MALAYSIA ແຫຼ່ງຊ໋ອບປິ້ງຊັ້ນນໍາລະດັບພາກພື້ນ. ປີ 2014 ສາມາດສ້າງຕົວເລກກວມ 30% ຂອງລາຍໄດ້ລວມ.

MALAYSIA ແຫຼ່ງຊ໋ອບປິ້ງຊັ້ນນໍາລະດັບພາກພື້ນ.

ປີ 2014 ສາມາດສ້າງຕົວເລກກວມ 30% ຂອງລາຍໄດ້ລວມ.

ບັນນາທິການວາລະສານ Target ໄດ້ຮັບກຽດເຊື້ອເຊີນຈາກອົງການທ່ອງທ່ຽວປະເທດມາເລເຊຍເຂົ້າຮ່ວມງານເທດສະການຫຼຸດລາຄາສິນຄ້າ ປະຈໍາປີ 2015 ທີ່ນະຄອນຫຼວງ ກົວລາລໍາເປີ ລະຫວ່າງວັນທີ 12-17 ມີນາ , ເດີນທາງຮ່ວມໄປໃນງານຄັ້ງນີ້ມີ ບໍລິສັດທ່ອງທ່ຽວ ວັນເດີແລນ ແລະ ໂທລະພາບແຫ່ງຊາດລາວ.

The 1 Malaysia Grand Prix sale and the 6 th Malaysia International shoe Festival 2015 ຖືເປັນງານເທດສະການທີ່ຕື່ນເຕັ້ນສໍາລັບນັກ ຊ໋ອບປິ້ງ ໃນປະເທດ ກໍຄືພາກພຶື້ນ ແລະ ຈາກທົ່ວໂລກ ເຊິ່ງຮ້ານສັບພະສິນຄ້າໃຫ່ຍໆໃນທົ່ວປະເທດເຂົ້າຮ່ວມໃນໂຄງການດັ່ງກ່າວ ອັນໄດ້ສ້າງສີສັນໃຫ້ໂດດເດັ່ນ ແລະ ສາມາດດຶງດູດລູກຄ້າໄດ້ດີຍິ່ງຂຶ້ນ. ງານດັ່ງກ່າວເລີ່ມແຕ່ວັນທີ 14 ມີນາ ໄປເຖິງ 5 ເມາສາ ດ້ວຍການຫຼຸດລາຄາເກີບແບຼນມີຊື່ສຽງ ທັງພາຍໃນປະເທດ ແລະ ຕ່າງປະເທດ ແບບເອົາໃຈນັກ ຊ໋ອບປິ້ງ ໃຫ້ຫຼົງໄຫຼກັບລາຄາ ແລະ ຄຸນນະພາບຂອງສິນຄ້າ.

ໃນງານຄັ້ງນີ້ຍັງໄດ້ມີການນໍາສະເໜີລາຍການແຂ່ງຂັນລົດ F1 ລະດັບໂລກ ທີ່ຈະຈັດຂຶ້ນທີ່ສະໜາມ ເຊປັງ ຂອງມາເລເຊຍໃນລະຫວ່າງວັນທີ 27-29 ມີນາ 2015 (The F1 Malaysia Grand prix 2015 the 17 th year at the sepang International Circuit) ຖືເປັນ ”ຮາຍໄລ” ຂອງປະເທດມາເລເຊຍ ທີ່ນັກແຂ່ງລົດລະດັບມືອາຊີບຂອງໂລກ ລວມທັງມວນຊົນຈາກທົ່ວໂລກ ຈະເດີນທາງມາທີ່ມາເລເຊຍ ແລະ ຮ່ວມກິດຈະກໍາຫຼາຍຢ່າງພາຍໃນງານຢ່າງມ່ວນຊື່ນ ໄປພ້ອມໆກັນກັບເທດສະການຫຼຸດລາຄາ (The 1 Malaysian Grand Prix sale ).

ທ່ານ Dato Seri Mohamed Nazri Abdul Aziz ລັດຖະມົນຕີວ່າການ ກະຊວງທ່ອງທ່ຽວ ແລະ ວັດທະນະທໍາ ມາເລເຊຍໄດ້ໃຫ້ກຽດຂຶ້ນມອບໃບຢັ້ງຢືນ the Malaysia international shoe Festival is Highest Award of Distinction to Professor Datuk Dr jimmy choo OBE and the special Recognition Award to Datuk zang Toi ,Malaysai is new York-based international fashion designer ເຊິ່ງທັງສອງທ່ານ ເປັນນັກອອກແບບທີ່ມີຊື່ສຽງ ແລະ ເປັນທີ່ຍອມຮັບໃນລະດັບສາກົນ.

ໃນງານຄັ້ງນີ້ຍັງໄດ້ຈັດການເດີນແບບເສື້ອຜ້າ ຕ້ອນຮັບ ລະດູໃບໄມ້ຫຼົ່ນ ປີ 2015 ຂອງ Datuk zang Toi ແລະ ການສະແດງແບບເກີບ ແຟຊັ້ນໃໝ່ 2015 ຂອງ Datuk Dr jimmy choo OBE ເຊິ່ງໄດ້ຮັບຄວາມສົນໃຈແຂກຜູ້ເຂົ້າຮ່ວມງານເປັນຢ່າງດີ.

ລາຍຮັບສໍາຄັນສ່ວນໜຶ່ງຂອງປະເທດມາເລເຊຍ ນອກຈາກການທ່ອງທ່ຽວແລ້ວ ຍັງໄດ້ມາຈາກການຂາຍສິນຄ້າຕ່າງໆ ເຊິ່ງໃນປີ 2014 ມີຕົວເລກກວມ 30% ຂອງລາຍໄດ້ລວມຂອງປະເທດ.

Datuk Dr Ong Hong Peng ເລຂາ 1 ທ່ານລັດຖະມົນຕີ ກະຊວງທ່ອງທ່ຽວ ແລະ ວັດທະນະທໍາ ມາເລເຊຍ ແຈ້ງໃຫ້ຊາບຕື່ມວ່າ: ນອກຈາກເທດສະການ The 1 Malaysia Grand Prix sale and the 6 th Malaysia International shoe Festival 2015 ,ແລ້ວໃນວັນທີ 27 ມິຖຸນາ ຫາ 31 ສິງຫາ ຈະມີງານ 1 Malaysia Mega Sale Carnival ແລະ ໃນວັນທີ 14 ພະຈິກ ຫາ 3 ມັງກອນ 2016 ຈະມີງານ 1 Malaysia Year-End Sale ດັ່ງນັ້ນຂໍເຊີນຊວນບັນດານັກ ຊ໋ອບປິ້ງ ແລະ ນັກທ່ອງທ່ຽວ ຈາກທຸກມຸມໂລກເຂົ້າມາສໍາຜັດກັບເທດສະການ ແລະ ທ່ອງທ່ຽວ ໃນມາເລເຊຍ ແລ້ວທ່ານຈະບໍ່ຜິດຫວັງ ດັ່ງຄໍາຂວັນທີ່ວ່າ “ Malaysia Truly Asia “.

“ ຄິດຫຍັງຫຼາຍໄປທ່ຽວມາເລເຊຍກັນ ດີກ່ອນ ”

ບົດຄວາມແນະນໍາ

ສະແດງຄວາມຄິດເຫັນ