Prudential 450×100

​ພາຍຫຼັງ​ເປີດ AEC ​ເຮົາຈະ​ມີການ​ພັດທະນາ​ຕົວ​ເອງ​ໃຫ້ດີຂຶ້ນ ພຽງ​ແຕ່​ໃຫ້​ເວລາ ​ແລະ ​ໃຫ້​ໂອກາດ​​.

ແບ່ງປັນ:

ພາຍຫຼັງ​ເປີດ AEC ​ເຮົາຈະ​ມີການ​ພັດທະນາ​ຕົວ​ເອງ​ໃຫ້ດີຂຶ້ນ

ພຽງ​ແຕ່​ໃຫ້​ເວລາ ​ແລະ ​ໃຫ້​ໂອກາດ​​.

ຄວາມ​ຮັບ​ຮູ້​ ​ທັດສະນະສ່ວນຕົວກ່ຽວ​ກັບ​ AEC ຈະມີຜົນດີແນວໃດກັບປະເທດລາວ?

​​      ເອອີ​ຊີ ​ທີ່​ ສ.ປ.ປ.ລາ​ວ ຈະເຂົ້າຮ່ວມ​ແມ່ນ​ເປັນ​ການ​ຮ່ວມ​ມືລະຫວ່າງອາຊຽນດ້ວຍກັນ ຄິດວ່າມັນຈະມີທັງໂອກາດ ແລະ ສິ່ງທ້າທາຍ ກັບທຸກພາກສ່ວນບໍ່ວ່າຈະເປັນພາກລັດ ຫຼື ເອກະຊົນຂອງບັນດາ 10 ປະເທດອາຊຽນ ກໍຄື​ສາມາດ​ເຄື່ອຍຍ້າຍ​ການ​ຄ້າ​ເສລີ​ ບໍ່ວ່າຈະເປັນທາງດ້ານທຸລະກິດ ແລະ ແຮງງານ ບຸກຄະລາກອນເຊັ່ນວ່າ: ຄົນ​ລາວເຮົາ​ສາມາດ​ໄປ​ເຮັດ​ວຽກ​ຢູ່​ຕ່າງປະ​ເທດ ​ແລະ ​ຄົນ​ຕ່າງປະ​ເທດ​ ຫຼື ຄູ່ຮ່ວມສັນຍາກໍ​ສາມາດ​ເຂົ້າ​ມາ​ຂະຫຍາຍທຸລະ​ກິດ ຫຼື ເຮັດວຽກຢູ່​ພາຍໃນປະເທດລາວ​ໄດ້.

ຜົນ​ດີ​ຂອງເອອີຊີ: ຈະ​ເຮັດ​ໃຫ້ການ​ຮ່ວມ​ມື​ຈາກ​ປະ​ເທດ​ເພື່ອນບ້ານ​ສາມາດ​ເຂົ້າ​ມາ​ເຮັດ​ທຸລະ​ກິດ​ພາຍໃນ​ປະເທດລາວໄດ້ສະດວກ ແລະ ຫຼາກຫຼາຍ ໂດຍສະເພາະຖ້າເປັນໄປໄດ້ທີ່ເຂົາເຈົ້າເຂົ້າມາລົງທຶນພັດທະນາວຽກງານການສຶກສາ ຈະເປັນໂອກາດອັນດີ ທີ່ຈະເຮັດໃຫ້ຄົນລາວມີຄວາມຮູ້ເພີ່ມຂຶ້ນ.

                                                                            ສິ່ງທ້າທາຍຂອງເອອີຊີ: ປະເທດເຮົາຍັງຂາດດ້ານບຸກຄະລາກອນ ທີ່ຊໍານິຊໍານານ , ຍັງດ້ອຍທາງດ້ານພາສາຕ່າງປະເທດ , ຂາດຜີມືແຮງງານ ….ແຕ່ຂ້າພະເຈົ້າຄິດວ່າມັນຈະເປັນຜົນກະທົບໃນໄລຍະສັ້ນປະມານ 2-3 ປີ ຫຼັງຈາກນັ້ນຄົນລາວເຮົາກໍຈະມີການພັດທະນາຂຶ້ນເພື່ອກຽມພ້ອມກ້າວໄປໃຫ້ເທົ່າທຽມກັບບັນດາປະເທດໃນອາຊຽນ ແລະ ພາກພື້ນ.

ສຳລັບທຸລະກິດຂອງເຮົາ ມີການກຽມພ້ອມແນວໃດກັບ AEC?

ສຳລັບ​ຮ້ານ​ອາຫານ​ “Mix“ AEC ມັນ​ຈະ​ເປັນ​ຜົນ​ດີ​ໃຫ້​ແກ່​ທາງ​ທຸລະ​ກິດ​ຂອງ​ພວກ​ເຮົາ ກໍ​ຄື​ ​ຖ້າ​ເຮົາ​ມີ​ຄູ່​ແຂ່ງ​ຫຼາຍຂຶ້ນ ​ມັນ​ຈະ​ເຮັດ​ໃຫ້​ເຮົາ​ມີສະຕິ​ລະວັງ​ຕົວ ​ແລະ ການ​ພັດທະນາ​ຕົວ​ເອງ​ກໍ​ຈະ​ດີຂຶ້ນ​ເລື້ອຍໆ ​ເຖິງວ່າ​ຈະ​ເປັນ​ຜົນ​ດີກໍ​ຕາມ ​ແຕ່​ເຮົາ​ກໍ​ຍັງ​ຂາດ​ແງ່​ລົບບໍ່​ໄດ້​ເຊັ່ນ​ກັນ​ຄື: ອາດ​ຈະ​ມີ​ຄູ່​ແຂ່ງ​ປະ​ເພດ​ທຸລະ​ກິດ​ນີ້​ເກີດ​ຂຶ້ນຫຼາຍ​ກວ່າ​ເກົ່າ​ ​ເຊິ່ງ​ເປັນ​ຜົນ​ທີ່ອາດ​ເຮັດ​ໃຫ້​ມີ​ການ​ແຂ່ງຂັນກັນ ​ຍາດ​ແຍ່ງ​ເລື່ອງ​​ລູກ​ຄ້າ.

ຮ້ານ​ມີ​ກມີ​ຈຸດ​ເດັ່ນ​ແນວ​ໃດ​ເພື່ອ​ໃຫ້​ລູກ​ຄ້າ​ສົນ​ໃຈ?

​ຈຸດ​ເດັ່ນ​ໃນ​ການ​ດຶງ​ດູດ​ລູກ​ຄ້າ​ກໍ​ຄື ​ສະຖານ​ທີ່​ເປັນ​ຈຸດ​ໃຈກາງ​ເມືອງ​ ເພາະ​ຮ້ານ​ມີ​ກ ​ຈະ​ມີທັງ​ແຂກ​ທ່ອງທ່ຽວ ແລະແຂກພາຍໃນປະເທດ ,ອີກຈຸດເດັ່ນຂອງເຮົາຄື:​ ​ເລື່ອງ​ຂອງ​ອາຫານ​ທີ່​ມີຄວາມຫຼາກຫຼາຍ ມີ​ທັງ​ອາຫານ​ລາວ​, ໄທ, ຢີ່ປຸ່ນ, ອິນ​ເດຍ, ຈີນ ​ກໍ​ຖື​ວ່າ​ມີ​ເກືອບ​ທຸກໆສັນຊາດ ​ທີ່​ສາມາດ​ຕອບ​ສະໜອງ​ໃຫ້​ແກ່​ລູກ​ຄ້າ ນອກ​ນັ້ນ​ກໍ​ຍັງ​ແມ່ນ​ເລື່ອງ​ຂອງ​ການ​ບໍລິການ​ທາງ​ຮ້ານ​ມີ​ກ ຈະ​ມີ​ການ​ເຝີ​ກອົບຮົມ​ໃນ​ເລື່ອງ​ຂອງ​ການ​ບໍລິການ​ຢູ່​ຕະຫຼອດມາ .ພ້ອມນີ້ການດຶງດູດລູກຄ້າແມ່ນ ໃນ​ເລື່ອງ​ການຕະຫຼາດຂອງເຮົາ, ຈະ​ມີ​ການ​ນຳ​ສະ​ເໜີ ເມນູ ​ອາຫານ​ໃໝ່ໆ​ຢູ່​ທຸກໆສາມ​ເດືອນ ​ແຕ່​ສິ່ງ​ທີ່​ຂາດ​ບໍ່​ໄດ້​ແມ່ນ​ເລື່ອງ​ຂອງ​ຣົດ​ຊາດ​​ອາຫານ , ເຊິ່ງປັດໃຈຫຼັກຂອງຮ້ານເຮົາແມ່ນຈະເນັ້ນ ສອງຈຸດຄື: ການບໍລິການ ແລະ ອາຫານ.

ທ້າຍ​ນີ້​ກໍ​ຂໍ​ຝາກໄວ້​ກັບ​ບັນດາ​ພະນັກງານ ​ແລະ​ ພໍ່​ແມ່​ປະຊາຊົນ​ບັນດາ​ເຜົ່າ​ ເພື່ອ​ກຽມຄວາມພ້ອມ​ໃນການ​ທີ່​ຈະ​ເຂົ້າ​ເປັນ​ປະຊາຄົມເສດຖະກິດ​ອາ​ຊຽນ ຕ້ອງ​ໄດ້​ພັດທະນາ​ເລື່ອງ​ຄວາມ​ຮູ້​ທາງ​ດ້ານ​ພາສາ​ອັງກິດໃຫ້ຫຼາຍຂຶ້ນ​ເພາະ​ມັນ​ຈະ​ເປັນ​ພາສາ​ກາງ​ໃນ​ການ​ສື່ສານ ​ໃນ​ເລື່ອງ​ທຸລະກິດ ຮ້ານອາຫານເຮົາກໍຕ້ອງກຽມຄວາມພ້ອມທາງດ້ານເນັ້ນການບໍລິການ ດ້ານຕ່າງໆ ແລະ ຄຸນນະພາບຂອງອາຫານ .​

ເລື່ອງທີ່ກ່ຽວຂ້ອງ

ວິໄສທັດ ການປ່ຽນແປງເສດຖະກິດ ແລະ ພັດທະນາປະເທດ ບຣູໄນ... ບຣູໄນ ເປັນປະເທດນ້ອຍໆ ມີເນື້ອທີ່ປະມານ 7.000 ຕາລາງກິໂລແມັດ ຕັ້...
AEC ປຽບດັ່ງຜົນສຳເລັດທີ່ເຮັດໃຫ້ລາວເຮົາມີຊື່ສຽງອອກສູ... ໃນທັດສະນະ​ຂອງ​ທ່ານ​ແລ້ວ AEC ມັນ​ຈະ​ໃຫ້​ຫຍັງ​ໂດຍລວມ? ໃນທັ...
ພວກເຮົາໃຫ້ບໍລິການງານໂຄສະນາ ທີ່ຫຼາກຫຼາຍຮູບແບບ ເພື່ອ... ບໍລິສັດ ປັນຍາທິບ ໂຄສະນາ ໃຫ້ບໍລິການດ້ານງານໂຄສະນາ ທີ່ຫຼາກຫຼາຍຮ...
ລັດຖະບານຈະໃຊ້ທຶນ 80 ລ້ານກວ່າໂດລາ ພັດທະນາເຂື່ອນໄຟຟ້... ລັດຖະບານ​ແຫ່ງ ສປປ ລາວ​ໄດ້​ຕົກລົງ​ກູ້​ຢືມ​ເງິນ​ນໍາ​ກອງ​ທຶນ ​ເ...
AEC ເປັນ​ບາດກ້າວ​ທີ່​ສຳຄັນ​ທີ່ຈະຊຸກ​ຍູ້​​ປະຊາຊົນ​ລ... AEC ເປັນ​ບາດກ້າວ​ທີ່​ສຳຄັນ​ທີ່ຈະຊຸກ​ຍູ້​​ປະຊາຊົນ​ລາວ​ໃຫ້​ມີ​...
ພາຍຫຼັງເປີດ AEC ເຮົາຈະມີການພັດທະນາຕົວເອງໃຫ້ດີຂຶ້ນ ... ຄວາມ​ຮັບ​ຮູ້​ ​ທັດສະນະສ່ວນຕົວກ່ຽວ​ກັບ​ AEC ຈະມີຜົນດີແນວໃດກັບ...
ສຳພາດນາງ ສິລິພອນ ສຸທໍາມະວົງ (ນົກ) ເຈົ້າຂອງກິດຈະການ... ໃນ​ທັດສະນະ​ສ່ວນ​ຕົວ AEC ມັນ​ໃຫ້​ຫຍັງ​ແດ່​ກ່ຽວ​ກັບ​ຜົນ​ປະ​ໂຫຍ...
AEC ເປັນບາດກ້າວທີ່ສຳຄັນທີ່ຈະຊຸກຍູ້ປະຊາຊົນລາວໃຫ້ມີຄ... ໃນທັດສະນະສ່ວນຕົວແລ້ວເຮົາມີຄວາມຮັບຮູ້ແນວໃດຕໍ່ ເອອີຊີ ມັນຈະໃຫ້...

Comments

comments

Ooh Laos 600×100
Main menu