Prudential 450×100

ຫຼາຍກວ່າ 200 ຮ້ານແລ້ວສະເໜີເຂົ້າຮ່ວມວາງສະແດງສິນຄ້າວຽງຈັນ

ແບ່ງປັນ:

ປັດຈຸບັນ​ນີ້ ມີບັນດາອົງ​ການຈັດ​ຕັ້ງ​ພາກລັດ-​ເອກະ​ຊົນ, ສະຖານທູດ, ນັກທຸລະກິດ, ພໍ່ ຄ້າ​ແມ່​ຄ້າ​​ທັງ​ພາຍ​ໃນ​ ​ແລະ ຕ່າງປະ​ເທດ​ໄດ້​ສະ​ເໜີ​ເຂົ້າ​ມາຈັບ​ຈ່ອງ​ສະຖານ​ທີ່​ຕັ້ງ​ຮ້ານ​ວາງສະ​ແດງ​ສິນ ຄ້າ ​ແລະ ຜົນງານ​ຂອງ​ຕົນ​ແລ້ວ 200 ກວ່າ​ຮ້ານ​​ ໃນ​​ງານວາງສະແດງສິນຄ້າວຽງຈັນ “Vientiane Expo 2015” ຂອງ​ການ​ສະຫຼອງ​ວັນ​ສະຖາປະນາ ສປປ ລາວ ຄົບຮອບ 40 ປີ ​ເຊິ່ງງານ​ດັ່ງກ່າວຈະຈັດຂຶ້ນລະ ຫວ່າງວັນທີ 28/11-7/12/2015 ທີ່ສູນການຄ້າລາວໄອເຕັກ, ນະຄອນຫລວງວຽງຈັນ.

​ໃນ​ນັ້ນ ບັນດາ​ຜູ້​ປະກອບ​ການຕ່າງປະ​ເທດ ​ແລະ ອົງການ​ຈັດ​ຕັ້ງ​ສາກົນ ມີ 70 ຮ້ານ,ທາງ ຄະນະ​ຊີ້​ນໍາ​ງານ​ວາງສະ​ແດງ​ສິນຄ້າ​ວຽງ​ຈັນ ຈາກ​ກົມ​ສົ່ງ​ເສີມ ​ແລະ ພັດທະ​ນາ​ສິນຄ້າ ກະຊວງ​ອຸດ​ສະ​ຫາ​ກໍາ ​ແລະ ການ​ຄ້າ ​​ຕັ້ງ​ເປົ້າ​ໄວ້​ວ່າ:​ ຈະ​ອະນຸຍາດ​ໃຫ້​ຕັ້ງ​ຮ້ານ​ວາງສະ​ແດງ​ສິນຄ້າ ​ແລະ ຜົນ ງານ​ມີຈໍານວນ​ສູງສຸດ 473 ​ຮ້ານ​ ໃນ​ເບື້ອງ​ຕົ້ນຢູ່​ຊັ້ນ 7 ອາຄານ​ຫຼັງ​ໃໝ່ ​ໃນ​ກໍລະນີ ມີ​ຄວາມ​ຕ້ອງ​ການເພີ່ມ​ຈາກ​ບັນດາ​ຜູ້​ປະກອບ​ການ ​ແລະ ​ອົງການ​ຈັດ​ຕັ້ງ​ສາກົນ ​ພວກ​ເຮົາ​ຍິນ​ດີ​ຈະ​ອຸ​ຍາດ​ໃຫ້​ຕື່ມ​ອີກຢູ່​ຊັ້ນ 6 ​ແລະ ການ​​ເປີດຈັບ​ຈ່ອງຕັ້ງ​ຮ້າ​ນວາງສະ​ແດງ​ສິນຄ້າ​ ມີ​ກໍານົດ​ຈະ​ປິດ​ໃນ​ທ້າຍ​ອາທິດ​ນີ້.

​      ເຈົ້າ​ໜ້າ​ທີ່ຈາກ​ກົມ​ສົ່ງ​ເສີມ ​ແລະ ພັດທະ​ນາ​ສິນຄ້າ ກະຊວງ​ອຸດ​ສະ​ຫາ​ກໍາ ​ແລະ ການ​ຄ້າ​​​ໄດ້​ເປີດ​ເຜີຍ​​ໃນ​ວັນ​ທີ 3 ພະຈິກ 2015 ນີ້ ວ່າ: ງານ​ວາງສະ​ແດງ​ສິນຄ້າ​ວຽງ​ຈັນ​ຄັ້ງ​ນີ້​​ ໄດ້​ເປີດ​ໃຫ້​ບັນດາ​ຜູ້​ປະກອບ​ການ​ພາຍ​ໃນ-ຕ່າງປະ​ເທດ ​ແລະ ບັນດາ​ອົງການ​ຈັດ​ຕັ້ງ​ສາກົນ ສາມາດ​ນໍາ​ເອົາ​ຜະລິດ​ຕະພັນ, ຜົນງານ ​ແລະ ການ​ບໍລິການ​ອື່ນໆ​ ມາ​ວາງສະ​ແດງທີ່ສູນການຄ້າລາວໄອເຕັກ. ຈຸດປະສົງ​ຕົ້ນຕໍ​ແມ່ນເພື່ອເປັນການ​ສະ​ເຫຼີ​ມສະຫຼອງ​ວັນ​ສະຖາປະນາ ສປປ ລາວ​ ຄົບຮອບ 40 ປີ, ​​ເປີດ​ໂອກາດ​ແລກປ່ຽນ​ປະສົບ​ການ, ຮັດ​ແໜ້ນ​ສາຍ​ພົວພັນ​ການ​ຮ່ວມ​ມື, ໃນງານຍັງຈະ​ຈັດ​ກອງ​ປະຊຸມ​ພົບ​ປະ​ບັນດາ​ນັກທຸລະກິດ​ພາຍ​ໃນ-ຕ່າງປະ​ເທດ ​ແລະ ​​ເຄື່ອນ​​ໄຫວ​ຈິດ​ຈະ​ກໍາສິລະ​ປະຕ່າງໆ.

ຄາດ​ວ່າຜູ້​ປະກອບ​ການ ​ແລະ ອົງການ​ຈັດ​ຕັ້ງ​ຕ່າງໆ​ ຈະ​ນໍາ​ເອົາ​ສິນຄ້າ​, ພ້ອມ​ຜົນງານ​ຂອງ​ຕົນມາ​ວາງສະ​ແດງ​ຄັ້ງ​ນີ້ປະກອບ​ 8 ຊະນິດ ຄື: ​ຫັດຖະ​ກໍາ​ຂອງ​ບັນດາ​ເຜົ່າ​ແຕ່ລະ​ເຂດ, ຜະລິດ​ຕະພັນ​ປຸງ​ແຕ່ງ, ​ເຄື່ອງ​ອຸດສາຫະກໍາກົນ​ຈັກ, ​ເຄື່ອງ​ອຸປະ​ໂພ​ກ-ບໍລິ​ໂພ​ກ, ການ​ບໍລິການ​ທ່ອງ​ທ່ຽວ​ແລະ ອື່ນໆ.

ເລື່ອງທີ່ກ່ຽວຂ້ອງ

ຫັດຖະກຳລາວກ້າວສູ່ AEC ( Handicrafts to perform in... ຂະແໜງຫັດຖະກຳລາວເປັນຂະແໜງເສດຖະກິດແຫ່ງຊາດທີ່ສຳຄັນອັນໜຶ່ງພ້ອມທັ...
AEC ເຮັດໃຫ້ເຮົາໄດ້ປຽບຫຼາຍດ້ານ.... ປະ​ເທດ​ລາວ​ເຮົາ​ເປັນ​ປະ​ເທດ​ທີ່​ນ້ອຍ​ຍັງ​ດ້ອຍ​ໃນ​ການ​ສຶກສາ​ ...
ຫຼວງພະບາງເມືອງມໍລະດົກໂລກແຫ່ງມົນສະເໜ... ເມືອງຫຼວງພະບາງ ຕັ້ງຢູ່ທາງພາກເໜືອຂອງປະເທດລາວ ໄດ້ຮັບການຍົກຍ້ອງ...
AEC ຈະເຮັດໃຫ້ຄົນລາວພວກເຮົາມີການປັບປ່ຽນ, ຄົນລາວໃນຍຸ... ສະບາຍດີ ເພື່ອນໆ  ທີ່ຮັກແພງ ເປີດຄໍລໍາໃໝ່ນັບຖອຍຫຼັງກ້າວເຂົ້າສູ...
ສຄອ ຈັດກອງປະຊຸມແລກປ່ຽນການບໍລິຫານ ແລະ ສົ່ງເສີມກຳລັງ... ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ຈັດກອງປະຊຸມ ແລກປ່ຽນຂໍ້...
ການພັດທະນາໄຟຟ້າລາວ ເພື່ອແນໃສ່ປັບປຸງຄຸນນະພາບ ຊີວິດກ... ມາຮອດປັດຈຸບັນ ລວມຍອດຜະລິດຕະພັນຂອງຂະແໜງພະລັງງານໄຟຟ້າ ແລະ ບໍ່ແ...
ປະຊາຄົມເສດຖະກິດອາຊຽນ AEC ກັບຄວາມພ້ອມຂອງ ສປປ ລາວ.... ​ລັດຖະບານໄດ້ຊຸກຍູ້ສົ່ງເສີມບັນດາວິສາຫະກິດລາວໃນທົ່ວປະເທດສຸມໃສ່...
ແຂວງຫົວພັນເກັບລາຍຮັບໄດ້ຕາມແຜນການເພື່ອມອບເຂົ້າງົບປະ... ເມື່ອ​ທ້າຍ​ເດືອນ​ຕຸລາ 2015 ທ່ານ ທອງຢ້ຽວ ພັດມະນີຈັນ ກຳມະການພັ...

Comments

comments

Ooh Laos 600×100
Main menu