target_faceb_p03-01

ເມືອງເລົ່າງາມເສດຖະກິດຂະຫຍາຍຕົວ

ທ່ານ ຄຳຜ່ານ ມາດອິນສຸກ ຮອງເລຂາພັກເມືອງ ປະທານກວດກາພັກ ເມືອງເລົ່າງາມ ແຂວງ ສາລະວັນ ໄດ້ຜ່ານບົດຕີລາຄາ ການນໍາພາຮອບດ້ານ ໃນໄລຍະສົກປີ 2015-2016 ແລະ ທິດທາງ 3 ເດືອນທ້າຍປີໃນກອງປະຊຸມຄົບຄະນະບໍລິຫານງານພັກ ເມືອງເລົ່າງາມ ເປີດກ້ວາງຄັ້ງທີ 5 ສະໄໝທີ XI ໄດ້ຈັດຂຶ້ນ ເມື່ອບໍ່ດົນມານີ້ ໃຫ້ຮູ້ວ່າ: ເສດຖະກິດມີການ ຂະຫຍາຍຕົວຢ່າງຕໍ່ເນື່ອງ ໄດ້ຮັບການພັດທະນາຢ່າງຮອບດ້ານ ເຊິ່ງສະແດງອອກ ລວມຍອດຜະລິດພາຍໃນ ບັນລຸໄດ້ 802, 55 ຕື້ກີບ, ທຽບໃສ່ແຜນການ ປີປະຕິບັດໄດ້ 96%. ທົ່ວເມືອງມີຄວາມສະຫງົບ ໂດຍພື້ນຖານທາງດ້ານການເມືອງ, ເສດຖະກິດ ແລະ ວັດທະນະທຳ-ສັງຄົມ ໄດ້ຮັບການພັດທະນາ ດີຂຶ້ນຢ່າງຕໍ່ເນື່ອງ ຊີວິດການເປັນຢູ່ ຂອງປະຊາຊົນ ມີການພັດທະນາ ແລະ ແກ້ໄຂຄວາມທຸກຍາກ ນັບມື້ນັບດີຂຶ້ນເປັນກ້າວໆ.

ພ້ອມນີ້ທາງການນຳເມືອງຍັງໄດ້ເອົາໃຈໃສ່ຊຸກຍູ້, ສົ່ງເສີມການປູກພືດ ອຸດສາຫະກຳ ເປັນສິນຄ້າ ເປັນຕົ້ນ ກາເຟ, ມັນຕົ້ນ, ຖົ່ວ ດິນ, ມັນດ້າງ, ກ້ວຍ; ການປູກເຂົ້ານາປີ, ນາແຊງ ແລະ ລ້ຽງສັດ, ປູກພືດຜັກອື່ນໆ ທຽບໃສ່ປີຜ່ານມາ ເພີ່ມຂຶ້ນຫລາຍເທົ່າຕົວ;  ສຳລັບຜົນຜະລິດກາເຟ ບັນລຸໄດ້ 13.000 ໂຕນ, ມັນຕົ້ນ 200.000 ໂຕນ, ຖົ່ວດິນ, ມັນດ້າງ , ກ້ວຍ ແລະ ພືດຜັກອື່ນໆ ບັນລຸ 30.000 ໂຕນ, ເຂົ້ານາປີ 6.500 ໂຕນ,  ນາແຊງ 2.500 ໂຕນ.

ປັດຈຸບັນ ຄອບຄົວທຸກຍາກຫລຸດລົງ ຍັງເຫລືອເກືອບ 300 ຄອບຄົວ, ເທົ່າກັບ 2,07% ຂອງຄອບຄົວ ໃນທົ່ວເມືອງ, ອັນພົ້ນເດັ່ນແມ່ນສາມາດ ເກັບລາຍຮັບໄດ້ເກີນແຜນ 758.290.000 ກວ່າກີບ, ເທົ່າກັບ 14% ຂອງແຜນການປີ, ເພີ້ມຂື້ນ 12,7%. ໃນນັ້ນ, ຂະແໜງກະສິກໍາ-ປ່າໄມ້ ກວມເອົາ 57%, ຂະແໜງອຸດສາຫະກໍາ-ຫັດຖະກໍາກວມ 23% ແລະ ຂະແໜງບໍລິການກວມເອົາ 20%, ສະເລ່ຍລາຍຮັບໃສ່ຫົວຄົນ 11 ລ້ານກວ່າກີບ ຫລື ເທົ່າກັບ 1.400 ໂດລາສະຫາລັດ/ຄົນ/ປີ  ຄາດໝາຍສູ້ຊົນ ລາຍຮັບສະເລ່ຍໃນປີ 2020 ໃຫ້ບັນລຸ 2.000 ໂດລາສະຫະລັດຕໍ່ຄົນ.

ຂໍ້ມູນຈາກ: ຂປລ.

ເລື່ອງທີ່ກ່ຽວຂ້ອງ

ບໍລິຄໍາໄຊປ່າໄມ້ຫຼຸດລົງໜ້າເປັນຫ່ວງ... ເນື້ອທີ່ປ່າໄມ້ແຂວງບໍລິຄໍາໄຊຫຼຸດລົງຢ່າງຫຼວງຫຼາຍ....ໂດຍສະເພາະເ...
ໄຊຍະບູລີ ເລັ່ງສົ່ງອອກເພີ່ມທົດແທນປີຜ່ານມາ... ຂະແໜງການຄ້າ ແຂວງໄຊຍະບູລີ ໄດ້ສືບຕໍ່ເພີ່ມທະວີຄວາມເອົາໃຈໃສ່ ໃນດ...
ລັດ-ໃຫ້ກວດກາຄືນການເກັບຄ່າຝາກລົດແຄມທາງ... ພາຍຫລັງເກີດມີຫາງສຽງຈົ່ມວ່າກ່ຽວກັບມີບາງກຸ່ມຄົນຈໍານວນໜຶ່ງຊອກເລ...
ລາວໄດ້ຮັບການຊວ່ຍເຫຼືອໃນການບໍາບັດສິ່ງເສດເຫຼືອອັນຕະລ... ໂດຍສືບຕໍ່ ການຊ່ວຍເຫລືອ ດ້ານທຶນຮອນ ແລະ ຊ່ຽວຊານ ຈາກກະຊວງ ສິ່ງແ...
ກວດພົບການລັກລອບຂົນໄມ້ ຢູ່ດ່ານສາກົນນາເພົ້າ... ເຖິງຈະມີຄໍາສັ່ງ ນາຍົກລັດຖະມົນຕີ ສະບັບເລກທີ 15/ນຍ , ແຕ່ຂະບວນກ...
ຮອງປະທານປະເທດ ຢ້ຽມຂໍ່ານັບປະທານປະເທດຫວຽດນາມ.... ວັນທີ 12 ກໍລະກົດ 2016, ຄະນະຜູ້ແທນຂັ້ນສູງຂອງພັກ, ລັດລາວ ນຳໂດຍ...
ກອງປະຊຸມສຸດຍອດອາຊຽນຄັ້ງທີ29... ໃນຕອນເຊົ້າວັນທີ 7 ກັນຍາ 2016 ນີ້, ສປປ ລາວ ໃນນາມປະທານອາຊຽນ ໄດ...
ທ້າຍປີຈະສໍາຫຼວດກໍາລັງແຮງງານຄັ້ງທີ II ປີ 2016... ຄະນະຊີ້ນໍາການສໍາຫລວດແຮງງານ ເປີດບັ້ນການສໍາຫລວດກໍາລັງແຮງງານໃນ ...

Comments

comments

Main menu