Prudential 450×100

ກຽມເປີດຫ້ອງການສູນອາຊີມູນນິທິ ຍີ່ປຸ່ນປະຈຳລາວພ້ອມຈັດງານມະໂຫລານ

ແບ່ງປັນ:

ວັນ​ທີ 3 ພະ​ຈິກ 2015 ຢູ່​ນະຄອນຫຼວງ​ວຽງ​ຈັນ ສະຖານ​ເອກ​ອັກຄະ​ຣາຊະ​ທູດ​ຍີ່​ປຸ່ນປະ​ຈໍາລາວ​ ຮ່ວມ​ກັບ​ມູນ​ນິທິ​ຍີ່​ປຸນ​ ໄດ້​ຈັດ​ງານ​ຖະ​ແຫຼ​ງຂ່າວ​ ກ່ຽວ​ກັບ​ການ​ກະກຽມ​ເປີດ​ຫ້ອງການ​ສູນ​ອາ​ຊີ​ ມູນ​ນິທິ​ຍີ່ປຸ່ນ​ປະ​ຈໍາ ສປປ ລາວ  ​ແລະ ການກະກຽມຈັດ​ງານບຸນມະ​ໂຫລານ​ຍີ່ປຸ່ນ 2015​ ​ໂດຍ​ມີ​ທ່ານ ຮິ​ໂຣະຢູກິ ຄິຊິ​ໂນະ ​ເອກ​ອັກຄະ​ຣາ​ຊະ​ທູດ​ວິສາມັນ​ຜູ້​ມີ​ອໍານາດ​ເຕັມ ​ແຫ່ງ​ປະ​ເທດ​ຍີ່ປຸ່ນ​ປະ​ຈໍາ​ລາວ, ທ່ານ ຮິ​ໂຣະຢະຊຶ ອັນ​ໂດ ປະທານ​ມູນ​ນິທິ​ຍີ່​ປຸນ, ທ່ານ ຮິ​ໂຣະຊິ ອຸ​ຈິ​ດະ ຫົວໜ້າ​ອໍານວຍ​ການ​ຫ້ອງການ​ສູນ​ອາຊີ​ມູນ​ນິທິ​ຍີ່ປຸ່ນ ​ປະ​ຈໍາ​ນະຄອນຫຼວງ​ວຽງ​ຈັນ, ມີ​ບັນດາ​ຫົວໜ້າ​ກົມ, ຮອງ​ກົມ ​ແລະ ພະນັກງານ​ທີ່​ກ່ຽວຂ້ອງ​ເຂົ້າ​ຮ່ວມ.

ທ່ານ ຮິ​ໂຣະຢະຊຶ ອັນ​ໂດ ​ໄດ້​ກ່າວ​ວ່າ: ຫ້ອງການ​ສູນ​ອາຊີ ມູນ​ນິທິ​ຍີ່ປຸ່ນ​ປະ​ຈໍາ​ນະຄອນຫຼວງ​ວຽງ​ຈັນ ​ແມ່ນ​ມີ 2 ພາລະ​ບົດບາດ​​ສໍາຄັນ ​ຄື:​ ການ​ສົ່ງ​ເສີມ​ໂຄງການ​ແລກປ່ຽນ​ວັດທະນະ​ທໍາ​ທາງ​ດ້ານ​ສິລະ​ປະ(ການສະ​ແດງ​, ຮູບ​ເງົາ, ກິລາ ​ແລະ ອື່ນໆ), ສົ່ງ​ເສີມ​ການ​ສຶກສາ​ຍີ່ປຸ່ນ​ໃນ​ປະ​ເທດ​ລາວ​ ​ໃນ​ນີ້​ແມ່ນ​​ສົ່ງ​ຜູ້​ຊ່ຽວຊານ​ທາງ​ດ້ານ​ພາສາ​ຍີ່ປຸ່ນ ​ເພື່ອ​ຊ່ວຍ​ສະໜັບສະໜູນ​ອາຈານ​ສອນ​ຄົນ​ລາວ​ໃນ​ການ​ສອນ​ພາສາ​ຍີ່ປຸ່ນ, ປັດຈຸບັນ​ມູນ​ນິທິ​ຍີ່ປຸ່ນ​ ໄດ້​ປະກອບສ່ວນ​ໃນ​ການ​ສະໜັບສະໜູນ​ໂຄງການ​ຕ່າງໆ​ຢ່າງ​ກ້ວາງ​ຂວາງ​ໃນ​ທົ່ວ​ໂລກ ​ໂດຍ​ຜ່ານ​ຫ້ອງການ 22 ​ແຫ່ງ​ໃນ 21 ປະ​ເທດ, ​ສໍາລັບໃນ​ປະ​ເທດ​ອາຊີ​ແມ່ນ​ມີ​ຢູ່ 5 ປະ​ເທດ​ ຄື: ປະ​ເທດ​ອິນ​ໂດ​ເນ​ເຊຍ, ຟິລິບ​ປິນ, ມາ​ເລ​ເຊຍ, ​ໄທ ​ແລະ ຫວຽດນາມ.

ພ້ອມ​ນີ້ ທ່ານ ຮິ​ໂຣະຢູກິ ຄິຊິ​ໂນະ​​ ໄດ້​ລາຍ​ງານ​ວ່າ: ງານ​ບຸນມະ​ໂຫລານ​ຍີ່ປຸ່ນ​​ໃນ​ປີ​ນີ້ ຈະ​ໄດ້​ຈັດ​​ແຕ່​ວັນ​ທີ 13-15 ພະຈິກ 2015 ນີ້ ທີ່​​ຫໍ​ວັດທະນະ​ທໍາ​ແຫ່ງ​ຊາດ ປະກອບ​ມີ​ຫຼາຍ​ກິດຈະ​ກໍາ​ເຊັ່ນ: ການວາງສະ​ແດງ​ສິນຄ້າ​ຍີ່ປຸ່ນຈໍານວນ 30 ບໍລິສັດ ​ແລະ ການສະ​ແດງ​ສິລະ​ປະດົນ​ຕີ​ກອງ​ຕ້າ​ຍີ່ປຸ່ນ, ການ​ເດີນ​ແບບ​ເຄື່ອງ​ນຸ່ງຫົ່ມ​ທັນ​ສະ​ໄໝ​ຂອງ​ຍີ່ປຸ່ນ ​ໂດຍ​ນາງ​ແບບ​ທີ່​ມີ​ສື່​ສຽງ​ຈາກ​ປະ​ເທດ​ຍີ່ປຸ່ນ ພ້ອມ​ດຽວ​ກັນ​ນີ້​ ກໍ​ມີ​ການສະ​ແດງ​ຮ່ວມຈາກ​ສິລະ​ປິນ​ລາວ ​ແລະ ຍີ່ປຸ່ນ ​ເຊິ່ງ​ເປັນ​ກຸ່ມ​ສິລະ​ປິນແມ່ຍິງໜ້າ​ຮັກ​ ຈາກ​ແຂວງ​ຟຸຄຸ​ໂອ​ກະ​ ທາງພາກ​ໃຕ້​ຂອງ​ຍີ່ປຸ່ນ ​ແລະ ຍັງ​ມີ​ກິດຈະ​ກໍາ​ທີ່​ສ້າງ​ຄວາມ​ມ່ວນ​ຊື່ນ​ຕ່າງໆ​ນໍາ​ອີກ ທັງ​ນີ້​ກໍ​ເພື່ອ​ເປັນ​ການສະ​ເຫຼີ​ມສະຫຼອງ​ຄົບຮອບ 60 ປີ ການສ້າງຕັ້ງ​ສາຍ​ພົວພັນ​ທາງ​ການ​ທູດ ລະ ຫວ່າງ ລາວ ​ແລະ ຍີ່ປຸ່ນ ​ໃຫ້​ເຕັມ​ໄປ​ດ້ວຍ​ຄວາມ​ເບີກບານ​ມ່ວນ​ຊື່ນ ​ແລະ ​ແໜ້ນ​ແຟ້ນຍິ່ງໆ​ຂຶ້ນ.

 

ເລື່ອງທີ່ກ່ຽວຂ້ອງ

AEC ຈະສົ່ງເສີມດ້ານສິນຄ້າກະສິກຳມີການພັດທະນາດີຂຶ້ນ, ... ບໍລິສັດ ເພັດມະນີ ສົ່ງເສີມການກະເສດ ຄົບວົງຈອນ ເປັນ​ບໍລິສັດ​ທີ່...
ຫັດຖະກຳລາວກ້າວສູ່ AEC ( Handicrafts to perform in... ຂະແໜງຫັດຖະກຳລາວເປັນຂະແໜງເສດຖະກິດແຫ່ງຊາດທີ່ສຳຄັນອັນໜຶ່ງພ້ອມທັ...
ພວກເຮົາໃຫ້ບໍລິການງານໂຄສະນາ ທີ່ຫຼາກຫຼາຍຮູບແບບ ເພື່ອ... ບໍລິສັດ ປັນຍາທິບ ໂຄສະນາ ໃຫ້ບໍລິການດ້ານງານໂຄສະນາ ທີ່ຫຼາກຫຼາຍຮ...
JOMA ເນັ້ນທີ່ຈະສືບຕໍ່ດຳເນີນທຸລະກິດໃຫ້ດີທີ່ສຸດ... ປະ​ເທດ​ລາວ​ເປັນ​ປະ​ເທດ​ໜຶ່ງ ​ທີ່​ມີ​ຄວາມ​ອຸດົມ​ສົມບູນ​ໄປ​ດ້ວ...
ຫຼາຍກວ່າ 200 ຮ້ານແລ້ວສະເໜີເຂົ້າຮ່ວມວາງສະແດງສິນຄ້າວ... ປັດຈຸບັນ​ນີ້ ມີບັນດາອົງ​ການຈັດ​ຕັ້ງ​ພາກລັດ-​ເອກະ​ຊົນ, ສະຖານທ...
ເຄື່ອງຫັດຖະກຳລາວ ໄດ້ຮັບຄວາມນິຍົມຈາກພາຍໃນ ແລະ ຕ່າງປ... ເພື່ອ​ນຳ​ໃຊ້​ເຂົ້າ​ໃນ​ຊີວິດ​ປະຈຳ​ວັນ ​ແລະ ປະດັບ​ເອ້ຍ້ອງ​ໃນ​ບ...
ສຄອ ຈັດກອງປະຊຸມແລກປ່ຽນການບໍລິຫານ ແລະ ສົ່ງເສີມກຳລັງ... ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ຈັດກອງປະຊຸມ ແລກປ່ຽນຂໍ້...
ກະແລມ ພາລາໄອສ AEC ທີ່​ ສປປ ລາວ ຈະເຂົ້າຮ່ວມແມ່ນ​ເປັນ​ການ​ຮ່ວມ​ມື ລະຫວ່າງອາຊ...

Comments

comments

Ooh Laos 600×100
Main menu