Prudential 450×100

AEC ນັກທ່ອງທ່ຽວ, ນັກລົງທຶນ, ແຮງງານຕ່າງຊາດ ຈະຫຼັ່ງໄຫຼເຂົ້າມາລາວເຮົາເພີ່ມຂຶ້ນ.

ແບ່ງປັນ:

ທັດສະນະ​​ກ່ຽວ​ກັບ AEC?                        

ຕາມທັດສະນະ​ຂອງຂ້າ​ພະ​ເຈົ້າ ​​ການ​ເຂົ້າປະຊາ​ຄົມ​ເສດຖະກິດ​ອາ​ຊຽນ ຫຼື AEC ​ແມ່ນ​ເວົ້າ​ໄດ້​ວ່າ:​ ປະ​ເທດ​ທີ່​ເຂົ້າ​ຮ່ວມ​ຈະມີ​ການ​ນຳ​ໃຊ້​ນະ​ໂຍບາຍດ້ານ​ເສດຖະກິດ​​ຮ່ວມ​ກັນ ​ເພື່ອ​ເພີ່ມ​ອຳນາດ​ກັບ​ຄູ່​ຄ້າ ​ແລະ ​ເພີ່ມ​ຂີດ​ຄວາມ​ສາມາດ​ ການ​ແຂ່ງຂັນ​ທາງ​ດ້ານ​ເສດຖະກິດ​ລະດັບ​ໂລກ, ​ເຊິ່ງລວມ​ເຖິງ​ມີ​ການ​ຍົກ​ເວັ້ນພາສີ ​ສິນຄ້າບາງ​ຊະ​ນິດ, ຍົກ​ເວັ້ນ Visa​ ໃຫ້​ກັບປະ​ເທດ​ສະມາຊິກ 10 ປະ​ເທດ ການ​ທີ່ລາວເຮົາ​ເຂົ້າ​ຮ່ວມ​ອາດ​ເວົ້າ​ໄດ້​ວ່າ: ມີ​ທັງ​ຈຸດ​ດີ ​ແລະ ຈຸດ​ເສຍ​ ​ແນ່ນອນ​ຈະເກີດມີ​ການ​ແຂ່ງຂັນ​ດ້ານ​ທຸລະ​ກິດ​ຕ່າງໆ​ສູງ.

AEC ​ທຸລະ​ກິດ​ຂອງ​ທ່ານ​ຈະ​ມີສິ່ງ​ທ້າ​ທາຍ ​ແລະ ​ໂອກາດຄື​ແນວ​ໃດ?

ສຳລັບ​​ທຸລະ​ກິດດ້ານ​ການ​ໂຮງ​ແຮມ ​​​ສິ່ງ​ທ້າ​ທ້າຍທີ່​ຈະ​ເຂົ້າມາ​ແມ່ນ ບັນດາ​ນັກ​ລົງທຶນ​ຈາກ​ຕ່າງ​ຊາດ ຫຼື ກຸ່ມ​ປະ​ເທດ​ສະມາຊິກ​ ອາດ​ຈະ​ເລັງ​ເຫັນ​ການ​ພັດທະນາ, ​ຂະຫຍາຍເຄື່ອຂ່າຍ ​ສາຂາ​ການ​ໂຮງ​ແຮມ​ຂອງ​ເຂົາ​ເຈົ້າ ທີ່​ມີ​ຊື່​ສຽງ​ລະດັບ​ສາກົນ​ທົ່ວ​ໂລກນັ້ນ​ເຂົ້າ​ມາ​ສ້າງ​ຕັ້ງ​ຢູ່​ລາວຫຼາຍ​ຂຶ້ນ. ​ເນື່ອງ​ຈາກ​ວ່າ ການ​ຂະຫຍາຍຕົວ​ດ້ານ​ການ​ບໍລິການ​ໂຮງ​ແຮມ​ຢູ່​ບ້ານ​ເຮົາ ແມ່ນ​​ຂະຫຍາຍຕົວ​ບໍ່​ທັນ​ຫຼາຍ​ຈະ​ມີ​ຄວາມ​ເປັນ​ໄປ​ໄດ້​ສູງ​ບໍ່​ໄວ​ກໍ່​ຊ້າ ສໍາລັບ​ໂອກາດ​ເມື່ອ ​​​ເປີດ AEC ຈະ​ເຮັດ​ໃຫ້​ນັກ​ທ່ອງ​ທ່ຽວ​ຫຼັ່ງ​ໄຫຼ​ເຂົ້າ​ມາ ລວມ​ເຖິງ​ບັນດາ​ນັກ​ລົງທຶນ, ນັກທຸລະກິດ, ນັກວິຊາການ ​ທີ່​ຈະ​ເຂົ້າ​ມາ​ເຮັດ​ວຽກ​ ອາ​ໄສ​ຢູ່​ບ້ານ​ເຮົາ. ສະ​ນັ້ນ, ມັນ​​ຈຶ່ງຮຽກຮ້ອງໃຫ້ມີ​ທີ່​ພັກ​ອາ​ໄສ​ທີ່​ມີມາດຕະຖານ, ​ມີການບໍລິການທີ່​ຄົບ​ວົງ​ຈອນ, ສາມາດອຳນວຍຄວາມ​ສະດວກ​ສະບາຍ​ໃຫ້​ກັບເຂົ້າເຈົ້າ​ໄດ້ ດັ່ງນັ້ນ, ​ກ່ຽວ​ກັບ​ວຽກ​ງານ​ນີ້​ເຮົາ​ຕ້ອງ​ມີ​ການ​ສຶກສາ​ຄົ້ນ​ຄວ້າ ​ຮຽນ​ຮູ້​​ເອົ​າປະ​ສົບ​ການ​ດ້ານ​ການ​ໂຮງ​ແຮມ ນຳ​ນັກ​ລົງທຶນຕ່າງປ​ະ​ເທດ ຫຼື ກຸ່ມສະມາ​ຊິກ​ໃຫ້​ໄດ້ ,​ເຊິ່ງຈະ​ເຮັດ​ແນວ​ໃດ​ໃຫ້​ທຸລະ​ກິດ​ຕົນ​ເອງ​​ຢູ່​ລອດ​, ຕ້ອງ​ມີ​ການ​ປັບປຸງ, ພັດທະນາ​ຕົນ​ເອງ​ໃຫ້​ທຽບ​ເທົ່າ​ສາກົນ ສິ່ງ​ສຳຄັນ​ຕ້ອງ​ສາມາດນຳ​ໃຊ້​ຈຸດ​ເດັ່ນ, ຈຸດ​ແຂງ​ທີ່​ເຮົາ​ມີ​ນັ້ນອອກ​ມາ​ໃຊ້ປັບປຸງ ​ແລະ ​ພັດທະນາ​ ​ແບບທີ່​ບໍ່​ມີ​ໃຜ​ຄື ນັ້ນ​ກໍ​ຄື: ວັດທະນະທຳ​ອັນ​ດີງາມ​ຂອງ​ຊາວ​ລາວ​ເຮົາ ທີ່​ມີ​ມາ​ແຕ່​ດົນ​ນານ ຄື​ການ​ມີ​ມະນຸດ​ສຳພັນ​, ມາລະຍາດ​ທີ່​ດີ ​ເປັນ​ຄົນ​ທີ່​ຍິ້ມ​ແຍ້ມ​ແຈ່ມ​ໃສ, ອ່ອນ​ນ້ອມ​ ຕ້ອນຮັບ​ແຂກ ​ເຮົາ​ຕ້ອງໃຊ້ຈຸດ​ນີ້​ໃຫ້​​ເປັນ​ປະ​ໂຫຍ​ດ ​​ເພື່ອ​ໃຫ້ເຮັດ​ໃຫ້ນັກ​ທ່ອງ​ທ່ຽວຄົນ​ຕ່າ​ງປະ​ເທດ​ມີ​ຄວາມຫຼົງ​ໄຫຼ ​ປະ​ທັບ​ໃຈ​ໃນ​ການ​ບໍລິການຂອງ​ເຮົາ ​ແລະ ​ເຮັດ​ໃຫ້​ເຂົາ​ເຈົ້າ​ຢາກ​ກັບ​ມາ​ທ່ອງ​ທ່ຽວ​​ເມືອງ​ລາວ​ອີກ​ຄັ້ງ.

​ແຜນ​ພັດທະນາ​ຂອງ​ໂຮງ​ແຮມ​ເພື່ອ​ຮອງ​ຮັບ​ການ​ເຂົ້າ​ເປັນ AEC ມີ​ແນວ​ໃດ​ແດ່?

​ໂຮງ​ແຮມ​ດາ​ວາ​ລາ ມີສະຖານທີ່ຕັ້ງຢູ່ໃຈກາງເມືອງ ​ເຊິ່ງມີຄວາມສະດວກສະບາຍໃນການເດີ​ນທາງ​ທ່ອງທ່ຽວ ສະຖານ​ທີ່​ຕ່າງໆໃນນະຄອນຫຼວງວຽງ​ຈັນ ສ່ວນຫຼາຍລູກຄ້າທີ່ມາພັກ​ເປັນ​ຄົນ​ຕ່າງປະ​ເທດ ຈະ​ເປັນນັກທ່ອງທ່ຽວເປັນກຸຣບ, ນັກທຸລະກິດ, ນັກວິຊາການຂອງໂຄງການຕ່າງໆທີ່ມາຢູ່ໄລຍະຍາວ ຫຼື ໄລຍະສັ້ນ ສ່ວນຫຼາຍ​ແມ່ນ​ຈະຈອງຜ່ານອິນເຕີເນັດ, ​ເມື່ອ​ເຫັນ​ໂອກາດ​ທີ່ນັກ​ທ່ອງ​ທ່ຽວຈະ​ເພີ່ມ​ຂຶ້ນ​ເມື່ອ​ເປີດ AEC ແນ່ນອນເຮົາຕ້ອງມີການປັບປຸງ ​ເພື່ອຮອງຮັບນັກ​ທ່ອງ​ທ່ຽວທີ່​ຈະ​​ເຂົ້າມາຫຼາກ​ຫຼາຍ​ຮູບ​ແບບ, ບໍ່ວ່າຈະເປັນເລື່ອງລາຄາ ເພື່ອຕໍ່ສູ້ ຫຼື ແຂ່ງຂັນ ກັບ​ບັນດາ​ໂຮງ​ແຮມ​ອື່ນໆ ສຳລັບ​ໂຮງ​ແຮມ​ດາ​ວາ​ລາ​ ມີ​ແຜນ​ທີ່​ຈະຂະຫຍາຍຕຶກອອກ​ເພື່ອ​ເພີ່ມ​ຈຳນວນຫ້ອງ​, ສ້າງສະລອຍນໍ້າ, ມີດາດຟ້າ, ຫ້ອງອອກກຳລັງກາຍ (Fitness) ແລະ ສະປາ…,ນອກຈາກ​ການ​ຂະຫຍາຍ​ຕຶກແລ້ວ ສິ່ງ​ສຳຄັນ​ທີ່​ສຸດ​ຂອງ​ວຽກ​ງາ​ນການ​ໂຮງ​ແຮມ​ແມ່ນ​ເລື່ອງ​ການ​ບໍລິການທີ່​ດີ​ທີ່​ສຸດ​ໃຫ້​ກັບ​ລູກ​ຄ້າ ຕ້ອງມີ​ການຝຶກອົບຮົມພະນັກງານຢູ່​ເລື້ອ​ຍໆ ຈະເນັ້ນຫຼັກແມ່ນເລື່ອງການສື່ສານ​ພາສາອັງກິດເພາະເປັນຈຸດສໍາຄັນທີ່ສຸດເມື່ອເຂົ້າ AEC, ​​ເປັນ​ຕົວຫຼັກທີ່​ຈະເຮັດ​ໃຫ້​ລູກ​ຄ້າມີປະ​ທັບ​ໃຈ ​ເມື່ອ​ລູກ​ຄ້າ​ສອບ​ຖາມ​ຂໍ້​ມູນ​ລາຍ​ລະອຽດ​ຕ່າງໆ​​ໃດ​ກໍ​ຕາມ​ກ່ຽວ​ກັບປະ​ເທດ​ລາວ​ເຮົາ​ ໂດຍ​ສະ​ເພາະ​ແມ່ນ​ສະຖານ​ທີ່​ທ່ອງ​ທ່ຽວ ພະນັກງານ​ເຮົາ​ທຸກ​ຄົນ ​ໂດ​ຍສະ​ເພາະ​ພະນັກງານ​ຕອບ​ຮັບ​ແມ່ນ​ຕ້ອງ​ສາມາດ​ໃຫ້​ຄຳ​ແນະນຳ, ຂໍ້ມູນທີ່​ດີ ​ແລະ ຖືກຕ້ອງ​ໃຫ້​ກັບ​ນັກ​ທ່ອງ​ທ່ຽວໄດ້.

 

The AEC will bring an influx of tourists, investors,

and foreign workers into the country.

What is your opinion on the AEC?

In my personal opinion, accession to the ASEAN Economic Community or the AEC will allow the member states to make use of joint economic policies to increase their power with trading partners and it will also make us more economically competitive on a global level. It will involve the eradication of tariffs on certain goods and visa exemptions within the ten member states. Laos’s involvement in this will bring both benefits and disadvantages and there is no doubt that it will bring about voracious business competition.

What challenges and opportunities will the AEC bring to your business?

The challenge for the hotel business will be that foreign investors and groups from ASEAN member states may wish to develop and expand globally known hotel networks into our country as the development of our hospitality industry has not been all that great and there is a very high possibility that the AEC may bring in a huge influx of tourists, investors, businesspeople, and specialist professionals to work and reside in our country. We therefore need to have up-to-standard places for these people to live complete with comprehensive services and facilities, do some research and learn from the experiences of foreign hotel investors, and find ways through which we may survive. We will have to improve and develop ourselves to match up to international standards. We must build on our existing strengths and improve and develop these so that we may be unique. I am speaking of our fine age-old traditional culture of amiability, courtesy, cheerfulness, humility, and hospitality. We must use this to our advantage so that tourists visiting our country are enamored and impressed with our services and come back again.

How will you be developing your hotel in preparation for the AEC?

The Dhavara Hotel is located in the city center and at a stone’s throw from many of Vientiane Capital’s most important locations. The majority of our guests are foreign tour groups, businesspeople, and specialists coming to work on projects on a long- or short-term basis and they usually book over the internet. Given the upcoming opportunity of the AEC, we will certainly be making some improvements in order to cater to a more diverse range of clientele. We may have to adjust our prices to compete with other hotels. We are planning an expansion to our building to add to our number of rooms and will also be building a swimming pool, a rooftop, a gym, and a spa. Besides the physical expansion of our building, it is also of ultimate importance that our customer services are supreme. We will be providing ongoing training with emphasis placed on English language skills because the ability to communicate in English will be a huge factor following AEC accession and a primary factor in impressing our customers as they tend to ask detailed questions about our country, especially about tourist attractions, and all our employees. Our reception staff in particular need to be able to advise them and provide them with useful and accurate information on tourism.

ເລື່ອງທີ່ກ່ຽວຂ້ອງ

AEC ຈະເຮັດໃຫ້ຄົນລາວຕ້ອງໄດ້ພັດທະນາຕົນເອງ ເພື່ອທຽບເທ... ເມື່ອ ສປປ ລາວ ​ເປີດ​ເອອີ​ຊີ ຫຼື ​ເຂົ້າ​ເປັນປະ​ຊາ​ຄົມ​ເສດຖະກິ...
ຊຽງຂວາງໄດ້ຮັບການອຸປະຖໍາ100ລ້ານເພື່ອການພັດທະນາສົ່ງເ... ເມື່ຶອບໍ່ດົນຜ່ານມານີ້ ທ່ານ ບຸນລ້ຽງ ຄຳພູນ ອະດີດຮອງເຈົ້າແຂວງໆເ...
ສຄອ ຈັດກອງປະຊຸມແລກປ່ຽນການບໍລິຫານ ແລະ ສົ່ງເສີມກຳລັງ... ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ຈັດກອງປະຊຸມ ແລກປ່ຽນຂໍ້...
AEC ຈະເປີດກວ້າງທາງດ້ານການແຂ່ງຂັນທຸລະກິດໃຫ້ມີຄຸນະພາ... ເມື່ອ​ປະ​ເທດ​ລາວ​​ເຂົ້າ​ເປັນສະມາຊິກ​ປະຊາ​ຄົມ​ເສດຖະກິດ​ອາຊຽນ ...
ລາວຈະມີລາຍຮັບເກືອບ 700 ລ້ານໂດລາ ຈາກການທ່ອງທ່ຽວ... ໃນປີ 2015 ນີ້ ສປປ ລາວ ຄາດວ່າຈະມີລາຍຮັບຈາກການທ່ອງທ່ຽວເພີ່ມຂຶ້...
AEC ເປັນດັ່ງການພັດທະນາທີ່ເຮັດໃຫ້ຖານລູກຄ້າຂະຫຍາຍກ້ວ... ກະ​ເປົາ​ນາລີ​​ມີ​ຈຸດ​ເດັ່ນ​ແນວ​ໃດ​ເພື່ອ​ໃຫ້​ລູກ​ຄ້າ​ສົນ​ໃຈຫຼ...
ລັດຖະບານລາວ ເປີດກວ້າງໃຫ້ນັກລົງທຶນ ສ.ປຈີນ ຈັດເປັນອັ... ລັດຖະບານ ແຫ່ງ ສປປ ລາວ ໄດ້ມີ​ນະ​ໂຍບາຍ​ເປີດ​ກວ້າງ​ການ​ລົງທຶນ​ຂ...
ງານວາງສະແດງສິນຄ້າຈີນ-ອາຊຽນ ຄັ້ງ ທີ 12 ໄດ້ໄຂຂຶ້ນຢ່າ... ງານວາງສະ​ແດງ​ສິນຄ້າ​ຈີນ-ອາ​ຊຽນ ຄັ້ງທີ 12 ​ໄດ້​ໄຂ​ຂຶ້ນຢ່າງ​ເປ...

Comments

comments

Ooh Laos 600×100
Main menu