ​ໃຫ້​ເລືອດ​ໄຫຼວຽນ​ໄດ້​ດີ​ຂຶ້ນ ຈຶ່ງ​ເຮັດ​ໃຫ້​ອະ​ໄວ​ຍະ​ວະ​ຕ່າງໆ ​ເຮັດ​ວຽກ​ໄດ້​ເຕັມສ່ວນ ສະໝອງ​ແຈ່ມ​ໃສ ຮ່າງກາຍ​ສົດ​ຊື່ນ ​ເຫັນ​ຜົນ​ໄດ້​​ໄວ​ກັບ​ຜູ້ເຖົ້າ ລວມທັງ​ຍັງ​ດີ​ຕໍ່​ນັກຮຽນ-ນັກ​ສຶກສາ ທີ່​ໃຊ້​ສະໝອງຫຼາຍ​ໃນ​​ເວລາ​ໃກ້​ຈະ​ສອບເສັງ.
  4. 4. ຊ່ວຍ​ຊ້ອມ​ແຊມ​ບ່ອນ​ທີ່​ບໍ່​ແຂງ​ແຮງ​ໃນ​ຮ່າງກາຍ ​ເພາະ​ໃນ​ໝາກຖົ່ວ​ເຫຼືອງມີ​ໂປຼຕີນ ​ເມື່ອ​ມາ​ປະສົມ​ເຂົ້າ​ກັບນ້ຳໝາກນາວຈະ​ເຮັດ​ໃຫ້​ເກີດ​ຄວາມ​ສົມ​ດຸນ​ຂອງ​ກົດ​ດ່າງ, ຮ່າງກາຍ​ຍ່ອຍ ​ແລະ​ດູດ​ຊືມ​ໄດ້​ງ່າຍ​ຂຶ້ນ ຊ່ວຍ​ໃຫ້​ບາດ​​ແຜເຊົາ​ໄວ​ຂຶ້ນ, ຮາກ​ຜົມ​ແຂງ​ແຮງຫຼຸດຜ່ອນບັນຫາ​ຜົມຫຼົ່ນ​ໄດ້.
  5. 5. ​ວິຕາມິນ​ຊີ​ໃນນ້ຳໝາກນາວ​ມີ​ຄຸນສົມບັດ​ຕໍ່ຕ້ານ​ສານ​ອະນຸ​ມູນ​ອິດສະຫຼະ ​ເມື່ອ​ລວມກັບ​ສານ​ໄອ​ໂຊ​ຟາ​ໂວ​ນອຍ​ໃນ​ນໍ້າ​ຖົ່ວ​ເຫຼືອງ ຫຼື ນໍ້າ​ເຕົ້າ​ຮູ້ທີ່​ຊ່ວຍ​ປ້ອງ​ກັນ​ພະຍາດມະ​ເຮັງ​ ກໍ​ຈະ​ຊ່ວຍ​ເຮັດໃຫ້​ຮ່າງກາຍມີຄວາມ​ແຂງ​ແຮງ​ຂຶ້ນ.

ເລື່ອງທີ່ກ່ຽວຂ້ອງ

3 ​ພະຍາດ ທີ່​ຫົວຜັກທຽມສາມາດ​ປ້ອງ​ກັນ​ໄດ້... 3 ​ພະຍາດ ທີ່​ຫົວຜັກທຽມສາມາດ​ປ້ອງ​ກັນ​ໄດ້ ຫົວ​ຜັກທຽມ ເປັນພ...
ຢານາງ ເປັນພືດສະໝຸນໄພຊ່ວຍໃຫ້ອາຍຸຍືນ... ຢານາງເປັນສະໝຸນໄພບູຮານ ມີຄຸນປະໂຫຍດທາງຢາ ແລະ ມີຄຸນຄ່າທາງໂພສະນາ...
ປະໂຫຍດຂອງນ້ຳເຜີ້ງ ຊ່ວຍປິ່ນປົວໄດ້ເຖິງ 10 ພະຍາດ... ນ້ຳເຜີ້ງເປັນຄວາມຫວານຈາກທຳມະຊາດທີ່ໃຜຫຼາຍຄົນບອກວ່າ: ປະໂຫຍດຂອງມ...
ໝາກມອນ (Mulberry) ຊ່ວຍຫຼຸດນໍ້າຕານໃນເລືອດ, ປ້ອງກັນ... ຫຼາຍທ່ານເຄີຍໄດ້ຍິນຄໍາເວົ້າທີ່ວ່າ “ ປູກມອນ ລ້ຽງມ້ອນ ” ແດ່ບໍ ເ...
ຮູ້ໄວ້ດີ! ພະຍາດຄວາມດັນເລືອດສູງ... ຄວາມດັນເລືອດສູງໝາຍເຖິງ ແຮງດັນຂອງເລືອດທີ່ມີຕໍ່ຜິວໜັງຫຼອດເລືອດ...
3 ວິທີຊ່ວຍປ້ອງກັນພະຍາດຫຼອດເລືອດຫົວໃຈຕີບ... ພະຍາດຫຼອດເລືອດຫົວໃຈຕີບ ເປັນພະຍາດທີ່ອັນຕະລາຍຫຼາຍສຳລັບໄວກາງຄົນ...
ດື່ມກາເຟ 3-5 ຈອກຕໍ່ມື້ ປ້ອງກັນຫົວໃຈວາຍໄດ້ແມ່ນແທ້ບໍ... ຄົນທີ່ມັກດື່ມກາເຟ ຕ້ອງຢາກຮູ້ເລື່ອງນີ້ຢ່າງແນ່ນອນ , ຜົນການວິໄຈ...
9 ​ເຄັດ​ລັບ​ກະຕຸ້ນ​ສະໝອງ​ໃຫ້​ສົດ​ໃສ ​ແລະ ມີ​ຊີວິດ​... 9 ​ເຄັດ​ລັບ​ກະຕຸ້ນ​ສະໝອງ​ໃຫ້​ສົດ​ໃສ ​ແລະ ມີ​ຊີວິດ​ຊີວາ   ...

Comments

comments

Ooh Laos 600×100
Main menu