Prudential 450×100
businessman in the judicial process with handcuffs

ເປັນດ້ວຍເຫດໃດ ການປ່ອຍຕົວພາງຜູ້ຖືກຫາ ຈຶ່ງບໍ່ໄດ້ປະຕິບັດຄືປະເທດໃກ້ຄຽງ

ແບ່ງປັນ:

ຜູຸ້ຂຽນ​ຂໍ​ຂອບ​ໃຈ​ຫຼາຍໆ ທ່ານ​ຜູ້​ອ່ານ​ທີ່​ສົນ​ໃຈ​ກ່ຽວ​ກັບ​ກົດໝາຍ ​ແລະ ລະບຽບ​ການ​ຕ່າງໆ​ຂອງ​ປະ​ເທດ​ເຮົາ. ຄື​ດັ່ງ​ທ່າ​ນໄດ້​ຊາບ​ແລ້ວ​ວ່າ: ​ສົງຄົມ​ມະນຸດ​ໂລກ​ໃນ​ເວລາ​ນີ້​ແມ່ນ ບໍລິຫານ ​ແລະ ປົກຄອງ​ປະ​ເທດ​ດ້ວຍ​ກົດໝາຍ​ເຊິ່ງ​ແມ່ນ​ສັງຄົມ​ທີ່​ມີ​ຄວາມ​ກ້າວໜ້າ ​ແລະ ສິວິ​ໄລ ​ແລະ ມັນ​ກໍແຕກ​ຕ່າງ​ກັບ​ການ​ປົກຄອງ​ຂອງ​ລະບອບ​ສັກ​ດີ​ນາ ​ແລະ ຈັກກະພັດ​ທີ່​ລ້າ​ຫຼັງ​ໃນ​ເມື່ອ​ກ່ອນ.

ອີກ​ອັນ​ໜຶ່ງ​ຂໍ​ທ່ານ​ຜູ້​ອ່ານ​ຈົ່ງ​ໄດ້​ຊາບ​ໄວ້​ວ່າ: ​ແຕ່ລະ​ປະ​ເທດ, ​ແຕ່​ລະ​ລັດ ກໍ​ມີ​ລັດຖະທຳ​ມະນູນ ​ແລະ ກົດໝາຍ​ຂອງ​ໃຜ​ຂອງ​ລາວ. ມີ​ບາງ​ເນື້ອ​​ໃນ ​ແລະ ຫຼັກການ​ກໍ​ຄ້າຍໆ​ກັນ ​ແລະ ກໍ​ມີ​ບາງ​ເນື້ອ​ໃນ ​ແລະ ຫຼັກການ​ກໍ​ຍັງ​ແຕກ​ຕ່າງ​ກັນ​ຢູ່, ​ເຊິ່ງມັນ​ຂຶ້ນ​ກັບ​ເງື່ອນ​ໄຂ​ທາງ​ດ້ານ​ການ​ເມືອງ,​ເສດຖະກິດ, ວັດທະນາະທຳ ​ແລະ ສັງຄົມ​ຂອງ​ໃຜ​ຂອງ​ລາວ.

ດັ່ງ​ນັ້ນ​ເພື່ອ​ຕອບ​ຂໍ້​ຂ້ອງ​ໃຈ​ຂອງ​ທ່ານ​ທີ່​ຖາມ​ມາ​ຂ້າງ​ເທິງ​ນີ້, ຜູ້​ຂຽນ​ກໍໄດ້​ຄົ້ນຄວ້າ​ເບິ່ງ​ລັດຖະທຳ​ມະນູນ ​ແລະ ກົດໝາຍ​ຂອງ ສປປ ລາວ ​ແລະ ​ເຫັນ​ວ່າ​ລັດຖະທຳ​ມະນູນ​ລາວ​ເຮົາ​ໄດ້​ກຳນົດ​ໄວ້​ໃນ​ໝວດ​ທີ IV ກ່ຽວ​ກັບ​ສິດ ​ແລະ ພັນທະ​ພື້ນຖານ​ຂອງ​ພົນລະ​ເມືອງ​ແຕ່​ ມາດຕາ 34 ຫາ ມາດຕາ 51 ນອກ​ນັ້ນ​ກໍ​ຍັງ​ມີ​ ມາດ​ຕາ 85 ຂອງ​ລັດຖະທຳ​ມະນູນ ​ທີ່​ບອກ​ໄວ້​ວ່າ: ​ອົງການ​ໃດ​ມີ​ສິດ ​ແລະ ອຳນາດຊີ້​ຂາດ​ຕໍ່​ສິດ​ເສລີພາບ​ຂອງ​ພົນລະ​ເມືອງ​ດັ່ງ​ນີ້ “ຄຳ​ຕັດສິນ​ຂອງ​ສານ​ປະຊາຊົນ​ທີ່​ໃຊ້​ໄດ້​ຢ່າງ​ເດັດຂາດ​ແລ້ວ​ນັ້ນ​ທຸກ​ການຈັດ​ຕັ້ງ​ພັກ, ອົງການ​ຈັດ​ຕັ້ງ​ລັດ, ​ແນວ​ລາວ​ສ້າງ​ຊາດ, ອົງການ​ຈັກ​ຕັ້ງ​ມະຫາຊົນ, ອົງການ​ຈັດ​ຕັ້ງ​ສັງຄົມ ​ແລະ ພົນລະ​ເມືອງ​ທຸກ​ຄົນ​ຕ້ອງ​ເຄົາລົບ ​ແລະ ອົງການ​ຈັດ​ຕັ້ງ​ທີ່​ມີ​ສ່ວນ​ກ່ຽວຂ້ອງ​ຕ້ອງ​ປະຕິບັດ​ຢ່າງ​ເຂັ້ມ​ງວດ”

ສຳລັບ​ການ​ປ່ອຍ​ຕົວ​ພາງ ຜູ້​ຖືກ​ຫາ​ຊົ່ວຄາວກ່ອນການຕັດສິນຂອງສານ, ມາດຕາ 143 ກົດໝາຍດຳເນີນຄະດີອາຍາໄດ້ບົ່ງໄວ້ວ່າ: ການ​ປ່ອຍ​ຕົວ​ພາງ ຈະ​ປະຕິບັດ​ໄດ້​ກໍຕໍ່​ເມື່ອ​ມີ​ເງື່ອນ​ໄຂ​ດັ່ງ​ນີ້:

  • ​ເປັນ​ການ​ກະທຳ​ຜິດ​​ໃນ​ສະຖານ​ໂທສານຸ​ໂທດ​ທີ່​ກົດໝາຍ​ກຳນົດ​ໂທດ​ຕັດ​ອິດ​ສະລະ​ພາບ​ແຕ່​ສາມ​ປີ​ລົງ​ມາ
  • ມີ​ຂໍ້​ມູນ ​ແລະ ພື້ນຖານ​ທີ່​ພາ​ໃຫ້​ເຊື່ອ​ໝັ້ນວ່າ ຜູ້​ຖືກ​ຫາ ຫຼື ຈຳ​ເລີຍ​ຈະ​ບໍ່​ເອົາ​ຕົວ​ຫຼົບໜີ, ຈະ​ບໍ່​ທຳລາຍ​ຫຼັກ​ຖານ, ຈະ​ບໍ່​ໄປ​ກະທຳ​ຜິດ​ໃໝ່​ອີກ, ຈະ​ບໍ່​ໄປ​ທຳລາຍ​ຜູ້​ຖືກ​ເສຍ​ຫາຍ, ພະຍານ ຫຼື ຜູ້​ຖືກ​ຫາ​ຈະ​ບໍ່ຖືກ​ທໍາຮ້າຍ​ຈາກ​ຜູ້​ອື່ນ.

ການ​ປ່ອຍ​ຕົວ​ພາງຕ້ອງ​ໃຫ້​ມີ​ຄຳ​ຮ້ອງ​ຈາກ​ຜູ້​ຂໍ​ປ່ອຍ​ຕົວ​ພາງ ​ແລະ ​ໃຫ້​ວາງ​ເງິນ​ຈຳນວນ​ໜຶ່ງ​ໄວ້​ປະກັນ​ອີກ​ດ້ວຍ.

​ແຕ່​ຖ້າ​ຫາກ​ບໍ່​ໄດ້​ຮັບ​ການ​ປ່ອຍ​ພາງ​ຕາມ​ການ​ຮ້​ອງຂໍ, ຜູ້​ຖືກ​ຫາ ຫຼື ພີ່ນ້ອງ​ຂອງ​ຜູ້ກ່ຽວ ຫຼື ຜູ້​ປົກ​ປ້ອງ ຫຼື ທະນາຍຄວາມ​ຂອງ​ຜູ້ກ່ຽວ​ກໍ​ສາມາດ​ຮ້ອງ​ຂໍ​ໃຫ້​ປະຕິບັດ​ຕາມ ມາດຕາ 111 ດ.ອ.ຍ ​ໄດ້​ຄື: ​ຈະ​ກັກ​ຂັງ​ພາງ​ໄດ້​ແຕ່​ພຽງ 6 ​ເດືອນ ສຳລັບ​ຄະດີ​ໂທສານຸ​ໂທດ ​ແລະ ຈະ​ໄດ້​ແຕ່​ພຽງ 1 ປີ ສຳລັບ​ຄະດີ​ຄະ​ສຸ​ໂທດ.

ຄວາມໝາຍສຳລັບ​ຜູ້​ຖືກ​ກັກ​ຂັງ​ໃນ​ຄະດີ​ໂທສານຸ​ໂທດ ຈະ​ຕ້ອງ​ຖືກ​ສົ່ງ​ໃຫ້​ສານພິຈາລະນາ​ຕັດສິນ​ພາຍ​ໃນ 6 ​ເດືອນ, ຖ້າ​ບໍ່​ມີ​ຫຼັກ​ຖານ​ກໍ​ຕ້ອງ​ລາຍ​ງານ​ອົງການ​ໄອ​ຍະ​ການ​ປະຊາຊົນ ​ແລະ ສະ​ເໜີ​ປ່ອຍ​ຕົວ​ເລີຍ. ສຳລັບ​ຜູ້​ຖືກ​ກັກ​ຂັງ​ໃນ​ຄະດີ​ຄະ​ສຸ​ໂທດ​ຈະ​ຕ້ອງ​ຖືກ​ສົ່ງ​ໃຫ້​ສານ​ພິຈາລະນາ​ຕັດສິນ​ພາຍ​ໃນ​ກຳນົດ 1 ປີ, ຖ້າ​ບໍ່​ມີ​ຫຼັກ​ຖານ​ກໍ​ຕ້ອງ​ລາຍ​ງານອົງການ​ໄອ​ຍະ​ການ​ປະຊາຊົນ ​ແລະ ສະ​ເໜີ​ປ່ອຍ​ຕົວ​ເລີຍ.

ດີ​ທີ່​ສຸດ​ໃນ​ກໍລະນີ​ທ່ານ​ພົບ​ບັນຫາ​ຄື​ດັ່ງກ່າວ​ກໍ​ຄວນ​ໄປ​ພົບ​ທະນາຍຄວາມ​ເຊິ່ງຜູ້ກ່ຽວມີ​ຄວາມ​ຮູ້ ​ແລະ ຊຽ່ວຊານ​ສະ​ເພາະ​, ທີ່​ຈະ​ດຳ​ເນີນ​ວຽກ​ງານ​ດັ່ງກ່າວ​ຊ່ວຍ​ທ່ານ​ໄດ້​ທັນ​ເວລາ.

Why is the temporary release of suspects not handled in the same way as in our neighboring countries?

(Phivat Vorachak, attorney)

I would like to thank our readers for your interest in the laws and regulations of our country. As you all know, present day society is governed by rule of law and this makes it an advanced and civilized society unlike the feudalist and imperialist systems of the past.

I would also like our readers to know that each country – each state – has its own constitution and laws. Some of the content and principles therein may be similar and some may be different, depending on the political, economic, cultural, and social circumstances of each country.

In order to answer the above question, therefore, I have studied the Constitution and laws of the Lao PDR and found that specifications for this are given in Chapter 4 (Articles 34 – 51) on the Fundamental Rights and Obligations of Citizens. Furthermore, Article 85 of the Constitution states that “Decisions reached by the People’s Courts, when final, must be respected by Party organizations, State organizations, the Lao Front for National Construction (LFNC), mass organizations, social organizations and all citizens, and must be implemented by the individuals and organizations concerned.

With respect to temporary release of a suspect prior to court verdict, Article 143 of the Law on Criminal Procedure states that:

Temporary release shall be granted under the following circumstances:

  1. The offence was a major offence for which the law specifies the deprivation of freedom for a period of three years or less; or
  2. There is credible information or a basis to support that the suspect or defendant shall not flee, destroy evidence, commit a further offence, harm the injured party or a witness, and the suspect shall not be harmed by another person.

To obtain temporary release, there must be a request from the person requesting it and an amount of money deposited as bail.

If, however, temporary release pursuant to a request is not granted, the suspect or a relative, guardian, or attorney may call for the enactment of Article 111 of the Law on Criminal Procedure, which states that “[A suspect] may only be held for six months for an alleged major offense and one year for an alleged felony.

This means that a court must come to a verdict over a suspect accused of a major offense within six months and if there is no evidence, then the case must be reported to the Office of the Public Prosecutor and their release requested. For a suspect accused of a felony, the court must come to a verdict within one year and if there is no evidence, then the case must be reported to the Office of the Public Prosecutor and their release requested.

The best thing to do if you ever come up against such a problem, is to consult an attorney with specialized knowledge and expertise and who is able to carry out such processes to help you in time.

ເລື່ອງທີ່ກ່ຽວຂ້ອງ

ພົນລະເມືອງລາວມີສິດຫຍັງແດ່?... ຕະຫຼອດ​ເວລາ​ທີ່​ຂ້າພະ​ເຈົ້າ​ລົງເຮັດວຽກ ຫຼື ​ໄປ​ຮ່ວມ​ງານ​ບຸນສ...
ການກູ້ຢືມເງິນໂດຍມີຫຼັກຊັບຄໍ້າປະກັນ, ເຮັດແນວໃດຈຶ່ງຈ... ການກູ້ຢືມເງິນໂດຍມີຫຼັກຊັບຄໍ້າປະກັນ, ເຮັດແນວໃດຈຶ່ງຈະຖືກຕ້ອງ ...
ເປັນຫຍັງຕ້ອງປັບປຸງລັດຖະທຳມະນູນ?... ເມື່ອມີຫຼາຍໆທ່ານຖາມມາ-ຜູ້ຂຽນກໍຈະຂໍຕອບ, ດັ່ງທຸກໆທ່ານໄດ້ຊາບແລ້...
ຄະດີແພ່ງ ແລະ ຄະດີອາຍາມີຄວາມແຕກຕ່າງກັນແນວໃດ?... “ຄະດີແພ່ງ ແລະ ຄະດີອາຍາມີຄວາມແຕກຕ່າງກັນແນວໃດ?” (ຂຽນໂດຍ: ທ. ພ...
ຜູ້ອອກແຮງງານປະຈຳຄອບຄົວມີສິດໄດ້ພັກວຽກປະຈຳປີບໍ່?... ຄຳ​ຖາມ​ແບບ​ນີ້​ຜູ້​ຂຽນ​ເຄີຍ​ໄດ້​ຮັບ​ຫຼາຍໆ​ເທື່ອ​ແລ້ວ ​ໂດຍ​ສະ...
ຂອງຂັວນ ແລະ ຂອງສິນບົນ ມີຄວາມແຕກຕ່າງກັນແນວໃດ?... ຂອງຂັວນ ແລະ ຂອງສິນບົນ ມີຄວາມແຕກຕ່າງກັນແນວໃດ? ( ຂຽນໂດຍ ທ່ານ ...
“ເຮັດແນວໃດຈິ່ງແມ່ນການນິນທາ ແລະ ໃສ່ຮ້າຍ, ຕາມມາດຕາ 9... ມີ​ລູກ​ຫຼານ​ທີ່​ຮຽນ​ກົດໝາຍ​ຢູ່​ວິທະຍາ​ໄລ​ກົດໝາຍ​ທີ່​ແຂວງ​ສະຫ...
“ຄວາມເປັນເອກະລາດຂອງສານແຫ່ງ ສປປ ລາວ”... (ຂຽນໂດຍ ພິວາດ ວໍຣະຈັກ ທະນາຍຄວາມ) ຜູ້ຂຽນມັກລົງໄປທ່ຽວຢາມພີ່...

Comments

comments

Ooh Laos 600×100
Main menu