Prudential 450×100

ຕາດນ້ຳກັດ ໂຢລະປ່າ ມີກິດຈະກຳທ້າທາຍ ຫຼາຍຮູບແບບ.

ແບ່ງປັນ:

ຕາດ​ນ້ຳ​ກັດ ​ໂຢລະ​ປ່າ ​​ແນວ​ຄິດ​ການ​ສ້າງ​ແຫຼ່ງທ່ອງທ່ຽວ​ທາງທຳ​ມະ​ຊາດ ທີ່ມີ​ກິດຈະກຳ​​ທ້າ​ທາຍ​ຫຼາຍຮູບ​​ແບບ ​​ບໍ່​ວ່າ​ຈະ​ເປັນ​ການ​ປິ້ນຕົ້ນ​ໄມ້​ໃຫຍ່, ນອນ​​ຢູ່ເຮືອນ​ເທິງ​ຕົ້ນ​ໄມ້, ຂີ້​ສະ​ລິງ, ​ເດີນ​ປ່າ, ປິ້ນໜ້າຜາ, ​ໄຕ່​ຂົ້ວ​ອູ ​ແລະ ກິດຈະກຳ​ອື່ນໆ. ​​ເຊິ່ງເປັນຄວາມ​ຄິດຂອງ​ທ່ານ ສົມ​ເພັດ ມ້າວ​ປະ​ເສີດ ເຊິ່ງກ່ອນໜ້ານີ້ທ່ານ​ໄດ້​ມີ​ໂອກາດມາພົບ​​ເຫັນ​ແຫຼ່ງທ່ອງ​ທ່ຽວ​ ທຳ​ມະ​ຊາດ​ປ່າ​ສະຫງວນ ຕາດ​ນ້ຳ​ກັດ ຢູ່​ແຂວງ​ອຸດົມ​ໄຊ ມີ​ລັກສະນະ​ພິເສດຄື: ຄ້າຍ​ໝໍ້​ຂາງ ​ອ້ອມຮອບ​ດ້ວຍ​ພູຜາ​ປ່າ​ໄມ້ທີ່​ອຸດົມສົມ​ບູນ ​ແລະ ມີ​ສາຍ​ນ້ຳ​ຕົກທີ່​ໄຫຼ​ມາ​ຈາກ​ເທິງພູ ​ດັ່ງນັ້ນທ່ານຈິ່ງຕັດສິນໃຈ​ ຂໍ​ສຳ​ປະທານ​ກັບ​ລັດຖະບານ​ ເປັນ​ເວລາ 45 ປີ, ແນວຄວາມຄິດໃນການພັດທະນາແມ່ນເນັ້ນ ​ຖື​ເອົາ​ຜົນ​ປະ​ໂຫຍ​ດ ຂອງ​ປະຊາຊົນ​ອ້ອມ​ຂ້າງ ​ແລະ ປະ​ເທດ​ຊາດ​ເປັນ​ຫຼັກ.

ຄວາ​ມຄິດ​ລິ​ເລີ່​ມໃນ​ການ​ສ້າງ​ແຫຼ່ງທ່ອງ​ທ່ຽວ​ແບບ​ທຳ​ມະ​ຊາດ

ຈຸດລິເລີ່ມ​ແມ່ນການ​ໄດ້​ຮັບສະໜັບສະໜູນຈາກທາງພາກລັດຖະບານ ໃນການ​ກຽມເຂົ້າສູ່ປະຊາຄົມ​ເສດຖະກິດອາຊຽນ ຫຼື AEC ​ເຊິ່ງລັດຖະບານ​ໄດ້​ເນັ້ນ​ທີ່​ສຸດ ​ແມ່ນ​ຂອດ​ການບໍລິການ​ເພື່ອ​ເປັນ​ຈຸດ​ຂາຍຂອງປະ​ເທດ​. ຂ້າພະເຈົ້າເຫັນວ່າ ວຽກ​ງານ​ການທ່ອງທ່ຽວຢູ່​ລາວ​ເຮົາ​ມີ​​ຫຼາຍ​ຮູບ​ແບບ​ບໍ່​ວ່າ​ຈະ​ເປັນ ການທ່ອງທ່ຽວ​ທາງ​ວັດທະນະທຳ ​ແລະ ການທ່ອງທ່ຽວ​ທາງ​ທຳ​ມະ​ຊາດ ​ກໍ່​ມີ​ຫຼາຍແຫ່ງ ,​ແຕ່​ຍັງເຫັນວ່າ​ການ​ພັດທະນາ ​ທີ່​ມີ​ຮູບແບບ​ມາດຕະຖານ​ແມ່ນ​ມີ​ໜ້ອຍ ​ເວລາ​​ລົງທຶນ​ແລ້ວ​ຍິ່​ງ​ເຮັດ​​ໃຫ້​ໄປທຳລາຍທຳ​ມະ​ຊາດ​ຕື່ມ​ອີກ, ​ເມື່ອ​​ມາ​ເລັງ​ເຫັນ​ຈຸດ​ນີ້​ ຂ້າພະເຈົ້າຈຶ່ງ​ໄດ້​ຊອກ​ຫາ​ສະຖານ​ທີ່​ທ່ອງ​ທ່ຽວທາງ​ທຳ​ມະ​ຊາດ​ເພື່ອ​ພັດທະນາ​ໃຫ້​ມີ​ຈຸດ​ເດັ່ນ. ພວກ​ເຮົາໄດ້​ສ້າງ​ຕັ້ງ​ບໍລິສັດ FACAT ​ຂຶ້ນ​ມາ​ກໍ່ເພື່ອ​​ເປັນ​ການພັດທະນາ​ແຫຼ່ງທ່ອງ​ທ່ຽວທຳ​ມະ​ຊາດ, ແບບ​ອະນຸລັກ​ຮັກສາ​ສິ່ງ​ແວດ​ລ້ອມ. ​ເຊິ່ງ​​ໂຄງການ​ທໍາອິດ ທີ່​​ເປັນໂຄງການ​ແບບຢ່າງ​ຂອງບໍລິສັດ ​ແມ່ນ​ຕາດ​ນ້ຳ​ກັດ ​ໂຢລະ​ປາ ​ເຊິ່ງ​ໄດ້​ເລີ່​ມຕົ້ນ​ພັດທະນາ​ຮູບ​ແບບ ​ກິດຈະກຳ​ການທ່ອງທ່ຽວ​ມາຕັ້ງ​ແຕ່​ປີ 2012.

ຜົນ​ຕອບ​ຮັບ​ທີ່​ຜ່ານ​ມາ​ໃນ​ການ​ເປີດ​ບໍລິການ         

ພວກ​ເຮົາ​ເລີ່​ມທົດ​ລອງ​ໃຫ້​ບໍລິການ​​ຕັ້ງ​ແຕ່​​ເດືອນ ທັນວາ 2014 ​ເປັນ​ຕົ້ນ​ມາ ຜ່ານ​ການ​ພັດທະນາ​ມາ​ເລື້ອຍໆ​ເຫັນ​ວ່າ​ການ​ຕອບ​ຮັບ​ທາງ​ສັງຄົມ​ຈາກນັກ​ທ່ອງ​ທ່ຽວ​ພາຍ​ໃນ ​ແລະ ຕ່າງປະ​ເທດ​ໃຫ້​ຄວາມ​ສົນ​ໃຈ ​ໂດຍສະ​ເພາະ​ທາງ​ໂລກ​ອອນ​ໄລ​ ​ແລະ ຈາກ​ທາງ​ບໍລິສັດທ່ອງທ່ຽວຕ່າງໆແມ່ນ​ໃຫ້​ການ​ຕອບ​ຮັບ​ດີ. ເມື່ອ​ເຮົາ​ມີ​ຈຸດ​ສົນ​ໃຈ​ຫຼາຍ​ ​ເຮັດ​ໃຫ້ພວກ​ເຮົາມີ​ຄວາມ​ຄິດເພີ່​ມກິດຈະກຳການທ່ອງທ່ຽວ​ຢູ່​ພາຍ​ໃ​ນບໍລິ​ເວນ​ປ່າ​ສະຫງວນ​ຕາດ​ນ້ຳ​ກັດ​ຫຼາຍ​ຂຶ້ນ. ​​ທຳ​ອິດກິດຈະກຳ​ຂອງ​ເຮົາແມ່ນ​ບໍ່​ມີ​ຫຼາຍ ​ແຕ່​ມາ​ເບິ່ງ​ແລ້ວ​ຄວາມ​ຕ້ອງການ​ຂອງ​ສັງ​ຄົມ​ແມ່ນ​ຫຼາຍກວ່າ. ​ສະ​ນັ້ນ, ພວກເຮົາຈຶ່ງໄດ້ເລື່ອນເປີດບໍລິການເປັນທາງການ ຢ່າງເຕັມຮູບແບບອອກໄປອີກ ແລະ ຄາດ​ວ່າ​ຈະ​ສໍາເລັດໃນທ້າຍປີ 2015 ຫາ​ຕົ້ນ​ປີ 2016. ແຕ່ບາງກິດຈະກຳ ທີ່ເຮັດສຳເລັດແລ້ວ ເຮົາກໍ່ໄດ້ເປີດບໍລິການໃຫ້ນັກທ່ອງທ່ຽວ​ຕາມປົກກະຕິ.

ເມື່ອ AEC ເຂົ້າມາຄິດວ່າຈະມີຜົນແນວໃດຕໍ່ການທ່ອງທ່ຽວຂອງເຮົາ​?

ຄິດວ່າມີຜົນດີຕໍ່ການທ່ອງທ່ຽວຂອງເຮົາຫຼາຍ ເພາະການເປີດແຫຼ່ງທ່ອງທ່ຽວຕາດ​ນ້ຳ​ກັດນີ້ ກໍ່ແມ່ນການກຽມພ້ອມເຂົ້າສູ່ປະຊາຄົມເສດຖະກິດອາຊຽນຢູ່ແລ້ວ ປັດຈຸບັນເລີ່ມໄດ້ມີການເຊັ່ນສັນຍາຮ່ວມມືກັບບໍລິສັດທ່ອງທ່ຽວຫຼາຍບໍລິສັດພາຍໃນ ແລະ ຕ່າງປະເທດ ເພື່ອເອົານັກທ່ອງທ່ຽວມາລົງສະຖານທີ່ທ່ອງທ່ຽວຕາດນ້ຳກັດ ເມື່ອເປີດ AEC ກໍ​ຍິ່ງຈະ​ເຮັດ​ໃຫ້​ນັກ​ທ່ອງ​ທ່ຽວ​ຕ່າງປະ​ເທດ​ເຂົ້າ​ມາ​ທ່ຽວ​ໃນ​ລາວ​ຫຼາຍ​ຂຶ້ນ ​ເປັນ​ການ​ເປີດ​ກວ້າງ​ການທ່ອງທ່ຽວ​ໃຫ້​ຄົນ​ຕ່າງປະ​ເທດ​ໄດ້​ຮູ້ຈັກ​ວັດທະນະທຳ, ຮີດຄອງ​ປະ​ເພນີ ​ແລະ ສາມາດ​ສ້າງ​ລາຍ​ໄດ້​ໃຫ້​ກັບ​ເສດຖະກິດ​ຂອງ​ປະ​ເທດ.

ສິ່ງ​ທີ່​ສັງຄົມ​ໄດ້​ຮັບ​ຈາກ​ແຫຼ່ງທ່ອງ​ທ່ຽວ​ຕາດ​ນ້ຳ​ກັດ​ນີ້​ແມ່ນ​ຫຍັງ?

ສຳລັບ​ຜູ້​ລົງທຶນ​ກໍ່​ຈະ​ໄດ້​ຮັບ​ຜົນ​ກຳ​ໄລ​ໃນ​ການ​ນຳ​ທ່ຽວ, ປະຊາຊົນ​ອ້ອມ​ຂ້າງ​​ໂດຍ​ສະ​ເພາະ 7 ບ້ານ​ໃກ້​ຄຽງໄດ້​ມີ​ວຽກ​​ເຮັດ​ງານ​ທຳ, ມີ​ອາຊີບ, ມີ​ລາຍ​ໄດ້​ ລວມ​ໄປ​ເຖິງ​ບັນດາ​ບ້ານ​ພັກ, ​ໂຮງ​ແຮມ​ໃນ​ຕົວ​ເມືອງ, ​ແຂວງ​ອຸດົມ​ໄຊ​ຈະ​ມີ​ລາຍ​ຮັບ​ເພີ່ມ​ຂຶ້ນ ຈາກ​ການ​ມາ​ພັກ​ເຊົາ​ຂອງ​ນັກ​ທ່ອງ​ທ່ຽວ​ທີ່​ຈະ​ເດີນທາງມາ​ທ່ອງ​ທ່ຽວ​ຕາດ​ນ້ຳ​ກັດ ​ໂຢລະ​ປາ, ສ່ວນປະ​ເທດຊາດ ພັກ-​ລັດຖະບານ ກໍ​ຈະ​ໄດ້​ມີ​​ແຫຼ່ງທ່ອງ​ທ່ຽວ​ທາງ​ທຳ​ມະ​ຊາດ​ທີ່​ເປັນ​ຈຸ​ດ​ເດັ່ນ​ອີກ​ສະຖານ​ທີ່​ໜຶ່ງ ​ເຊິ່ງຈະ​ເປັນ​ບ່ອນ​ທີ່​ມີ​ຊັບພະຍາກອນ​ທຳ​ມະ​ຊາດ​ທີ່​ອຸດົມສົມບູນ​ເປັນ​ມໍລະດົກ​ຂອງ​ປະ​ເທດ​ຊາດ​ຕໍ່​ໄປ.

 

The Nam Kat Yola Pa falls have all kinds of challenging activities to offer

The concept behind the Nam Kat Yola Pa falls was to create a natural tourist attraction with a wide range of activities on offer, including tree climbing, sleeping in tree houses, zip-lining, jungle trekking, rock climbing, crossing the Nam Ou bridge, and so forth. These were the ideas of Mr. Sompheth Maopaseuth, who visited the Nam Kat falls in this natural conservation forest and felt that they were special in that the scenery is shaped like a wok and surrounded by magnificent forests and mountains with water cascading down from above. He therefore requested a 45-year concession from the government with the idea of turning it into something which would benefit the local communities and the nation as a whole.

What first made you think of building a natural tourist attraction?

I think what started it all off was the support from the government, which is preparing for the ASEAN Economic Community or the AEC and is focusing heavily on services as a selling point for the country. I believe that Lao tourism has a range of things to offer, including natural tourism, and there are many natural tourist attractions. I also see, however, that there is little development taking place which meets standards and investment often damages the natural environment. Noticing this, I decided to find natural tourist spots to develop them into something special and we started FACAT to turn them into ecotourism attractions. The first project, which is to act as a model for our company, is the Nam Kat Yola Pa falls, which we started to develop in 2012.

Has the site been doing well since you opened your services?

We started trying it out in December 2014 and following ongoing development, we have had much interest from both domestic and foreign tourists, especially from the online community and tour companies, where we have proved very popular. This interest we have attracted has spurred us on to thinking up new activities to provide in the area. At first, there wasn’t all that much to do and people wanted more so we postponed our official opening until the end of 2015 or start of 2016 although some activities are ready now and are already available for tourists.

How will the AEC affect your tourist operations?

I think it will have all kinds of positive impacts because the Nam Kat falls are fully prepared for it. We already have contracts in place with both domestic and overseas travel companies which will bring tourists to the falls. The AEC will result in more tourists, open the country up for foreigners to learn more about our culture and traditional customs, and generate revenues for the national economy.

What will society get out of the Nam Kat falls?

Investors will generate profits from tourism and the local people, especially in the seven nearby villages, will gain employment and incomes from doing businesses such as guesthouses. Hotels in Oudomxay town will gain increased business from tourists stopping off on their way to the falls. And as for the Party and government, they will gain a superb natural tourist attraction which will go on to form a part of the country’s heritage.

ເລື່ອງທີ່ກ່ຽວຂ້ອງ

ຫຼັງ AEC ເຮົາຈະໄດ້ຄວາມຮູ້ເພີ່ມຂຶ້ນເພາະສາຍສຳພັນກັບບ... AEC ມັນຈະ​ເຮັດ​ໃຫ້​ສາຍ​ພົວພັນ​ລະ​ຫວ່າງ​ປະ​ເທດ​ໃກ້​ສິດ​ກັນຫຼາ...
AEC ຈະເຮັດໃຫ້ປະລິມານລົດໃນນະຄອນຫຼວງຍິ່ງເພີ່ມຂຶ້ນ.... ລັດ​ວິ​ສະຫະ​ກິດ​ລົດ​ເມ ນະຄອນຫຼວງ​ວຽງ​ຈັນ ​ເປັນ​​ລັດ​ວິ​ຫະກິດ...
ໄຟຟ້າລາວຂະຫຍາຍຕົວ-ອັດຕາການຊົມໃຊ້ໄຟຟ້າ ໃນປະເທດເພີ່ມ... ກ່ອນໜ້ານີ້ຫຼາຍສີບປີ ສປປ ລາວ ມີເຂື່ອນໄຟຟ້າຂະໜາດໃຫຍ່ພຽງແຫ່ງດຽວ...
AEC ມັນຈະເປັນໂອກາດ ໃນການໂຄສະນາ ສີໄມ້ລາຍມືຂອງລາວເຮົ... ເລື່ອງຫັດຖະກຳເປັນເລື່ອງ ຂອງຄວາມລະອຽດອ່ອນ ທີ່ສະທ້ອນໃຫ້ເຫັນເຖິ...
ງານວາງສະແດງສິນຄ້າຈີນ-ອາຊຽນ ຄັ້ງ ທີ 12 ໄດ້ໄຂຂຶ້ນຢ່າ... ງານວາງສະ​ແດງ​ສິນຄ້າ​ຈີນ-ອາ​ຊຽນ ຄັ້ງທີ 12 ​ໄດ້​ໄຂ​ຂຶ້ນຢ່າງ​ເປ...
ຄວາມພ້ອມໃນການເປັນປະທານອາຊຽນ 2016... ປີ 2016 ສປປ ລາວ ໄດ້ຮັບກຽດເປັນປະທານໝູນວຽນຂອງອາຊຽນ ຊຶ່ງເປັນຄັ້...
ຈຸດເດັ່ນ-ແຂງ-ອ່ອນ ເບື້ອງຕົ້ນຂອງປະເທດສະມາຊິກ AEC... ກ່ອນທີ່ເຮົາຈະຂະຫຍາຍທຸລະກິດຂອງເຮົາອອກສູ່ກຸ່ມປະເທດສະມາຊິກອາຊຽນ...
ກຽມພົບກັບສັບປະດາວັນແຫ່ງການຄົ້ນຄວ້າ ເພື່ອການພັດທະນາ... ໃນ​ວັນ​ທີ 19 ຕຸລາ 2015 ທີ່​ສະມາຄົມ​ນັກ​ຂ່າວ ​ໄດ້​ຈັດ​ງານ​ຖະ​...

Comments

comments

Ooh Laos 600×100
Main menu