Prudential 450×100

AEC ເປັນ​ບາດກ້າວ​ທີ່​ສຳຄັນ​ທີ່ຈະຊຸກ​ຍູ້​​ປະຊາຊົນ​ລາວ​ໃຫ້​ມີ​ຄວາມ​ກະຕືລື​ລົ້ນຫຼາຍຂຶ້ນ.

ແບ່ງປັນ:

AEC ເປັນ​ບາດກ້າວ​ທີ່​ສຳຄັນ​ທີ່ຈະຊຸກ​ຍູ້​​ປະຊາຊົນ​ລາວ​ໃຫ້​ມີ​ຄວາມ​ກະຕືລື​ລົ້ນຫຼາຍຂຶ້ນ.

ໃນທັດສະນະສ່ວນຕົວແລ້ວເຮົາມີຄວາມຮັບຮູ້ແນວໃດຕໍ່ ເອອີຊີ ມັນຈະໃຫ້ຫຍັງແດ່?​

AEC ມັນຈະເປີດໂອກາດໃຫ້ປະເທດເຮົາໃນຫຼາຍດ້ານ. ເວົ້າສະເພາະທຸລະກິດດ້ານບໍລິການ, ຮ້ານອາຫານ, ແລະໂຮງແຮມ ກໍ່ຈະມີນັກທ່ອງທ່ຽວເຂົ້າມາເພີ່ມຂຶ້ນ ຍ້ອນວ່າໜຶ່ງໃນຈຸດພົ້ນເດັ່ນຂອງ ບ້ານເຮົາການທ່ອງທ່ຽວທີ່​ເປັນທຳມະຊາດ ແລະ ວັດທະນະທຳ​ແບບດັ້ງເດີມທີ່ຍັງງົດງາມບໍ່ປ່ຽນແປງ.

ລາວເຮົາເປັນປະເທດທີ່ມີປະຊາກອນໜ້ອຍ, ການແຂ່ງຂັນບໍ່ສູງ ໂດຍສະເພາະແມ່ນທາງດ້ານແຮງງານ. ຕໍ່ໄປຖ້າຫາກວ່າແຮງງານຕ່າງປະເທດສາມາດເຂົ້າມາເຮັດວຽກຢູ່ໃນລາວໄດ້ງ່າຍຂຶ້ນ ມັນກໍ່ຈະຊຸກຍູ້ໃຫ້ປະຊາຊົນລາວ ມີຄວາມກະຕືລືລົ້ນຫຼາຍຂຶ້ນ, ໃຫ້ມີຄວາມຕັ້ງໃຈເຮັດວຽກອອກ​ມາ​ໃຫ້​ດີທີ່ສຸດ ຍ້ອນການແຂ່ງຂັນທີ່ສູງຄົນລາວເຮົາກໍຕ້ອງພະຍາຍາມບືນໂຕ ພັດທະນາສີມື ໃຫ້ທຽບເທົ່າກັບປະເທດອື່ນໆໃຫ້ໄດ້.

ສໍາລັບເອອີຊີປະເທດທີ່ມີສິນຄ້າສົ່ງອອກຫຼາຍ ຈະໄດ້ຮັບໂອກາດ ຫຼື ຜົນປະໂຫຍດຫຼາຍກວ່າ ປະເທດເຮົາການສົ່ງອອກຍັງຖືວ່າໜ້ອຍຫຼາຍ ປະຊາຊົນໂດຍທົ່ວໄປຍັງບໍ່ທັນເຂົ້າເຖິງທຸລະກິດສົ່ງອອກ ແລະ ລາວເຮົາຍັງບໍ່ທັນມີສິນຄ້າທີ່ສາມາດຕີຕະຫຼາດອາຊຽນໄດ້ຫຼາຍເທົ່າທີ່ຄວນ.

​ ຮ້ານ​ອາຫານ ຂອງເຮົາມີການກຽມພ້ອມແນວໃດເພື່ອ​ຮອງ​ຮັບ AEC

   ແນ່ນອນເມື່ອເປີດ ເອອີຊີ ຈະມີລູກຄ້າຫຼາຍຂຶ້ນເພາະວຽງຈັນກໍ່ເປັນຈຸດຜ່ານ  ຄິດວ່າໃນອະນາຄົດຈະມີຕະຫຼາດໃຫ່ຍຂຶ້ນ ແລະ ບັນດາຮ້ານອາຫານຈາກປະເທດໄກ້ຄຽງກໍຈະເຂົ້າມາບໍລິການໃນບ້ານເຮົາຫຼາຍຂຶ້ນເຊັ່ນກັນ ຕາມທີ່ເຫັນໃນປັດຈຸບັນກໍໄດ້ມີຫຼາຍກິດຈະການແລ້ວທີ່ເຂົ້າມາ. ມັນກໍ່ເປັນການດີທີ່ເຮັດໃຫ້ຄົນລາວມີທາງເລືອກຫຼາຍຂຶ້ນ.

ແຕ່ສໍາລັບສິ່ງນີ້ທາງຮ້ານເຮົາຈະບໍ່ຖືເປັນສິ່ງທ້າທາຍເພາະການບໍລິການມັນມີຄວາມແຕກຕ່າງເຊັ່ນ: ຕະຫຼອດ 20 ປາຍປີທີ່ເປີດຮ້ານມາ ເຮົາຍັງຮັກສາຣົດຊາດອາຫານທີ່ເປັນເອກະລັກສະເພາະ ແລະ ການບໍລິການແບບເປັນກັນເອງຂອງຄົນລາວ ພວກເຮົາຮັບແຂກໃຫ້ຄືກັບຄົນໃນຄອບຄົວດຽວກັນ ແຂກປະຈຳຜູ້ໃດມັກຣົດຊາດແບບໃດ ເຮົາກໍ່ຈື່ໄດ້ ຫຼື ທ່ານໃດມັກແບບໃດ ເຮົາກໍ່ສາມາດປັບປ່ຽນສູດຕາມທີ່ຕ້ອງການ. ວັດຖຸດິບເຮົາກໍ່ຄັດເລືອກເອົາຂອງທ້ອງຖິ່ນ ບໍ່ວ່າຈະເປັນປານໍ້າຂອງສົ່ງໂດຍກົງມາຈາກປາກເຊ, ເຫັດຫວາຍ, ຕໍ່ໍ, ນົກແອ່ນຈາກຊຽງຂວາງ ແລະ ອື່ນໆ.

ສຳລັບແຂກຕ່າງປະເທດ ແລະ ການບໍລິການກໍຕ້ອງມີຫຼາຍຊ່ອງທາງຂຶ້ນ. ເຮົາຍັງໄດ້ປັບປຸງເວັບໄຊ້ຂອງຮ້ານ ແລະເຮັດໃຫ້ການຈອງໂຕະຜ່ານທາງອິນເຕີເນັດໄດ້ໄວທັນໃຈກວ່າເກົ່າ ເພື່ອໃຫ້ເພິ່ນສະດວກສະບາຍຫຼາຍຂຶ້ນ ຄື ສາມາດສັ່ງຈອງລ່ວງໜ້າໄດ້ໂດຍກ່ອນທີ່ຈະເດີນທາງມາຮອດປະເທດລາວ.

ເລື່ອງທີ່ກ່ຽວຂ້ອງ

ພາກສ່ວນກ່ຽວຂ້ອງ ເລັ່ງສ້ອມແປງເສັ້ນທາງກາສີ-ເມືອງນານ... ເນື່ອງ​ຈາກ​ໄລຍະ​ຜ່ານ​ມາ​ມີ​ຝົນຕົກໜັກ​ຕິດ​ຕໍ່​ກັນ​ຫຼາຍ​ວັນ ​ເ...
AEC ເຮັດໃຫ້ເຮົາໄດ້ປຽບຫຼາຍດ້ານ.... ປະ​ເທດ​ລາວ​ເຮົາ​ເປັນ​ປະ​ເທດ​ທີ່​ນ້ອຍ​ຍັງ​ດ້ອຍ​ໃນ​ການ​ສຶກສາ​ ...
ເຂື່ອນໄຟຟ້າພະລັງນ້ຳ ເຊນ້ຳນ້ອຍ2-ເຊກະຕຳ 1 ຈະຜະລິດກະ... ການ​ກໍ່ສ້າງ​ເຂື່ອນ​ໄຟຟ້າ​ພະລັງ​ນ້ຳ ​ເຊ​ນ້ຳ​ນ້ອຍ2-​ເຊ​ກະ​ຕຳ 1...
ບໍລິສັດເຂົ້າລາວມີຄວາມພ້ອມໃນການສົ່ງອອກ... ທ່ານ ອຸໄທ ໄຕມະນີ ຜູ້ອໍານວຍການ ບໍລິສັດເຂົ້າລາວ ຈໍາກັດ ເປີດເຜີ...
ແມ່ຂອງ ZONE ເນັ້ນພັດທະນາເປັນເຂດ 4ສໍ ແລະ 1ກໍ. ​ແນວ​ຄິດ​ການ​ພັດທະນາ​ແຄມ...
ສູນພັດທະນາ ແລະ ບໍລິການກະສິກໍາ-ປ່າໄມ້ໜອງເຕົ່າ ຍົກລະ... ຊາວກະສິກອນ​ບ້ານ​ທາດ​ອີງ​ຮັງ,ບ້ານ​ໂພນ​ສູງ,ດົງ​ໝາກຢາງ,ບຶງ​ວະ ​...
ຫຼາຍກວ່າ 200 ຮ້ານແລ້ວສະເໜີເຂົ້າຮ່ວມວາງສະແດງສິນຄ້າວ... ປັດຈຸບັນ​ນີ້ ມີບັນດາອົງ​ການຈັດ​ຕັ້ງ​ພາກລັດ-​ເອກະ​ຊົນ, ສະຖານທ...
ການລົງທຶນຂອງຕ່າງປະເທດ ໃນ ສປປ ລາວ ບັນລຸ 25 ຕື້ກວ່າໂ... ປັດຈຸບັນ ສະພາບ​ການ​ລົງທຶນ​ຈາກ​ຕ່າງປະ​ເທດ ທີ່​ເຂົ້າ​ມາ​ລົງທຶນ...

Comments

comments

Ooh Laos 600×100
Main menu