Prudential 450×100

AEC ຈະສົ່ງເສີມດ້ານສິນຄ້າກະສິກຳມີການພັດທະນາດີຂຶ້ນ, ມີທ່າແຮງໃນການສົ່ງອອກໃຫ້ຫຼາຍຂຶ້ນ ແລະ ເຮັດໃຫ້ມີຕະຫຼາດທີ່ຮອງຮັບທີ່ໃຫຍ່ກວ່າເກົ່າ.

ແບ່ງປັນ:

ບໍລິສັດ ເພັດມະນີ ສົ່ງເສີມການກະເສດ ຄົບວົງຈອນ ເປັນ​ບໍລິສັດ​ທີ່​ສົ່ງ​ເສີມ​ດ້ານ​ກະສິກຳ​​ໃນ​ກາ​ນປູກຝັງ, ລ້ຽງສັດ ​ໃຫ້​ບໍລິການ​ດ້ານ​ຄວາມ​ຮູ້​ວິຊາ​ການ, ​ເຕັກນິກ ​ແລະ ​ແນວ​ພັນ​ພືດປອດ​ສານ​ພິດ, ​​ແນວ​ພັນ​ເຂົ້າ, ​ແນວ​ພັນ​ໝາກ​ໄມ້​ກິນ​ໝາກ​ທຸກ​ລະ​ດູ​ການ ແລະ ​ແນວ​ພັນ​ສັດ ​ໃຫ້​ກັບ​ປະຊາຊົນ, ສົ່ງ​ເສີມ​ໃຫ້​ປະຊາຊົນໃຊ້​ປຸຍ​ຊີວະ​ພາບ, ຢາຂ້າ​ຫຍ້າ​ຊີວະ​ພາບ ​ເພື່ອ​ປອດ​ໄພ​ຈາກ​ສານ​ເຄມີ. ບໍລິສັດ ​ເພັດ​ມະນີ ສົ່ງ​ເສີມ​ການ​ກະ​ເສດ ​ເລີ່​ມສ້າງ​ຕັ້ງ​ບໍລິສັດ​ຕັ້ງ​ແຕ່​ວັນ​ທີ 11 ພະຈິກ 2011 ​ເປັນ​ຕົ້ນ​ມາ ປັດຈຸບັນ​ມີ​ການ​ສົ່ງ​ເສີມ​ໃຫ້​ກັບ​ປະຊາຊົນ​ທັງໝົດ 5 ​ແຂວງ​ຄື: ນະຄອນຫຼວງ​ວຽງ​ຈັນ (ບ້ານ​​ໄຮ່​ປາກ​ງຶ່​ມ, ຕ່າ​ນປ່ຽວ, ​ເມຶ​ອງສັງ​ທອງ), ​ແຂວງ​ວຽງ​ຈັນ (ບ້ານ​ເກີນ), ​ແຂວງ​ສະຫວັນ​ນະ​ເຂດ (ເມືອງພິນ, ​ເມືອງນອງ, ​ເມືອງວິ​ລະ​ບູລີ, ເມືອງ​ເຊ​ໂປ​ນ), ​ແຂວງ ຈຳປາ​ສັກ (ເມືອງ​ປາກ​ຊ່ອງ). ​ໂດຍ​ການ​ປະຕິບັດ​​ໃນ​ຮູບແບບ ​2+3 .

  1. ທ່ານ​ມີການກຽມຄວາມພ້ອມ ​ແລະ ​ແຜນ​ໃນ​ການ​ພັດທະນາ​ໃນ​ການ​ເຂົ້າ AEC ​ແນວ​ໃດ

​        ປັດຈຸບັນ​, ບໍລິສັດ​ພວມ​ສຸມ​ໃສ່​ເລື່ອງ​ວຽກ​ງານ​ການປູກຝັງ​ລ້ຽງສັດ​ເປັນ​ສ່ວນ​ໃຫຍ່, ​ແນ່ນອນ​ຕ້ອງ​ມີ​ການ​ພັດທະນາ​ເມື່ອ​ເຂົ້າ​ສູ່​ປະຊາຄົມ​ເສດຖະກິດ​ອາ​ຊຽນ ​ກໍ​ຄື​ເຮັດ​ແນວ​ໃດ​ໃຫ້​ມີ​ຜົນ​ຜະລິດ​​ຫຼາຍ​ຂຶ້ນກວ່າ​ເກົ່າ ​ເພື່ອ​ຮອງ​ຮັບ​ຕະຫຼາດ​ພາຍ​ໃນ ​ແລະ ​ໃຫ້​ມີ​ເຫຼືອ​ກິນ​ເຫຼືອ​ໃຊ້​ເພື່ອ​ສົ່ງ​ອອກ​ຕ່າງປະ​ເທດ. ປຸກລະດົມ​ປະຊາຊົນ​​ເຮັດ​ການ​ກະສິກຳ​ໃຫ້​ຫຼາຍ​ຂຶ້ນ ​ໃຫ້​ທົ່ວ​ເຖິງ​ທຸກ​ແຂວງ. ນອກຈາກ​ນີ້, ພວກ​ເຮົາ​ຍັງ​ມີ​ແຜນ​ທີ່​ຈະ​ສົ່ງ​ອອກ​​ສິນຄ້າ​ການ​ກະເສດ​ລາວໄປ​ຕ່າງປະ​ເທດ ​ເຊິ່ງ​ໄດ້​ມີ​ການ​ຮ່ວມ​​ເຊັ່ນ​ສັນຍາ​ກັບ 3 ປະ​ເທດ​ຄື: ຈີນ, ຫວຽດນາມ, ກໍາປູ​ເຈຍ ​ຈະ​ສົ່ງ​ອອກປະ​ເພດ​ຜັກ​ ​ແລະ ​ເຂົ້າ ​ເປັນ​ຫຼັກກ່ອນ ​ຄາດ​ວ່າພາຍ​ໃນ​ປີໜ້າ​ຈະ​ເລີ່​ມສົ່ງ​ອອກ.

  1. ຜົນ​ທີ່​ໄດ້​ຮັບ ​ແລະ ສິ່ງ​ທ້າຍ​ໃນ​ການ​ເຂົ້າ AEC ຂອງ​ບໍລິສັດມີ​​ແນວ​ໃດ​?

​        ເມື່ອ​ເຂົ້າ AEC ​ແນ່ນອນ​ຕ້ອງມີ​ຈຸດດີ ​ແລະ ຈຸດ​ເສຍ​ເຂົ້າມາ​, ​ອັນ​ດີ​ອັນ​ໜຶ່ງ​ສຳລັບ​ນັກທຸລະກິດ​ທີ່​ເຮັດ​ກ່ຽວ​ກັບ​ການ​ກະ​ເສດຈະ​ມີ​ຕະຫຼາດ​ຮອງ​ຮັບ​ທີ່​ຫຼາຍ​ຂຶ້ນ ​ບໍ່​ວ່າ​ຈະ​ຢູ່​ພາຍ​ໃນ ​ແລະ ຕ່າງປະ​ເທດ​ໂດຍ​ສະ​​ເພາະ​ປະ​ເທດ​ສະມາຊິກ AEC ດ້ວຍ​ກັນ ​ເພາະ​ທີ່​ຜ່ານ​ມາທຸ​ລະ​ກິດ​ການ​​ສົ່ງ​ເສີມການ​ກະ​ເສດສ່ວນ​ຫຼາຍ​ບໍ່​​​ມີ​ກຳລັງ​ໃຈ​ທີ່​ຈະ​ລົງທຶນ ເພາະ​ວ່າ​ເມື່ອ​ຜະລິດ​ອອກ​ມາ​ແລ້ວ​​ບໍ່ມີ​ຕະຫຼາດ​ທີ່​ຈະຮອງ​ຮັບ​​ເຮັດ​ໃຫ້​​ ຂາດ​ທຶນ.

ຈຸດ​​ເສຍ​ກໍ​ຄື ​ຈະ​ມີ​ສິນຄ້າ​ການ​ກະສິກຳພຶດຜັກ, ຊິ້ນ​ສັດ​ທີ່ນຳ​ເຂົ້າ​ຫຼາຍ​ຂຶ້ນ​ຈາກ​ຫຼາຍ​ປະ​ເທດ ​ເຮັດ​ໃຫ້​ປະຊາຊົນ​ມີ​ທາງ​ເລືອກ​ໃນ​ການ​ບໍ​ລິ​ໂພ​ກຫຼາຍ​ຂຶ້ນ, ​ເຮັດ​​ໃຫ້ມີ​ຄູ່​ແຂ່ງ​ທາງ​ດ້ານທຸລະ​ກິດ​ການສົ່ງ​ເສີມ​ການ​ກະ​ເສດ​ຂອງ​ຕ່າງປະ​ເທດກໍ​ຈະ​ເຂົ້າ​ມາ​ລົງທຶນ​ໃນ​ບ້າ​ນ​ເຮົາ​​ໄດ້​ງ່າຍ​ ເຊິ່ງ​ເຂົາ​ອາດ​ຈະ​ມີ​ກົນລະ​ຍຸດ, ມີ​ເຕັກນິກການ​ປູກຝັງ​ລ້ຽງສັດທີ່ດີກ​ວ່າ,​ ​ເພາະ​ປະ​ເທດ​ເຮົາ​ເປັນ​ປະ​ເທດ​ທີ່​ອຸດົມສົມທາງ​ດ້ານ ​​ພື້ນ​ທີ່​ການ​ປູກຝັງ ​ແລະ ລ້ຽງສັດ ຈຶ່ງ​ອາດ​ເຮັດ​ໃຫ້​ນັກ​ລົງທຶນ​ສົນ​ໃຈ​ເປັນ​ພິ​ເສດ.

  1. ຂໍ​​ໃຫ້​ທ່ານ ຝາກ​ເຖິງ​ບັນດາ​ນັກທຸລະກິດ​ ​ເມື່ອ​ເຂົ້າ AEC?

ຢາ​ກຝາກ​ເຖິງ​ບັນດາ​ນັກທຸລະກິດ​ລາວ ກໍ​ຄືປະຊາຊົນ​ຄົນ​ລາວ​ເຮົາ​ທຸກ​ຄົນ​ໃຫ້​ເອົາ​ໃຈ​ໃສ່​ຍູ້​ຊຸກສົ່ງ​ເສີມ​ດ້ານ​ການ​ກະ​ເສດ​ກະສິກຳ​ນີ້​ໃຫ້​ຫຼາຍ​ຂຶ້ນ​ກວ່າ​ເກົ່າ ຖ້າ​ປະຊາຊົນ​​ເຮົາ​ຫັນ​ມາ​ເຮັດ​ການ​ກະ​ເສດ​ເປັນ​ຫຼັກ​ໄດ້ ​ຄົນ​ລາວ​ເຮົາ​ຈະ​ມີ​ຢູ່​ມີ​ກິນ​ຕະຫຼອດ ​ຈົນ​ສາມາດ​ເຫຼືອ​ກິ​ນ​ເຫຼື​ອ​ໃຊ້​ສົ່ງ​ອອກ​ຂາຍຕ່າງປະ​ເທດ ​ເພາະວ່າ​ປັດຈຸບັນ​ເລື່ອງ​ ພືດ-​ພັນ​ສັດ​ຕ່າງໆບາງ​ຢ່າງ​ຍັງ​ໄດ້ນຳ​ເຂົ້າ​​ມາ​ແຕ່​ຕ່າງປະ​ເທດ​, ​ຍ້ອນ​ຄົນ​ລາວ​ເຮົາ​ບໍ່​ໄດ້​ເອົາ​ໃຈ​ໃສ່​ເລື່ອງ​ນີ້​​ເທົ່າ​ທີ່​ຄວນ ​ແລະ ຢາກ​ໃຫ້​ທຸກ​ຄົນ​ສະໜັບສະໜູນ​ການ​ກະ​ເສດ, ກະສິກຳ​ ກໍ​ຄື​ຫັນ​ມາອຸປະ​ໂພ​ກ-ບໍລິໂພກ ຊື້​ສິນຄ້າ​ຂອງ​ເຮົາ​ລາວ​ເອງ.

The AEC will boost the development of agricultural goods, represents a potential for increased exports, and will provide a greater market

Phetmany Universal Agriculture Promotion Company is a company which promotes cultivation and livestock raising, providing technical know-how, techniques, and seeds for organic farming, rice cultivars, fruit tree seedlings for all seasons, and livestock breeds to the public and promoting the use of biological fertilizers and pesticides to ensure produce is free of chemicals. Phetmany Universal Agriculture Promotion Company was established on 11 November 2011 and is currently operating in five provinces – Vientiane Capital (Hay Pak Ngeum, and Tanpiew villages, Sangthong district), Vientiane province (Keun village), Savannakhet province (Phin, Nong, Vilabouly, and Sepon districts), and Champasak province (Pakxong district) using the 2+3 format.

  1. How ready are you for the AEC?

The company is currently focusing mainly on cultivation and livestock raising. We will certainly need to develop when acceding to the AEC and work out what we can do to achieve higher yields to cater to the domestic market and to ensure excess for export. We will have to stimulate the public to engage in agriculture more throughout all provinces. We also have a plan to export Lao agricultural goods overseas, for which contracts have been signed with three countries – China, Vietnam, and Cambodia – and we will mainly be exporting vegetables and rice to start off with. Exports should hopefully get underway next year.

  1. What benefits and challenges will the AEC bring?

The AEC will undoubtedly bring both advantages and disadvantages. One of the advantages for those in the agriculture business is that there will be a larger market, both domestically and overseas, especially in other AEC members countries, because the incentive to invest in agriculture in the past has been lacking because there has been a lack of a market to receive the goods produced, leading to losses.

A disadvantage is that vegetables and meat will be imported from many other countries, giving the consumer more choice and allowing competitors from other countries to invest in Laos more easily, bringing with them strategies and techniques for cultivation and livestock raising. Our land is rich for cultivation and livestock raising and this may attract a special interest from investors.

  1. What would you like to say to businesspeople about entering the AEC?

I would like all Lao businesspeople and members of the public to do more to support agriculture than in the past. If everyone engages mainly in agriculture, Lao people will never go short of food and will also have enough to export overseas because currently, certain crops and livestock breeds are being imported simply because we have not applied ourselves to the extent that we should have. I would like businesspeople to support Lao agriculture by buying Lao goods.

ເລື່ອງທີ່ກ່ຽວຂ້ອງ

ການພັດທະນາໄຟຟ້າລາວ ເພື່ອແນໃສ່ປັບປຸງຄຸນນະພາບ ຊີວິດກ... ມາຮອດປັດຈຸບັນ ລວມຍອດຜະລິດຕະພັນຂອງຂະແໜງພະລັງງານໄຟຟ້າ ແລະ ບໍ່ແ...
ປະເທດກຳປູເຈຍ ຈຸດໝາຍປາຍທາງຂອງນັກລົງທຶນຕ່າງປະເທດ... ປະເທດກຳປູເຈຍ ຕັ້ງຢູ່ໃນຈຸດຍຸດທະສາດທີ່ສຳຄັນຂອງແຫຼມອິນໂດຈີນ ຢູ່...
ການລໍາລຽງງົວງວດທໍາອິດ 300 ກວ່າໂຕເຖິງລາວແລ້ວ... ງົວ​ງວດ​ທໍາ​ອິດຈໍານວນ 300 ກວ່າ​ໂຕ​ຈາກ​ປະ​ເທດ​ອົດ​ສະ​ຕາ​ລີ ໄດ...
ຄວາມພ້ອມໃນການເປັນປະທານອາຊຽນ 2016... ປີ 2016 ສປປ ລາວ ໄດ້ຮັບກຽດເປັນປະທານໝູນວຽນຂອງອາຊຽນ ຊຶ່ງເປັນຄັ້...
ເຄັກວຸ້ນ ອີກໜຶ່ງທຸລະກິດ ທີ່ມີກະແສຕອບຮັບດີ... ໃນ​ເບຶ້ອງ​ຕົ້ນ​ແມ່ນ​ເຮັດ​ໃຫ້ຫຼານກິນ ໃນໂອກາດວັນເດັກນ້ອຍສາກົນ ...
ສຳພາດ​ນາງ​ ສິລິພອນ ສຸທໍາມະວົງ (ນົກ) ເຈົ້າຂອງກິດຈະກ... ສຳພາດ​ນາງ​ ສິລິພອນ ສຸທໍາມະວົງ (ນົກ) ເຈົ້າຂອງກິດຈະການໂຮງແຮມນິ...
ບໍລິສັດເຂົ້າລາວມີຄວາມພ້ອມໃນການສົ່ງອອກ... ທ່ານ ອຸໄທ ໄຕມະນີ ຜູ້ອໍານວຍການ ບໍລິສັດເຂົ້າລາວ ຈໍາກັດ ເປີດເຜີ...
AEC ເປັນ​ບາດກ້າວ​ທີ່​ສຳຄັນ​ທີ່ຈະຊຸກ​ຍູ້​​ປະຊາຊົນ​ລ... AEC ເປັນ​ບາດກ້າວ​ທີ່​ສຳຄັນ​ທີ່ຈະຊຸກ​ຍູ້​​ປະຊາຊົນ​ລາວ​ໃຫ້​ມີ​...

Comments

comments

Ooh Laos 600×100
Main menu