Prudential 450×100

ໄຟຟ້ານະຄອນຫຼວງເລັ່ງປັບປຸງລະບົບໄຟເຍືອງທາງ ແລະ ໄຟອຳນາດ

ແບ່ງປັນ:

ປັດ­ຈຸ­ບັນ​, ພາກສ່ວນຕ່າງໆພວມຂຸ້ນຂ້ຽວ​ສຸມໃສ່ສ້າງຂະບວນການເພື່ອກະກຽມສະເຫຼີມສະຫຼອງວັນຊາດທີ 2 ທັນວາຄົບຮອບ 40 ປີ ແລະ ວັນສຳຄັນຂອງຊາດ ໃຫ້ມີບັນຍາກາດຟົດຟື້ນ​ເຊັ່ນ: ​ໄດ້ມີ​ການ​ປັບປຸງ​ສ້ອມ​ແປງລະບົບໄຟເຍືອງທາງ, ຄໍາ​ຂັວນວັນຊາດທີ 2 ທັນວາ, ການ​ອອກ­ແຮງ​ງານ​ຮັກ­ສາ​ຄວາມ​ສະ­ອາດ​ຖະໜົນ​ຫົນທາງ, ສະຖານ​ທີ່​ສວນສາທາລະນະ, ສໍານັກງານ-ອົງການຕະຫລອດ​ຮອດ​ເຮືອນ​ຊານ​ຂອງ​ພໍ່​ແມ່​ປະຊາຊົນ​ຊາວ​ນະຄອນຫຼວງ​ວຽງ​ຈັນ​ ​ໃຫ້​ມີ​ຄວາມ​ສວຍ​ສົດ​ງົດ​ງາມ.

ທ່ານ ກິ່ງ​ກິດ​ສະໜາ ທອງ​ສະໝຸດ  ຫົວໜ້າ​ຫ້ອງການ​ຄຸ້ມ​ຄອງ​ເຄື່ອງ​ຈັກ​ໄຟ​ເຍືອງ​ທາງ ​ແລະ ​ໄຟ​ອໍານາດ ​ໄຟຟ້າ​ນະຄອນຫລວງ ​ໄດ້​ໃຫ້​ສໍາພາດ​ໃນ​ວັນ​ທີ 5 ພະຈິກ 2015 ນີ້ວ່າ: ປັດຈຸບັນໄຟຟ້ານະຄອນຫລວງວຽງຈັນ ພວມ​ເລັ່ງປັບປຸງລະບົບໄຟເຍືອງທາງຢູ່ 35 ເສັ້ນທາງຫລັກ ແລະ ເສັ້ນທາງຊອຍຕ່າງໆ ໃນນະຄອນຫລວງວຽງຈັນ, ເພື່ອກະກຽມສະເຫລີມສະຫລອງວັນຊາດທີ 2 ທັນວາ ຄົບຮອບ 40 ປີ ແລະ ວັນສຳຄັນຂອງຊາດ ໃຫ້ມີບັນຍາກາດຟົດຟື້ນ. ຍັງ​ໄດ້​ມີການປ່ຽນຖ່າຍດອກໄຟເຍືອງທາງທີ່ເກົ່າແກ່ຊຸດໂຊມ ແລະ ປ່ຽນໄປນຳໃຊ້ດອກທີ່ປະຢັດພະລັງງານ ສາມາດໃຊ້ງານໄດ້ເປັນປົກກະຕິ ແລະ ມາຮອດດຽວນີ້ໄດ້ສຳເລັດແລ້ວຫຼາຍກວ່າ 30 ຈຸດ ຄື: ຢູ່ຖະໜົນສາມແສນໄທ, ຖະໜົນເສດຖາທິລາດ, ຖະໜົນສຸພານຸວົງ, ຖະໜົນໄກສອນພົມວິຫານ 23 ສິງຫາ, ຖະໜົນກຳແພງ​ເມືອງ, ຖະໜົນ 450 ປີ, ເດີນສະໜາມຫຼວງ (ເດີນພະທາດຫຼວງ), ເສັ້ນທາງຊອຍອື່ນໆ. ນອກຈາກນັ້ນ, ຍັງເລັ່ງໃຫ້ສ້ອມແປງໄຟອຳນາດທີ່ເກົ່າແກ່ເປ່ເພ, ໂດຍສະເພາະແມ່ນຈະໄດ້ປ່ຽນຈາກລະບົບໄຟຟ້າ ເປັນລະບົບພະລັງງານແສງຕາເວັນເພື່ອປະຢັດພະລັງງານ.

ທ່ານ ກິ່ງ​ກິດ​ສະໜາ ທອງ​ສະໝຸດ ໃຫ້​ຮູ້​ຕື່ມ​​ວ່າ: ຕະຫລອດ​ໄລຍະ​ທີ່​ຜ່ານ​ມາ​ທາງ​ໄຟຟ້າ​ນະຄອນຫລວງ​ໄດ້​ຖື​ສໍາຄັນ​ໃຫ້ການ​ພັດທະນາ​ຄຸ້ມ​ຄອງ, ປົກ​ປັກ​ຮັກສາ​ລະບົບ​ໄຟຟ້າ​ເພື່ອ​ໃຫ້​ປະຊາຊົນ​ໄດ້​ຊົມ​ໃຊ້ ​ແລະ ນໍາ​ໃຊ້​ເຂົ້າ​ໃນ​ການ​ພັດທະນາ​ເສດຖະກິດ-ສັງຄົມ ​ເຮັດ​ໃຫ້​ບ້ານ​ເມືອງ​ມີ​​ການພັດທະນາ​ເຕີບ​ໃຫຍ່​ຂະຫຍາຍຕົວ ​ແລະ ອໍານວຍ​ຄວາມ​ສະດວກ​ດ້ານ​ແສງ​ສະຫວ່າ​ງ​ໃນ​ການ​ດໍາລົງ​ຊີວິດ​ປະ​ຈໍາ​ວັນ​​​ໃຫ້​ນັບ​ມື້​​ດີ​ຂຶ້ນ​.

 

 

2

ເລື່ອງທີ່ກ່ຽວຂ້ອງ

ທຶນສົມທົບ ເພື່ອສົ່ງເສີມທຸລະກິດ... ກະຊວງ​ອຸດສາຫະກຳ ​ແລະ ການ​ຄ້າ ກົມ​ສົ່ງ​ເສີມ​ວິ​ສາ​ຫະກິດ​ຂະໜາດ...
ສາລະວັນ ສະຫຼຸບການນໍາໃຊ້ທຶນຊ່ວຍເຫລືອລ້າ-ທຶນກູ້ຢືມ.... ແຂວງສາລະວັນ ໄດ້ຈັດກອງປະຊຸມ ສະຫລຸບຕີລາຄາ ແລະ ກວດຄືນ ການນຳໃຊ້ທ...
ເປີດຕົວ ຮູບໂສມໃໝ່ ນ້ຳດື່ມ ຫົວເສືອ... ວັນ​ທີ 28 ທັນວາ 2015 ຢູ່​ທີ່ ຫ້ອງ​ປະຊຸມ​ໃຫຍ່ ບໍລິສັດ ​ເບຍ​ລາ...
ພິທີເປີດທະນາຄານ ໄຊງ່ອນ-ຮ່າໂນ້ຍ ລາວ ຈຳກັດ... ທະນາຄານ ​ໄຊ​ງ່ອນ-​ຮ່າ​ໂນ້ຍ ລາວ ຈຳກັດ (SHB) ​ໄດ້​ໄຂ​ຂຶ້ນ​ຢ່າງ...
ການເພີ່ມຜົນຜະລິດແມ່ນກຸນແຈຊຸກຍູ້ການເຕີບໂຕດ້ານເສດຖະກ... ການເພີ່ມຜົນຜະລິດແມ່ນກຸນແຈຊຸກຍູ້ການເຕີບໂຕດ້ານເສດຖະກິດ ວັນທີ 5...
ກອງປະຊຸມເຈົ້າໜ້າທີ່ອາວຸໂສອາຊຽນ +3 ແລະ ສຸດຍອດອາຊີຕ... ໃນວັນທີ 7 ພຶດສະພາ 2016, ທ່ານ ອາລຸນແກ້ວ ກິດຕິຄຸນ ລັດຖະມົນຕີປະ...
ພິທີມອບພະພຸດທະຮູບ ຜະລິດດ້ວຍເຈ້ຍ ໃຫ້ໂຄງການອະນຸຮັກຊ້... ວັນທີ 14 ພຶດສະພາ 2015 ຢູ່ທີ່ບໍລິສັດ ແມຊົງ ເດ ອາກຕີຊັງ ລາວ ຈຳ...
ຮອງນາຍົກ ເນັ້ນຫັນການຈ້າງງານເຂົ້າສູ່ລະບົບ ມີຄວາມສຳຄ... ໃນໂອກາດທີ່ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໃຫ້ກຽດເຂົ້າ...

Comments

comments

Ooh Laos 600×100
Main menu